رويـــــال فـــريـــنـــدس

اسلاميات | رياضه | اخبار | صور | اغانى | افلام | مسلسلات | فيديوهات | كورسات | تطوير المنتديات | وكل مايخص الموبيل
 
الرئيسيةالمجلهمكتبة الصورس .و .جبحـثالأعضاءالتسجيلدخول
الساده اعضاء رويـــــال فـــريـــنـــدس
نريد ان نعلمكم ان المنتدى يتوفر على رابطين
 http://royalfriends.own0.com
 http://assasi4ever.own0.com
وشكرااااااااااا
By Abu Ali Elassasy


شاطر | 
 

 روايه الحب الامستحيل الثامن تكمله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الجوكر
عضو مميز
عضو مميز
avatar

الجنسيه :
مزاجك ايه :
هوايتى :
المهنة :
الجنس : ذكر
عدد المساهمات : 129
نقاط العضو : 8773
شعبية العضو : 1
الجدي
الفأر
العمر : 32
تاريخ التسجيل : 10/05/2010
اوسمتى :
اوسمتى 3 :

مُساهمةموضوع: روايه الحب الامستحيل الثامن تكمله   9th يونيو 2010, 21:45

ريناد فاتحة اللاب توب وحاطته بحظنها .. وتناظر بالصور
خلود تأشر على صورة ريان / شراايك بهذي انا مسويتها بالفوتوشوب
ريناد / جد والله كيف علميني ..
خلود / والله سهل راح تتعلمي بسرعة اعرفك ذكيه ..
ام عبدالله دخلت عرض / ندى تعرف تصلح الصور وتضيف لهم حركات
ريناد تناظر ندى / اووكي ندووش علميني اجل
ندى / من عيووني الثنتين كم ريناد عندنااا
ام عبدالله ( ريناد وريناد ماتعرفي ان امها كانت من اعز اصدقائي وسرقت ابوك مني ياندى )
ريناد / تسلميين ندوو
خلود / بعد قلبي عبدالله جالس يطبخ وحنا هنااا مبسوطين
ندى / كاسر خاطرك ينقال عنك يلااا روحي معه
خلود / لاا خليه علشان مرة ثانيه مايتحدى .. ويعتقد كل مرة هو اللي بيربح ..
ريناد / هههههههه اللي يسمعك انتي الربحاانه
خلود / هههههههه انا وانتي وااحد .يااقلبي .
ام عبدالله منقهررة وتحكي بنفسهااا ( حتى انتي ياخلود تعلقتي فيها بعد ياخوفي من الأيام اللي راح تجي وش راح يصير ؟؟ مثل ماظلت امها تتمسكن ليمن تمكنت واخذت بو عبدالله .. ))
هي تعتقد ان امها اهي اللي تلاحق بو عبدالله ماكأن بوعبدالله اللي كان يلاحقها ليمن رضت ووافقت على الزواج .. لا بالسر بعد .. وماعرفوا انهم متزوجين الا بالصدفه بعد ماكان عمر ريناد 10 سنوات .. وهنا بدأت المشاكل وكان بو عبدلله مايروح لأم ريناد كثييير في بيتهم .. وريناد افتقدته كثير و بعد وفاة امها اخذها لعنده بالبيت .. وطبعا ندى مااحتكت بريناد الا بالمدرسة بالثانويه كانوا يشوفون بعض ليمن تعلقوا ببعض اكثر واكثر .. وانبسطت كثير لما جات البيت معهم .. ))

عبدالله يصااارخ / خلووووووووووووود
خلود / هلاااااااااااا
عبدالله / تعااالي شووي
ندى تصارخ / ممنووووووووووووووع
عبدالله / وش دخلك انتي
ندى / اذا تبغاها تساعدك في شي ماراح اخليها تجيك . قول لها هنا وش تبي .
عبدالله / بلاااا ماتضفي وجهك بس ..
ريناد / هههههههههههههههه
خلود / ماعليك من ندى جاايه
وقفت بسرعة وراحت له ..
ندى شهقت / ايا الخاينة ماتستغنى عنه دقيقة وحدة ..
ريناد / ههههههههه شيضرك خليها ترووح يمكن تنقذنا من التسمم ههههههههه
ندى / ايواا صاااادقة واللهـ
ام عبدالله تناظر ريناد بحقد / الا وش اخبار خالتك ام حسام ؟؟ تكلمينها وتكمك ؟؟
ريناد استغربت من سؤالها وبنفس الشي ارتبكت ناظرتهاا / لا خالتي .. مااكلمها ولا تكلمني
ام عبدالله / ليه ؟؟ غرييبه يعني هي مو خالتك ؟ ماودها تطمن عليك
ريناد بلعت ريقها / مو لازم تطمن علي الحمد لله انا مرتاحه هنا
ندى قاطعتهم / ماما راح يجي بابا ولاااا ؟؟
ام عبدالله / لااااا مااتوقع
ريناد (( جاية انبسط هنا والله يهديك ياخالتي ام عبدالله تذكريني فيهم )) ..

:::::::::::::::

خلود / ياااااااااااي الريحة جناااااااااااان
عبدالله ابتسم وهو يناظرهااا / اعلمك انا لقلت اطبخ يعني اطبخ من قلب
خلود / ههههههههه اشوف عبدالله افتح الغطا خلني اشوف الكبسه
عبدالله / هههههههههه لااا ياقلبي ماراح تشوفوها الا ليمن اقدمها لكم ..
خلود تمسك بطنها النحيف المشدود / جوعاانه حرام عليك بس خلني اشووف بس ..
عبدالله / نووووووووو
خلود / يالنذل انا زوجتك ..
عبدالله ناظر بعيونهااا / عارف انك زوجتي .. واحسن واجمل زوجة بالدنياااا
خلود ابتسمت وهي تتأمله كيف يناظرها بلهفة وكل حكي وعبارات الحب بعيونه من اول ماعرفته لليوم هذا
خلود قربت منه بجرأه وحظنته ولمعت عيونها / الله يخليك لي .. وربي لايحرمني منك
عبدالله بابتسامه / ويخليك لي طول العمر ..
ندى التفت عيونها برى المخيم / ههههههههههههههههه
ريناد وهي مندمجة وتناظر اللاب توب / .وشفيك ؟؟ بدى الأستهبال ؟؟
ندى / اتركي منك اللاب توب وناظري برى ..
ريناد ناظرت برى المخيم شافت عبدالله وخلود حاظنين بعض / ؟؟؟؟؟؟؟؟؟
ندى / هههههههههههه ماصدقت من على الله راحت تعمل غرامياات هالوقت .
ريناد / هههههههههههههههه الله يخليهم لبعض ..
ندى / بسكم ؟؟ عز الله احترقت الكبسه
ريناد / لااااااا لاتقولي تكفين
وام عبدالله جنبها ريان وروان تلعبهم وتحكي معهم ..

:::::::::::::::::::::::
وفي بيت ام حسام ...

دانه تنادي اخوها حسام / حساااااااااااام .. حســــــــام
حسام بعصبيه / نعم وش تبين انتي ؟؟
دانه / ممكن سلف ؟؟
حسام / مؤدبة الاخت اشووف ؟؟ لااا طبعا مو ممكن
دانه بعصبيه / وليه .. محتاجته ضروري
حسام / وش عندك كل يوم والثاني ماخذه فلوس يامن عندي يامن عند امي ..
دانه / انت وش دخلك .. حنا مااتفقنا انا لا انت تدخل فيني ولا انا راح ادخل فيك .. ولا نسيت
حسام / اففففففففففف لا مانسيت .. بس من اليوم ورايح مو خايف من شي واللي ماتوصليه بيدك واصليه برجولك ..
دانه / هههههههههه علينااااا
حسام / وبعدين معك .. قلت لك ماني معطيك ولا قرش .. وطلعاتك هذي من اليوم ورايح انسيهااااااااااااااااااا
دانه / ايش ؟؟ من تكون على شان تامرني وتنهاني ؟؟
حسام / وعمااا اخوك وتاج راسك
دانه / اخوي بس تاج راسي لا والف لا
حسام / شكلك اليوم ناويه عالمشاكل .. اقصري الشر وانضفي بغرفتك ..
دانه ولهجة تهديد / الأيام بيننا ياحسام واوريك من دانه تكون ..
دخلت ام حسام البيت .. وبالصاله
ام حسام / بس شفيكم صوتكم وصراخكم واصل لبرى ...
حسام / ماتعرفي بنتك انها تحب المشاكل وبس
دانه / انا اللي احب المشاكل ولا انت .. بس طلبت منه سلف الا طب فيني
ام حسام / انتي كل شوي سلف وسلف .. وين مصروفك اللي اعطيك اياه ووين اللي يعطونك الجامعه ؟؟
دانه / بتعطوني ولااا
ام حسام ../ ماعندي شي اعطيك ..
حسام / ماعليك منهااا وان عطيتيها مرة ثانيه غير مصروفها لا والله احرمها من المصروف والجامعه بعد
دانه طلعت من الصاله ومو مهتمة من أي شي / أي هين تقدر تحرمني ..

::::::::::::::::::

الساعة1 ونص ظهرااااااا
الشمس كانت قوية بالبر عكس الصباح كان الجو حلوو ولطيف ..
روان / فيني النوووووووووووووم ماما
ريان / انا جوعااااااان وين الغدااا بسرعه
ندى وريناد تسدحوا بعد ماصلوا الظهر وينتظرون الغدا اللي لحد هالحين ماخلص ..
ام عبدالله / يالله ( ميري / نوهاتا ) جهزوا السفره وحطوا المقبلات متنا جووع ..
خلود / ههههههههههه خالتي والله يبغا لنا ناكل منهم على مايشرف عبدالله ..
ندى جلست / هــــــــــــيه لا حد ياكل ... انتظروااا شوفوا شكله جاي ..
ريناد / امممممممممممممممم شوفي جاب الكبسه معه

وجلسوا كلهم حوالين السفرهـ ..
عبدالله يغني ويدندن ومبسووط مررهـ قرب من السفرهـ وحط الصحن ..
الكل / وااااااااااااااااااااااااو
ام عبدالله / يالله سموا بالله
ندى / شكله جنااااااااااان بس الله يستر لما نذوقهااا
عبدالله / لحظة كل واحد يعطيني صحنه وانا احط له ..
وحط لهم وبدوا ياكلوون ..
ام عبدالله اول وحده كلت / طلعت مو بسهل والله ..
الكل تحمس ..
ندى وريناد وخلود بعد ماكلوا / لذييييييييييييييييييييييذهـ
عبدالله / جد والله ؟؟
خلود / تسلم يدك يااقلبي من جد طلعت مو هين ..
روان / احسن من اللي تصلحها امي
ريان / أي صح
الكل / ههههههههههههههههههههههه
خلود / لا والله حتى انا فنانة بالطبخ .. انتم بس ذوقوا الورق العنب واحكمواا
ندى وهي تاكل الورق العنب / وانا اشهد مايحتاااااااااااج
ريناد / طيب والفتوش شرايكم فيهـ
عبدالله بعد ماااكل منه / خطيييييييير .. يناظر ريناد .. / انتي مصلحته
ريناد / ايووهـ
ام عبدالله / يوووه ياليت مصلحه تبوله بدله انا مااحب اللي فيه خبز وماادري ايش
ندى / ماما ترى الخبز اهو اللي يحليه ..
ريناد / خالتي المرة الجايه اصلح لك تبوله ..
ام عبدالله تاكل وهي ساكته ... وماكلمت ريناد ..
ريناد (( كل ماحاولت اتقرب فيك تبعدي .. ليه ؟؟؟ انا وش ذنبي ؟؟ انا ماغلطت بحقك ابد بالعكس اداريك وادور رضاك .. في أي شي .. بس ليه تعامليني كذااا .. ))

:::::::::::::::::::::::

رنيم بعد ماتغدت صعدت فوق بغرفتهااا وقفلت عليها الباب ..



جلست عالسرير واخذت جوالها . .. ودقت

الحب الكبير .. جاري الأتصال

فيصل مو مصدق عيونه ان رنيم داقه عليه ..

فيصل بلهفة / اهليين
رنيم بلهفة اكثر / هلا فيصل وحشتني .. كيفك ؟؟
فيصل ( يابعد قلبي والله) / والله انا مشتاق لك اكثر ..
رنيم بصوت واااطي / احبك ... احبك .. احبك
فيصل (( آآآآآآآآهـ لا تعذبيني اكثر يارنيم ... )) كح بقووهـ
رنيم بخوف / سلاامتك وش فيكـ
فيصل / لحظة ابشرب مويه ,,
رنيم / يااحيااتي انت ياليت انا جنبك وامسك لك الكاس بيدي واشربك ..
فيصل بعد ماشرب المويه / ياحياتي انتي .. ..
رنيم بجديه / فيصل
فيصل / هلااا
رنيم / تعال اطلب يدي من بابا .. انا راح اوافق والله حتى لو فيك امراض وعيوب الدنيا كلهااا .. مو مهم عندي اهم حاجة اكون بقربك وجنبك ...
فيصل بهدوء / حبيبتي والله ودي بس انا ماابغاك تنربطين فيني واكون سبب تعاستك .. رنيم انا مااقدر اسعدك .. انا مستحيل اعيش معك سنوات طويله .. رنيم افهميني .. انا تعبااااااااااااان واللي متعبني انتي ...
رنيم مستغربه / انااا ليه ؟؟
فيصل / لأنك متأمه اننا نتزوج ونعيش مع بعض ... صح
رنيم / ايووه ليه لااا .. والأعمار بيد الله ..
فيصل مو عارف كيف يقنعهااا كل ماراح يمين جات له شمال .. وكل ماحاول يسكتها تستجوبه اكثر .. مو عارف يحكي لها ويعلمها انه حالته متدنيه هاليومين .. وكل يوم عن يوم تسوء حالته للأكثر كل يوم بالمستشفى .. وادويه من كل شكل ..
فيصل / اتمنى ماتنسيني ابد .. اووكي انا اخليك هالحين .. اكلمك وقت ثااني
رنيم / طيب حبيبي .. حط بالك على نفسك .. ولا تجهد نفسك ابد اووووكي
فيصل / ان شاااااااااااء اللهــ باي ..

:::::::::::::::::::::::::

بو عبدالله جالس بمكتبه ويفكر .. فيبو وليد .. وكيف راح يتصرف معه وهو معطيه مهلة كم يوم بس ..
طيب من وين راح يجيب له وخاصة انه خسر كل مايملك في حسابه بالأسهم .. بعد النكسه اللي صارت بالسوق ..
يعني مو قادر يسوي ولااااااا شي ..
الا يدق عليه بو وليد ..
رفع التليفون .. بهدووء
بو عبدالله / الوو
بو وليد / هلااا بو عبدالله .. ها شلونك اليوم ..
بو عبدالله / الحمد لله بخير
بو وليد / فكرت بكلامي ..
بو عبدالله وضايقه الدنيا فيه / ربي يحلها ان شاء الله .. بس لاتحملني فوق طاقتي .. خلني افكر بهدوء علشان اوصل لحل يريحني واريحك ...
بو وليد بلهجة تهديد / شوف انا رايح الكويت بخلص كم شغله باجر وبرجع بعد شهر او شهرين ومااراح اجي الا كل مستحقاتي والفلوس في يدي فاااهم ..
بو عبدلله ارتااح بعد ماقال انه بيسافر وراح يطول بعد / اووكي ان شاء الله بحاول قد مااقدر والله
بو وليد / انا مايهمني شي ارجع من الكويت وكل شي بيدي .. لا والله لي معاك تصرف ثااني .. ترى تعبت وانا اصبر عليك .. خلااص لمتى وانا جذيه .. ابي اأمن مستقبل عيالي .الله يعلم بعد موتي شيصير .. . ..
بوعبدالله / بعيد الشر ... خلاص انشاء الله اول ماترجع كل شي يصير اووكي ..
بو وليد / ان شاء الله وياليت تقدر موقفي ...
بو عبدالله / انا مقدر بس انت عارف الأسهم طيرت كل مااملك .. وخسرت كل شي .. والحين احاول اسوي عروض للسيارت اللي عندي ,و علشان اقدر اعوض ولو شي قليل ..
بو وليد / انا عارف كل شي .. بس اانا مثلك ماعندي شي ومافيها شي اذا طالبتك بمالي وحلالي

بو عبدالله يحكي معه وهو ضاغط على نفسه واعصابه ..
.
:::::::::::::::::::::::::::::

عماد وراكان وصلوا البحرين .. ودخلوا سينما السيف وشافوا فيلم رعب ..
طلعوا وهم مبسطوووطين وحكى راكان لعماد عن البنت اللي شافها في مكتبة جرير
عماد / ههههههههههههههههه والله خطيره هالبنت بس كان عطيتها وجه .. شوف وش تبي ؟؟
راكان / فااااضي لهاااا انااا .. اصلا حتى مااقدرت اناظرهااا ..
عماد / ههههههههههههههههههههههههههه
راكان / امش بس هالمحل ابغا آخذ حاجات حق امي وخوااتي ..
عماد / اووكي يلاااا ندخل ..

:::::::::::::::::::::::::

بالبــــــــــر



بالسيارهـ كلهم الا ( ام عبدالله وروان وريان ) وانواع الصرقعة والهبااااااااااااال
كلهم شلحوا الشيله .. بس عبايات عليهم ..
خلود / عبدالله حط اغنية للجسمي..
ندى / لاااا ,, نبغا اغنيه لرااشد الماجد
ريناد / أي احللللى ...
عبدالله / لا هذا ولا ذاك زيين ..
ندى / لاااااااااا .. خلاص حط أي شي على ذووقك
عبدالله حط اغنية لاصاله ..
خلود / طفت المسجل ووووووووع مااطييقهاا
عبدالله شغل المسجل / وبعدين معاكم .. ترى هذي احسن ..
خلود بغيرهـ / لااااااا والله .. عاد من حلاتها .. اصلا هي خربت نفسها من عمليات التجميل ..
ريناد وندى / ههههههههههههههههههههههه
ريناد / شوف حط لنا راديو mbc fm احسن
خلود / ايواا احسن ..
ندى / يلاااا وقف خلني اسوق شووي ..
عبدالله يتمسخر / ههههههههههههاي
ريناد / بليييييز عبدالله انا قلت لك قبل .. بس شوويهـ
خلود / دام المهايبل بيسقون عز الله رحنا فيهااا
عبدالله / هههههههههههه
وبدا التطعيس والهبال ..
ندى وريناد يضحكوا بس هم خايفين من سرعة السيارة ومتمسكين ببعض / واااااااااااااااااااااااااو بس خلاص خلنا حنا نجرب ..
خلود ماسكة يد عبدالله ومنزلة راسها لركبتهااا / بس تكفى .. احس اني بستفرغ .. حراام عليك .. بشوييييييييش
ندى / هههههههههههه يمكن حامل ..
خلود / احلفي عااااااااااااد ..
عبدالله هدأ السرعة .. / انتم ماتصلحوا لشي .. لو جاي مع الربع احسن لي ..
ندى / لااااا واللهـ
عبدالله وقف السيارة وفتح الباب ونزل .. / يالله خلنا نشوف سواقة رنوود ..
ريناد وهي مبسوطه / يااااااااااي ونااااااااااااسه
نزلت وجلست قدام . وخلود رجعت ورى وعبدالله جلس قدام جنب ريناد ..
ريناد تمشي بالسيارة بهدووء / وااااااااو
عبدالله / ادعسي بعد ..
وهو جالس يعلمهاا .. / ايواا كذااا
ريناد من السرعة شعرها يتطاير لورى ..
ندى / احلللللللللللللللللللللللللى
ريناد / ياااااااااااي ... واللهـ وناسه
ندى / بس عاااد يلاااا الحين جا دوري
ريناد / لحظة بس شووي ابغا افحط
عبدالله / ههههههههههههههههههههههاي شتفحطين وحنا بهالرمل .. اقول بلا بس ماتغرزين فينااا
ياللهـ هدي السرعة ووقفي ..
وقفت فجأهـ والكل نقز من مكانه ,,
عبدالله / يالهبلـــــــــــــهـ
خلود / لااا انا ظهري راح فيهااااااااااا
ندى / أي خلاص بتسقطين علينا الحين ..
خلود / بلا هباااااال من قال اني حامل
ندى / هههههههههههه امزح معك ..
عبدالله / خلود ماراح تحمل الا ليمن تدخل روان المدرسه ..
ريناد / أي احسن كذااا
ندى / يلااا بلا هذرهـ ... ونزلت وبدت تستهبل هي بعد .. وخلود بعدهااا .. وانبسطوا كثيييييييييير
عبدالله / بسكم هبال اليوم .. يلااا نبغا نرجع الحين تأخرنا على امي والعيال .....
يلااا وكل وحدة تلبس الغطى في سيارة جاية ..
عبدالله سررع اكثر ..واتجه لمخيمهم ..

:::::::::::::::::
ام هشام / يلاااا بنات تاخرنا على بيت عمكم بسرعة انزلواا انا انتظركم

رنيم طلعت من غرفتها وبكامل اناقتهااا وزينتهااا وعدستاها الخضرااا طبعاا و لابسة فستان قصير ضيييق لونه عنابي .. / جاية ماما
شوق لابسة بنطلون جينز عادي وبلوزة بيضااا رسميه شووي .. وحاطه ميك اب نااعم .. ونزلت معهااا
رنيم / وش لابسة انتي بتروحي الجامعه على غفله ..
شوق / اهم شي عاجبني .. ناظري نفسك بالأول كأنك رايحة حفله
رنيم / لا وانشالله تبغاني اروح والبس اسود واكشر كأني في عزااا
شوق / اففففففففففففف انزلي بس ..
ام هشام لابسه عبايتهااا / يلااا هشام ينتظر برى بيعصب هالحين
طلعوا وركبوا السيارة وتغطوااا ..
هشام بعصبيه شوي / وشفيكم توكم تشرفوون ؟؟
شوق / انا جاهزة من زمان اسأل الأخت
رنيم / والله على ماجهزت ..واصلا اول ماخلصت طلعت ..
ام هشام قاطعتهم وهي ماسكة جوالها تحكي مع راكان ..
ام هشام / ها راكان وصلت ولا لسا ؟؟
راكان / لااا بتأخر شوي بجي الساعة 11 بالليل
ام هشام / ليه ؟؟ ماتدري حنا معزومين بيت عمك اليوم ؟؟
راكان / مو مشكله اعتذروا لهم .. ومرة ثانيه انشالله اروح معكم
ام هشام / انتبه على نفسك ولا تنسى الحلوى ..ههههههه
راكان / ابشري يالغاليه مع السلامة ..

:::::::::::::::::::::

لميس اتفقت مع الخدامه اول مايجي هشام تحكي لها وهي الحين بغرفتهااا ..
لبست تنورة قصيرهـ للركبه لونها زيتي فااتح وحزام عريض على خصرهااا وبلوزة حرييير صفرااا وبوت زيتي للتحت الركبه وميك اب نااعم وشعرها الطويل مفتوح على آخر ظهرهااا .. طااالعة جنااااااااااان ..
دخلوا البيت .. ودخلتهم ام عصام الصاله ..



ام عصام / ياهلا والله حياااكم ..
ام هشام / الله يحيك

شوق تسلم على خالتها / هلا خالتي كيفك ا
ام عصام / ياحيا الله شوق شخباارك ؟؟
شوق / بخير ربي يسلمك ..
رنيم / هااي خااالتوو
ام عصام / ياهلا بالقمر كله كيفك ؟؟
رنيم / كويسه ..
ام عصام / وين هشام ؟؟ دخل المجلس ؟؟
ام هشام / ايوا شافه عمه ودخله ..
شوق / وين لمووو فيه ؟؟
ام عصام / بغرفتها الحين تنزل ...
ام هشام / اجل بو هشام وصل ؟؟
ام عصام / أي قبل شوي جاا جالس مع بو عصام ..

هشام ينادي وهو بالممر / خالتي ..
ام عصام / يالا والله تفضل حياااك ..
راحت الخدامة تنادي على لميس من فووق

لميس وقلبها يدق بقوووة / طيب جاااااااايه ..

نزلت تحت واتوجهت للصاله ويدها حاطتها على قلبهااا / الله ياخذك ياااندووو عالفكرة

::::::::::::::::::::::::::


ايش توقعااتكم ؟؟

هشام بيشوف لميس ولا ؟؟ وكيف راح تكون رده فعلهم ؟؟
وبو عبدالله وش راح يسوي مع شريكه بو وليد ؟؟
وبووليد وش اللي يخطط عليه ؟؟
ورنيم بتستمر مع فيصل ولااا لاا ؟؟
وشوق كيف بتقابل دانه يوم السبت بعد مانصدمت فيهااا ؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
AbU ALi ElA$Sa$Y
AbU Ali ElAsSaSy SiTe EmPeRoR
AbU Ali ElAsSaSy SiTe EmPeRoR
avatar

النادى المفضل :
الجنسيه :
مزاجك ايه :
هوايتى :
المهنة :
الجنس : ذكر
عدد المساهمات : 3295
نقاط العضو : 42511
شعبية العضو : 1740
السمك
الديك
الموقع : عايش فى منتدى العساسيه
العمر : 24
تاريخ التسجيل : 22/05/2009
اوسمتى :
اوسمتى 2 :
اوسمتى 3 :
دعائى يارب تقبله :

بطاقة الشخصية
شات المنتدى:

مُساهمةموضوع: رد: روايه الحب الامستحيل الثامن تكمله   13th يونيو 2010, 08:55

ممتاز جداااااااااا
انا ان شاء الله لما تخلص هعملك كام مفجئه جاااااااااااااااامده


[center]
حصرياااااا وعلى العساسيه اون لاين
المدير الاكثر من رائع ضيف كرسي الاعتراف
Abu Ali Elassasy

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
لا تقل لمن جرحك لماذا فعلت بل قله له على مافعلت سوف تندم لانك لعبت مع الكبار ومن يلعب مع الكبار لايلقى الا النار........
هذا كلام العظماء هذا كلامى هذا لاننى لست غارقاا فى اوهامى
وسلاااااااااااااامى
AbU Ali ElaSsAsY
My Mail [ندعوك للتسجيل في المنتدى أو التعريف بنفسك لمعاينة هذا الرابط]
My Mobile Number : 0119401642
[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://royalfriends.own0.com
 
روايه الحب الامستحيل الثامن تكمله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رويـــــال فـــريـــنـــدس :: ––––•(-• ادب _ خواطر _اشعار •-)•––––-
انتقل الى: