الحب المستحيل الجزء الثالث عشر

الفصل الثالث عشر

بعد ماطلعوا شالوا عباياتهم ..
دانه طلعت .. الا تشوف عماد بوجهها ...
:::::::::::::::::

عماد اول ماشافها عرفها على طول لأنها كانت من غير غطا بس لافه الشيله على شعرها وبعبايتها المخصره ..
دانه ناظرته وكأنها بتاكله من نظراتها الحاقده ( بعد هو جاي اكيد هو اللي موصلهاا اكيد شافها بهالجمال .. انا اعرفه مايفوت اي شي حلو وشلون لو يملكه بعد !! ) / ...............
عماد مسكها من ذراعها بقوه وسحبها علىجنب / انتي وش جابك لهنا ؟؟
دانه ردت عليه بخبث/ نعم ؟ انت وش دخلك تقولي ليه جايه .. نسيت اني انا حره ومستحيل حد يوقف بطريقي واذا بغيت اي حاجه .. ماحد يقدر يقول لي لا ...
عماد بعصبيه / وش تقصدي بكلامك ؟؟
دانه / بشويش لاينط منك عررق ..
عماد ( الكلبه اكيد تخطط على شي !! بس انا لك ) وسحبها من يدها / تعالي لاحد يشوفني معك ..لاحد يحس ان بيني وبينك شي ..
وصلها لحد سيارته وركبها لداخل ..
دانه ( والله لأخليك تندم بس اصبر علي شوي )
ركب السياره وحرك ..
عماد / بلا لف ودوران .. ومن الآخر وش تبين من خطيبتي بالظبط وليه جايه تشوفيها ؟؟
دانه بنبرة انتصار / اممممم يعني كنت عارف اني جاية علشان خطيبتك ندى
عماد / اسمعي انا عارفك كويس ومافي حد بهالدنيا يعرفك كثري .. يلااا جاوبيني ..
دانه بحقد / ابغا اشوف من هي هذي اللي تخليت عني علشانها .. ومن هي هذي المسكينه اللي رضت فيك وهي ماتعرف عن ماضيك الأسود ..
عماد وهو يستدرجها / طيب وعرفتيها ؟؟
دانه بنبرة حزن / ايه ..
عماد / طيب وش الهدف من هذا كله ؟؟
دانه / ههههههههههه عماد حبيت اخبرك ان ندى هذي تصير اختها بنت خالتي .
عماد / ........!!!!!!!!
دانه / تبغى تعرف وش راح اسوي ؟؟
عماد / اهااا .. لا مايحتاج اعرف لأني انا اللي راح اخرب بيتك قبل لاتخربي بيتي ..
دانه تتمسخر / ههههه ضحكتني ..<<< وبجديه / تراك خربت بيتي بيدك من يوم ماضيعتني من يوم مااخذت اغلى ماعندي ..
عماد بعصبيه / والله انا ماجيت لك بالقوه لا حبيبتي نسيتي انك انتي جاية بنفسك وبرضاك ولا اذكرك وش صار بالتفصيل ..
دانه التفتت يمينها عالنافذه / مايحتاج تذكرني انا مانسيت بس انت عارف ماصار هالشي الا بوعود كاذبه ومزيفه منك ..ولا نـ
قاطعها عماد بعصبيه / آآآآآآآآف تراك ازعجتيني .. واسمعي تراها ماتفرق معي اللي تبي تسويه سويه
وداس بريك فجأه ../ انزلي.. قلت لك انزلي ..
دانه بلهجة تهديد / راح انزل .. بس لا انت ولا عشرة من امثالك يقدروا علي ..
عماد / قلت لك ضفي وجهك ولاااا هاللحين اتصرف معك تصرف ثاني ..
دانه ببرود فتحت الباب ونزلت الشارع ..وسكرت الباب بقوه ..
عماد حرك ومشى عنهااا بسررعه

:::::::::::

(هشام ولميس )
وصلوا الشقه هشام شال من لميس عبايتها والشيله وهو شال البشت اللي عليه وقبل لايفتح باب الشقه ..
هشام التفتت على لميس / لمووو غمضي عيونك ..
لميس / ليه ؟؟
هشام / انتي غمضي واذا قلت لك افتحي عيونك افتحيهم طيب ..
لميس غمضت عيونها الواسعه الرماديه ( عدسات طبعا  )
هشام فتح الشقه ومسك يدها الناعمه وسحبها لداخل بهدوء .. وسكر الباب ..
هشام / افتحي عيونك ..
لميس فتحت عيونها ببطئ ..ولقت قبالها صورتهااا !!
كانت صوره كبيره معلقه بالجدار وحواليها ورد احمر كأنها ايطار لها ..
ومن تحت مكتوب عليها بخط كبير واضح ( احبك يالمووو ..)
وشموع موجوده ومصفوفه على الأرفف الكلاسيكيه كانت الشموع على شكل حرف L و H
لميس انبسطت وانبهرت من جمال الشقه اذا هذا مدخلها كيف بيكون من داخل .. ( طبعا ما اول المدخل منثور فيه بتلات ورد احمر على الأرض ليمن غرفة النوم بطريقه حلوة ومرتبه وكأنه مسار او ممشى بالورد )
لميس التفتت عليه بأعجاب / تطييييير العقل ..<< ابتسمت / اقصد الحركه حلوووة
هشام بلهفه / الحلووة انتي والله ..
لميس نزلت راسها من الحيااا .
هشام.. / طيب بنظل واقفين هناا << مسك يدها وسحبها / ادخلي
دخلت معه وهما متبعين الممشى ..
لميس عرفت انه يوصلهم لغرفة النوم .. التفتت يمينها للصاله
لميس وقلبها يخفق بقووة / امممم خلينا نجلس هنا ( قصدها بالصاله )
هشام ابتسم وعرف انها متخوفه قال انه بيطمنها / ههههههه لا مايصير نخرب طريقنا حنا مجبورين نمشي كذاا بس لاتخافي بندخل وبنطلع على طول للصاله اووكيه حيااتي ...
لميس (اي هيييين )
ووقفوا عند باب غرفة النوم ..
هشام / يلااا افتحي الباب مو كل مره انااا هالمرة عاد عليك ..
لميس ويدها على مفتاح الباب وبأبتسامه بارده / مايفتح ..
هشام / ههههههه مايفتح يالعياره هاااا ..
بعد ما فتح الباب ناظرهااا / لموو مستحيه مني !!
لميس منزله راسها وعاضه على شفتها
هشام ( اللي مدوووخني هالحيا اللي فيك والله .. ) مسك يدها ودخلها لداخل الغرفه وسكر الباب ...

:::::::::::::::::::::::::::

ندى وريناد وصلوا البيت .. شافوا خلود وعبدالله جالسين بالصاله الفوقيه اللي عند غرفهم ..
ندى وريناد استغربوا ..
ندى / وش فيكم ؟؟
عبدالله / مافينا شي انا مع خلود تونا جايين من برى .. وجلسنا بس ليه ممنوع هههههههه
ندى / لااااا ابد .. بس وش هالأغراض اللي هنااا ..
( كان جنبهم اكياس وصناديق هداايااا )
خلود وهي تناظر ريناد / هذولا لريناد من بو وليد ..
ريناد /...........!!
عبدالله ببرود / جايب مهرك وهذولااا
ريناد / من قال اني ابغا شي منه ... رجعوهم قولوا له ماابغا شي ..
ندى / شالغباء تبغينه ياخذك بكل سهوله ورخص ..
عبدالله بجديه / ندى معها حق .. ريناد خليه يعرف انك غاليه ومن حقنا نقول له نبي ونتشرط بعد اذا مايعجبه .. تراك منتي برخيصه ابد ..
ريناد لمعت عيونها بالدموع مشت بسرعه ودخلت لغرفتها ..
عبدالله / الله يهديك يايبه خفيت ومحيت ابتسامتها ..
مشى وصعد لسويته فووق ..
خلود / مسكينة ريناد اللي فيها مكفيهاا
ندى / آآآآآآآآآآففففففف انا مو عارفه وش بيكون مصيرها والله .. انا ماادري من وين طلع لنا هالبو وليد ..
خلود / الواضح انها مو متخيله انها خلاص صارت زوجته وشكلها ابد ماتفكر بواقعيه اكثر
ندى / الله يعينهااا
خلود / الا وش سويتوا بالزواج ؟
ندى بحماس / مالت عليك فاااااااااااااااااااااااااتك ..
خلود / جد ؟؟ حسااافه ياليت جيت ..
ندى / قلت لك .. بس انتي ماتتركي عبدالله .. يااخي خليه شووي هو بيفلت منك .. انا ماشفت حد مثلكم على طول لازقين ببعض ..
خلود فتحت عيونها للآخر / عمااا صلي على محمد لاتحسدينااا
ندى / هههههههههههههههههه لاتخافي عيني مو حااره ..

:::::::::::::::::::::

ريناد بغرفتها بدلت ملابسها ولبست بيجاما للنوم وغسلت وجهها ونظفته من الميك اب ..
الا تدخل ندى وخلود وبيدهم الأكياس والهدايا ..
ريناد / ............
ندى / رنوود هذولا لك .. ولازم تاخذيهم وتسايري يومك ..ومصيرك بكل هدوء ورضا لأن الرفض والعناد ماهو من صالحك وماراح يفيدك بشي ابد ..
خلود تهز راسها بأيه ..
ريناد وهي تناظرهم .. / انا ماهمني وش جاب ووش عطاني ..
خلود / رنوود عاد بسك مكابره ومعانده ..والله حنا عارفين ان هالشي ماهو من كيفك .. بس افرديها وارمي همومك ورا ظهرك ..
ندى / بيبي .. تكفييييين فليها تراك مو حلوة ابد وانتي كذاا انتي شايفه وزنك كيف نقص ؟؟ ووجهك هالأصفر .. لمتى وانتي تهملي نفسك
هذا بس ماصار لنا 5 ايام من هالسالفه وصار فيك كذا .. خاافي الله في نفسك وحالك ...
ريناد وهي تفكر بكلامهم / ......................
ندى قربت منهااا ونظرة كله رجااا / بيبي تكفييييين طلبتك .. ابتسمي من قلب ..
(ريناد حاسه انهم معها بكل احاسيسها وانهم قريبين منها اكثر من روحها اخيرا ابتسمت وشالت همها ورمته ورى ظهرها)
ريناد بأبتسامه / ابشرري ماطلبتي ..
ندى وخلود يناظرون بعض وهما مبسوطين ..
ندى / ييييييييس .. رنوود تراني الليلة اباانام معك ..
ريناد / جد ...
خلود / واذا حبيتي بعد انام معك مو مشكله كم ريناد عندنا حناااا
ريناد / هههههههه وتقدري تتركي عبدالله ينام لوحده !
خلود بسرعه / لااااااا
ندى وريناد / هههههههههههههههه
خلود وهي تغمز بعينها لريناد / ترااني تأخرت عليه بااااااي
ندى / من جد عيااااااااااااااره ..
ريناد / هههههههههههههه
ندى مسكت يدها وسحبتهاا / تعااالي خلينا نشوف وش جايب لك ابو الشباب ..
ريناد / ههههههه قصدك ابو الشيااب ..
ندى / لااا حرام عليك ... على فكره ترى دبلتك عجبتني موووت .. والله تراه مذووق تراه ماهو سهل ..
ريناد / خذيهاااا ماتغلى عليك ..
ندى وهي رافعه يدها وتناظرهاا / لاااااا وهالدبله ووين اوديهاا ..
ندى راحت جابت علبة الدبلة من التسريحه وفتحتها .. ورفعت يد ريناد ولبستها بصبعها الخنصر ..
ندى / جناااااااااااااااااااان .. طالعه على يدك احلى ..
ريناد ابتسمت / امممم حلوووة
ندى / طيب خلينا نشوف هذولا اللي جايبهم
وهي تفتح بهالصناديق والأكياس ..
ندى / وااااااااو مع وجهه جايب لك لاب توب
ريناد تحمست / جد .. اشوووف ..

( وبكذا ريناد رووقت اعصابها بعد ماكانت مشدوده طول هالفتره .. اللي فاتت .. )

::::::::::::::::::

الصباح الساعة 9

ام هشام بالمطبخ تجهز فطور للعرسان .. وهي جالسه تدندن وتغني ..
دخلت رنيم وشوق عليهااا ..
شوق / اووه ماما مررره مبسوووطه
ام هشام / هههههههههه اي وعقبال مااشوفكم بهاليوم ...
رنيم / لااا اناا انسي ادعي بس لشوواقه ..
شوق / ايه ماما تكفييين كثررري كثرررري من هالدعوات ..
ام هشام / الحمد لله والشكر عليكم ..
الا يدخل راكان ببيجامته الكحليه .. / صباح الخير
الكل / صباح النور
راكان / هااا وين فطورنااا
رنيم / خلااص انسى هاللحين ماما بتلف لهشام بتدلعه .. شوف ماجهزت لنا فطور جالسه تجهز لهشام وزوجته ..
راكان شهق / جد يمه ..
ام هشام / ههههههه ماعليك منهم هما يبغوا يفرقوا بينا تعاال خذ هالصينيه ..
رنيم وشوق شهقوا / والعرساااااااان
ام هشام / ابااجهز لهم هاللحين
راكان / ههههههههههههههههه محترييييييييين
شوق / الله يااخذك مبسووط هاللحين ..؟
راكان وهو مبسوط اخذ الصينيه وحطها على طاولة الطعام ..

::::::::::

لميس طلعت من الحمام وهي لابسه بالطوا حمام ابيض ولافه على شعرها المنشفه ...
جففت شعرها بالأستشوار .. لبست جلابية ناعمة من اليشمك . لونها احمر وحطت ميك اب راايق وهااديء .. اخذت عطر (شذا) من نعومي ورشرشت لهااا وطلعت من غرفة التبديل وبيدها شنطة مكياجها حطتها على التسريحه وقربت من السرير .وجلست عالطرف ...
لميس بهدوء / هشااام ...
هشام.. متغطي بالبطانيه وغاط بسابع نومه ...
قربت منه اكثر وبصوت قريب للهمس / هشووووم ...
هشام شم ريحه عطرها وحس انها قريبه منه فتح عيونه لقاها قدامه مبتسمه
هشام / لميييس صحيييييتي ؟
لميس .. عدلت جلستها / صباااح الخير يلاا اصحى شالكسل ..
هشام مسك يدها / تعبااان مررة وراك ماتجي تنامي بس ..
لميس بحيااا / لاااااا .. امممممم هشاام تراني جوعانه والمطبخ مافيه شي
هشام / هههههههههههههههه
لميس / شكلك ناوي علي البارح لا عشااا ولا شي !!
هشام / ياابعد قلبي .. كان قلتي لي اعشيك قبل ..سوووري والله ماكنت عارف ..
لميس وهي ماسكه بطنها المشدود / طيب .. هاللحين فيه فطور ولا ؟
هشام اتكأ عالسرير / اووكيه بس آخذ لي دوش واروح اجيب لك فطور ولا احلى .
لميس وقفت / اووكيه انا مجهزة ملابسك عند الدولاب لا تتأخر انتظرك بالصالة ..
ومشت وطلعت برى الغرفه وراحت الصاله وهي تتأمل كل مافيها .( ماشاء الله عليك طلعت ذوويق .. الأثاث يهبببببببل .. ) جلست عالكنبه وشغلت التلفزيون ..

الا يدق جرس الباب ... ترررن .. تررررن ... ترررن ..
لميس ( اكيد هذي خالتي .. ) مشت وفتحت الباب ..
ام هشام سلمت على لميس وهي تبوسها بخدودها / هلا والله .. هلا بلميس هلا بزوجة ولدي ..
شوق ورنيم / هلااااااااااااااااااااااا
لميس / اهليييييين ..
شوق / صبااحية مباااركه على قولتهم ههههههههه
لميس خدودها احمررت / هههههه
ام هشام تكلم الخدامه حقتهم / يلااا ادخلي وحطي الفطور داخل ..
شوق / وش حلاااتك بالجلابيه ..
لميس / اسكتي احس اني بطيير واااسعه مو متعوده على كذاا !
ام هشام / ههههههههههههه احس لك من هالجينز وهالضييق
رنيم / هااا شرايك بالشقه << وهي تناظر صورتها المعلقه / ترااها من افكاري ..
لميس / جنااااااان .. كلك ذووق ..
شوق / انا كان ودي ساعدتها بس والله مااعرف بهالأشياااا
لميس / اووكيه طيب تفضلوا ليه عند الباب وااقفين ..
ام هشام / وين هشاام ؟؟
لميس بحيااا / هااااا .. في الحمام ..
رنيم ابتسمت / اووكيه حنا بنخليكم اجل
بعدها طلعوا كلهم .. ونزلوااا
طلع هشام من الغرفه ولقا لميس جالسه .. ..
هشام من ورى الكنبه قرب من اذنهاا / احبك
لميس التفتت بسرعه وراها .. /..........
هشام / ههههههههه خفتي !؟
لميس / ههههههههه الا ارتعت بعد ..
هشام / جابوا الفطور ؟
لميس / ايوووه
هشام مسك يدهااا / يلاااا حبي خلينااا نفطر ..

:::::::::::::::::::::

(بيت بو عبداللهـ الفارس )
ام عبدالله وندى وريناد يفطرواا سوااا
ندى وبيدها التوست / رنووود تخيلي لموو هاللحين وش تسوي ؟؟
ريناد بعد ماارتشفت عصير برتقال فررش / اممم اتوقع للهالحين ناايمه ..تراها مانامت كويس قبل ليلة البارح ..
ام عبدالله تاكل وهي سااكته ./...........
ندى / يااقلبي عليهااا مرره تعباانه ..
ريناد / ههههههههه تذكرتها بأول ماشافت هشام وهي تتلفت تدور عليناا ..
ام عبدالله ( وش فيهااا مرووووقه عكس امس ؟؟!! )
ندى التفتت على امها / ماما والله لو انك جاية انبسطتي كل صاحباتك موجودين ..
ام عبدالله / ..............
ندى / ماما وش فيك ؟؟
ام عبدالله / هااا .. مافيني شي .. يعني انتي عارفه هالأيام مااحب اسهر
ندى / اهااااا
الا يدق جوال ريناد ..
ريناد / هذي ريهام وش عندها من الصباح ؟؟
ردت عليهااا / اهلييين ريهام ..
ريهام / صبااح الخير كيفك ؟
ريناد / صباح الورد .. انا كويسه انتي كيفك ؟
ريهام / اوووه الحلوة مرووقه ؟
ريناد / ههههههه ايواا مو احسن ؟
ريهام / الااااا اكيييييييييد .. تكفيين خلك كذا على طول والله طول الليل وانا افكر فيك وقلبي مشغول عليك ..
ريناد / اهم شي فكرتي بكلاامي ..
ريهام ارتبكت / هااا... اي .. فكرت ..
ريناد / اهااا كوويس ..
ريهام / هاا متى راح تروحوا للمو تباركوا لهااا ؟؟
ريناد / العصر اكيد ..
ريهام / اووكيه يلااا اشوفك هنااك بااي ..

::::::::::::::::::::::

الظهر الساعة 1 ..
ام حسام دخلت غرفة حسام البسيطه بكل شي ..
ام حسام / قووم ياوليدي .. قووم تغدااا صار لك يومين على لحم بطنك
حسام وهو منسدح عالسرير / يمه مااني مشتهي شي .. خليني لحالي
ام حسام / يعني حنا وش نقدر نسوي لك .. خلاص البنت انخطبت وملكت وراحت بنصيبها .. انساااهااااا
حسام جلس عالسرير / يمه شلون انساها وهي من لحمي ودمي شلوون انسااهااا شلووون ؟؟
ام حسام / الله يهديك ياوليدي
حسام وقف من مكانه وطلع برى الغرفه ولحقته امه ..
ام حسام / ويين ويين راايح بهالوقت ؟؟
حسام ماتكلم ولا بحرف طلع من البيت وشغل سيارته ومشى …

ام حسام / ياااربي وش اسوي هاللحين .. يالله انك تحفظه وترجعه لي ساالم ..
دانه نزلت من فوق .. / وشفيك على هالصراخ ؟؟
ام حسام / انتي اصلا ولا كأنك بهالبيت .. وحسام لما يمنعك من هالطلعات معه حق ..
دانه وهي معصبه / ايييش .. وش فيك انتي لااا اليوم مانتي على بعضك ابد
ام حسام تركتها ومشت ..
دانه / وشفيهم هذولاااا اليوم ..

::::::::::::::::

بو عبدالله بمكتبه ومعه بو وليد ..
بو عبدالله وبيده ملف في اوراق كثيره .. / وهذاني كتبت لك التنازل وكل شي لك .. وبأوراق موثقه بعد ..
بو عبدالله وهو مبسوط / اووكيه خلااص من اليوم وطالع لا ديون ولا غيره والله يقدرني على هالشي ..
بو وليد / بو عبدالله والله انك غاالي بس تعرف انا محتاج للفلوس ولا جان ماطلبتهم وانا عارف بظروفك ولدي يبي يسوي له مشروع ويأمن مستقبله وانا شركتي اللي بالكويت هم يبي لها فلوس ..
بو عبدالله /…………………
بو وليد / شكلك ماعجبك كلامي
بو عبدالله / لااا بس ماادري وش اقول لك ..
بو وليد / اهااا .. الا شخبار ريناد افكر اليوم امرها ونطلع من شفتها ماجلسنا لحالنا ولا حتى تكلمنا كلمتين مع بعض ..
بو عبدالله بقلة حيله / والله هاللحين هي زوجتك ومااقدر اقول لك لا
دق عليها وتفاهم معها .. (بيني وبينك انا مااقدر احط عيني بعينها احس اني ظلمتهااا )

::::::::::::::::::::::

حسام وقف سيارته عند بيت الفارس .. بيت بنت خالته ريناد ..فتح النافذه وهو يناظر البيت من برى ..
حسام بأنانيه ( مستحيييييييل ياريناد انتي لي وبس .. ومستحيل تكوني لغيري !! )
::::::::::::::::