روايه الحب المستحيل الجزء السابع عشر تكمله

الرياض ..

الشركة ..
بو وليد بيده سماعة التليفون / اي خلاص يابو عبدالله العرس الشهر الياي ان شاء الله
بو عبدالله / اتفقت معها انت ؟
بو وليد / لااا بنتك بصراحه كل مافتحت معاها موعد العرس تغير الموضوع ..
بو عبدالله ( احسن ) / لااا يمكن هي تبغا تأجل شوويه .. يعني انت عارف وراها تسجيل جامعه ..
بو وليد / بس احنا متفقين نملك والشهرالي بعده العرس ولا نسيت ..
بو عبدالله (آآآف وانا وش يفكني منه هذاا هاللحين ! ) / خلاص كيفك كلمها اليوم لرجعت
واتفقوا على كل شي ..
بو وليد / يلااا عيل مع السلامه اشوفك بالليل ..

بو وليد اول ماسكر السماعه .. اخذ جواله يدق على ريناد .. الا يتراجع ويتركه جنبه ..
(( انا لازم اعرف شاللي تحب ريناد .. علشان اخليها تتعلق فيني
مثل ماتعلقت فيهااا .. بس شنووو ؟؟ كل شي عطيتها اياه .. بس ماادري ليه مو متقبلتني ..
وش تبي اكثر ؟؟ المشكله البنت تنحب وتدخل القلب بسرعه .. ولا غير كذا دلوعه .. مايرضيني اصارخ بوجهها واعطيها العين الحمرة من بدايتها ..مااقول الا الله يصبرني عليهااا ))

:::::::::::::::

الساعه 2 ونص مساء ..
تجمعوا الشلة عند ريناد وندى ...
وجالسين عالأرض مبسطيين .. عالشيبس والبيبسي .. هالجلسه يحبونها تذكرهم بأيام المدرسه
وثالث ثانوي هههههه ..
لميس / متى بتروحون لريهام ؟
ريناد / الليلة اكيد ..
ندى / اشتقنا لهااا والله ...
لميس / ايواا لها وحشه .. بس دقوا علي قبل لاتمشوا من البيت علشان نتلاقى بنفس الوقت ..
ندى / وين اللاب توب رنوود .. خلونا نستهبل آخر يوم اليوم ..
رنيم / يااحبك للهبال ..
ريناد / لااا ماالي خلق لا تستهبلوا ..
لميس تتمسخر / وش فيك من اللي مضايقك ياابعدي ؟
ريناد بنفس اسلوب لميس / مالت عليك ياقبلي ..
الكل / ههههههههه
ندى / ماعليكم من ريناد هاليومين اهي مفهية .. عطينا لاب توبك بس ...
ريناد / لاااا لحظة ابغااهـ ..
رنيم (( ابسألها هاللحين واشوف .. )) / رنوود تدخلي منتديات ؟
ريناد ببرود / ايه .. ليه ؟؟
ندى وهي تناظر ريناد / ومطيييحه بعد ... بمواضيع دسمه ..
ريناد / لا يكثر بس ..
رنيم / افتحيه عالمنتدى خلينا نسجل حناا بعد ..
ريناد / انتي ماينخاف عليك بس هذولا الثنتين لو يسجلوا المنتدى بنقلب
فوق تحت من هبالهم ..وضحكهم ..
لميس / هههههههههههههه والله فكره شرايك ندووو
ندى / هههههه انا معك على طوول ..
رنيم / ههههههه جد مهابيل .. وانا اقول وش فيه هشام اخترب هاليومين ..
لميس فتحت عيونها للآخر / وعمااا وش فيه ؟ وش شايفه عليه ؟
رنيم / لاااا بس يضحك مثلك كثيير ..مو مثل قبل يتثيقل عليناا ..
لميس / ايوااا افكر بعد ..
ريناد فتحت اللاب توب ودخلت المنتدى ,,
رنيم تأكدت انه هو نفس المنتدى اللي حكى عنه راكان ..
رنيم / شنو النك نيم حقك ؟
ريناد بثقة / بنوته كيوت اكيد ..
لميس / احلللللللللى
الا تطلع خلود من الغرفه / هاااااااي بنااات
الكل / هاااااااااايات
لميس عدلت جلستها / تعااالي حيااك اجلسي ..
خلود / لااا حبيبتي ابشوف العيال برى مع خالتي اكيد طفشوها ...
ندى / ترى ثيابهم كاها رمل جهزي لهم ..
خلود / لااا لاتقولي .. والله قبل شوي ملبستهم ومرتبتهم وربي عذااااب
لميس / ههههههههههههه ياااحياااتي عليهم
خلود / اي اضحكي وش عليك .. كلها سنة وبيجي اللي بيعذبك ان شاء الله ..
ندى تناظر لميس / الا جد متى بتحملين نبغا نشوف بيبي ينظم لشلتنااا السعيده ....
الكل / هههههههههههه
لميس / ويــــه بدري عالحمل .. حتى ماصار شهر على زواجنا انتي ووجهك ..
خلود طلعت متأففه .. / روان .. رياان
روان وريان / نعم
خلود استغربت من منظرهم كانت ملابسهم كلها رمل .على موويه
ردت عليهم وهي معصبه / ليه كذاا ؟ مو انا قبل شوي مرتبتكم ؟ ليه تلعبوا بالمويه والرمل ؟؟
ريان ببراءة / مامي خلاص هاللحين نسبح هنا بالبركه
خلود / لا ياااشيخ ..
ام عبدالله جالسه مع ام عصام برى وشافت خلود وهي تصارخ على عيالها
ام عبدالله / خلوود .. ياام رياان
خلود التفتت يمينها / هلااا خالتي ..
ام عبدالله / بسك عليهم ..خلاص خليهم انا بسبحهم روحوا جيبي لهم ملابس ..
خلود تناظر روان وريان / زيين كذااا
ودخلت دااخل بسررعه ..
ندى / وش فيك معصبه ؟؟
خلود / انا خايفه على العيال يجيهم برد كل شوي وسبحوا كأنهم بط ..
ريناد / اي عااد رووين ابذبحها صارت سمراا من الشمس
لميس / يااحلاتها روان تسوي برونزاج ..
خلود / والله انكم راايقيين .. اباادخل اصحي عبدالله احسن لي ..

::::::::::::::::::::::::

راكان فاتح اللاب توب وجالس بالصاله اللي تطل عالبحر ..
( عندي احساس 99 % ان بنوته كيوت اهي نفسها ريناد ..
ياحلاتك اجل تبغي تنفصلي منه هااا ؟؟ لاا وانا اقول لهاا خليك معه تتعودي عليه ..)
مالقى نفسه الا رسل لهاا مسج بسرعه ..
بنوتة كيوت /
هذا ايميلي .. [ندعوك للتسجيل في المنتدى أو التعريف بنفسك لمعاينة هذا الرابط]
ابغاك ضروري بخصوص مشكلتك .. طيب

:::::::::::::::::::::

ريناد انتبهت ان رساله جايتها .. فتحتهااا ولقت هالمسج اللي من راكان
(( ياااويلي وش يبغا مني ؟ اكيد لقى حل ويبغا يسااعدني ..
بس ليه ماكتبه بالموضوع نفسه ؟ لااا ان شاء الله عنده الحل
ويفكني من بو وليد وثقل دمه .. ))
لميس / رنوود وين رحتي ..
ريناد بسرعه قفلت المنتدى / هاا .. معكم ..
رنيم ناظرت ساعتها الفوشيه / يؤؤ ماكأنا تأخرنا الساعة 4 ومامشييناا
لميس شهقت ووقفت بسرعه / جد !!.. يلااا انا رايحه اصحي هشووم .. باااااااااااااااي
ندى / ههههههه بشويش لا تطيحيين ..

الا يطلع عبدالله وخلود ..
رنيم بسرعه تغطت / يلااا انا راايحه بااي ..
ندى وريناد / باااي
عبدالله يناظر ندى وريناد / يلااا انتم لحد هاللحين ماجهزتوا
ريناد سكرت اللاب توب قبل لاتضيف الأيميل / يلااا هاللحين نجهز .
الا تدخل ام عبدالله ومعها العيال ..
خلود / هااا جهزتوااا
ام عبدالله / ايه بالمووت شلتهم من المويه ..
عبدالله / ههههههههههه جد بط مثل ماتقول امكم ..
ريان / لاااا بابا لا تصدق ماما
روان ببراءة / انا مو بطه ..
عبدالله / يازينكم سااكتين .. اللي يزعل ماما انا ماراح احكي معه فاهمين ..
ريان / لااا بابا خلاص آخر مررره
روان / تووبه ماراح نعيدهاا
خلود / اكيد ماراح تعيدوها لأن هاللحين ماشيين .ياافالحيين
ندى / بس عااد ارضوا عليهم ..
عبدالله / خليهم علشان يتأدبون مرره ثانية لجيينا مو كل مره يوسخوا نفسهم بالمويه والرمل ..
روان / بس حنا نلعب ..
عبدالله / اسكتي انتي ياام لسانين
روان مدت شفايفهاا / اهئ اهئ .. عمتى رنود شوفي بابا يصارخ علي ..
ريناد لمتها بحضنها / كلش ولا رواان .. لا حد يصارخ عليها ولا حد يقرب منها .. هذي دلووعتي ..
ام عبدالله / ماحد بيخربها الا انتي ..
ريناد عقدت مابين حواجبها/ افااااا خالتي ..انا اخربهاا ؟
ام عبدالله / يلااا بس قوومواا بتغيب الشمس وحنا لسا مامشينا ..
بو عصام وعياله ركبوا السيارة وانتم مافي ابرد منكم ..
عبدالله طلع مفتاح السيارة من جيبه / يلاااا انا بالسيارهـــــ

::::::::::::::::::::

راكان لبس بنطلون جينز وبدله صفرا ولبس نظارته الشمسية واخذ شنطته وشنطة
اللاب توب وطلع من الغرفه ...
رنيم / راكان راح اركب معك بالسيارة ..
راكان / اووكيه يلااا اطلعي ..
وهو طالع لمح ريناد وهي بتركب السياره ..
( بيني وبينك شي ماهو مع الناس ..
شي ولكن بس (بينك وبيني )
شي يعادل حاجتي له بالأنفاس
يحس به من هو يطالع بعيني
إحساس لكنه سكن قلب حساس
اجمل شعور مرني في سنيني )
رنيم / يلااا وش فيك وااقف افتح السيارة ..
راكان التفت عليها بسرعه .. / يلااا ..
واول ماركبوا السياره .. وحرك ..
راكان / هاا عرفتي شي ؟
رنيم بهدوء / ايه .. ريناد مسجلة بالمنتدى ..
راكان تطمن ( ايواا خلااص اهي .. ) / طييب ..
رنيم / ماتبغا تعرف النك نيم ؟
راكان / هاا لا مايحتاج اعرفه ..
رنيم استغربت / تعررفه ؟؟! طيب وش تبي فيهاا ؟
راكان / قلت لك خلااص ولا هاللحين انزلك ..
رنيم / يؤؤ وش فيك طيب معصب علي ..
راكان / مو معصب بس انتي تنرفزي اللي قدامك ..
رنيم / افااا
راكان / خلااص اسكتي خليني اعرف اسووق ..
رنيم ( تعرف تسوق ولا تناظر السيارة اللي قداامك .. )

:::::::::::::::

بعد ماوصلوا الرياض بالسلامة ..
الساعة 9 الا ربع ..
ريناد بعد ماتروشت لبست برمودا ابيض وبلوزة بينك مايله مطلعه كتفها اليميين ..
ومشطت شعرها واتركته مفتوح ورى ظهرها ورفعت غرتها بدبوس فيه فصوص بينك تلمع ..
وكحلت عيونها وحطت ماسكرا وغلوس على شفايفها الورديهـ .
دخلت ندى الغرفه .. / رنوود يلااا جهزتي ..
ريناد / يلااا بس خليني البس الجزمة والعباية وانزل ..
ندى تناظر ريناد / يالدبه طالعه كيووت ..
ريناد / جد .. هههههههههه << وبجديه / هااا حكيتي مع عمااد ؟
ندى / ايه ..بعد مانرجع من بيت ريهام بحكي معه لأنه راح يجي البيت
ريناد فتحت عيونها للآخر / بتوااجهيه ؟؟
ندى / اكيد لااا لأن الحيوانه مادقت ثانية ولا شي .. بطنشها مو فااضية للمشاكل ..
وانا وعماد اهم شي متفاهمين وواثقين ببعض ..
ندى وهي تقول هالكلام من دااخل تغلي غلي .. بس ماتبغا تبين لحد ..
حتى لريناد ..

:::::::::::::

في بيت ريهام ..
صوت جرس الباب ...
تررن ترررن ترررن
ريهام راحت تركض تفتح الباب ..
مشطت شعرها بيدها بسرعه وفتحت ..
ريهام / هااااااااااااااااااااااااااي
الكل / هااااااااااااااااايااااااااااااااات
ريهام لمت ريناد من قلب / وحشتيييييييييييييني ..
ريناد / وانااابعد كيف صحتك هاللحين ؟
لميس / هي نحن هناااا عطوونا وجه
ريهام بعدت عن ريناد / هلاااا لمووووووو
لميس بعد مالمتها / يالدبه والله لك وحشهـ ..
ولفت على ندى ولمتها / هاااااااااااااا ندوو اخباارك
ندى / بخير دامك بخير .. وعمااا نحفتي مرره .. بنطلونك خااق ههههههه
ريهام / ههههههههههههههه اي تمسخري يالشينه ..
رنيم ببراءة / لااا رهومااا نستني ...
ريهام التفتت عليهاا بسرعه ولمتها / امووت بالبراااااااءة انااا
رنيم / ههههههه وحشتيني والله ..
ريهام / وانااا اكثر .. << يلاااا ادخلواا حـــياكم ..وخذوا راحتكم لا ماما ولا بابا فيه ..
الكل / هههههههههههه
ندى / وابوك مايمل من السفر ؟
ريهام / الا جا البارح واليوم اخذ ماما وسافروا سوااا ينقال عنهم مشتاقين لبعض ههههههههههه
لميس / هههههههههههههه امووت انا عالرومانسية ..
ريهام / اسكتي ماما بالموت قبلت تروح معه .. آل ايه عندها عزومات هنا وماتقدر تروح وتنكسل كل شي ..
الكل/ ههههههههه هههههههههههه
ريهام جلست جنب ريناد ولزقت فيهااا
ريناد عدلت جلستها وبعدت شووي
ريهام همست لها / مااحطيت عطر اللي تقرفي منه ..
ريناد اكتفت بأبتساامه
ندى / طيب قولي لنا كيف كانت ايامك من دوونااا
ريهام / والله طفش .. مع وجهكم كلكم رحتوا وخليتوني وحيده ..
لميس / ياااحياااااااااااااتي ..
رنيم / لااا المرة الجاية ماراح نروح الا انتي معنااا
ريهام / فدييييييييت اللي يفهموووا علي ..
فجأة يدق جوال ندى ...
ريهام / اكيد المجنون عمااد ..
ندى ناظرت الجوال وشهقت ../...........
الكل / منووو
ندى تناظر ريناد وبخوف / .. اهي .!!.دقت وش اسووي ؟ !
ريهام / منووو ؟؟
طبعا ريناد ولميس ورنيم فهموا عليهااا
لميس / رهوماا اصبري بعدين نفهمك ..
رنيم / لا تردي عليهااا خليها تنقهر اكثر ..
ريناد / رنيم معها حق .. لاتردي طنشيها ..ولو تقفلي جوالك احسن ..
ندى بسرعه قفلت جوالهااا ورمته على جنب ..
ريهام / ؟؟ فهمووني وش السااالفه ؟؟

:::::::::::::::::::::

عبدالله ينادي بصوت عالي / خلوود ..... قلبي ..
خلود طلعت من المطبخ / هلاااا قلبي
عبدالله / خلااص كل شي اووكيه .. انفضيها نفض قبل لا نسفرها بكراا
خلود / اششش لا تسمعك ..
عبدالله / ههههههههه وينهاا هي ؟
خلود / جت لي المطبخ وطردتها .. قلت لها انا اللي راح اطبخ وانتي روحي غسلي الملابس ..
عبدالله / احسن .. لا تخليها تجلس بدون شغل ..
خلود / هههههه لا تخاف ابطلع روحها قبل لا تمشي ....
عبدالله بأبتسامه تذبح / كل هذا لأنك تغااري علي ..
خلود بثقه / اغار عليك لأني احبك ..
عبدالله جذبته الكلمه وقرب منها اكثر ولمها بحظنه وبصوت قريب للهمس / احبك .. احبك .. احبك ..
خلود حست بحرارة بجسمهااا وبحياا / عبدالله .. ماتبغا عشااا ؟؟
عبدالله وهو متعلق بأحظانها / لاااا بدري عالعشاااااااااا

:::::::::::::::::::::

(دانه )
( وبعد هذي قفلت جوالهااا ... بسيطه يااندى ماراح اتركك ..
وربي راح تندمي لأنك ارتبطتي بعماد ... )
الا يدق جوالهااا ..
دانه / اففففف هذا وقتك انت الثااني << داق عليها خويهاا
دانه من دون نفس / الوو
راشد / هلاااا باللي ناسيتنااا والله
دانه تتصنع البسمه / اهلييين ..
راشد / ويينك ماتبيني ابد ؟
دانه / والله انشغلت مررهـ بس اوعدكم على نهاية الأسبوع انا عندكم
راشد / جد .. بتنور الشقة من جديد ..
دانه / هههههه منورة بوجودكم ...

:::::::::::::::::::::::

في بيت ريهام ..

الكل / هههههههههههههههههه
ريهام / وربي طفشته .. تخيلوا يقول اول مرة اشوف مريضه تتمسخر كذا لميس / هههههههههههههههههه وهو الصادق اجل حد يتكلم معه كذاا
ريناد / بكرااا اجل بتروحي المستشفى ؟؟
ريهام / ايه اكيد .. بكمل هبالي عليه هههههههههه
ندى / ههههههههههه تكفين صوري الحدث ..
ريهام / وش قالوا لك اخبااار هههههههههه
الكل / هههههههههههه
رنيم / لا تلوموا ندى اليوم رايحه فيهاا هي ..
ندى ( والله مو مني من اللي فيني .. الله ياخذك يالحيواانه شككتيني بعماد )
ريهام التفتت على ريناد / هااا وانتي وش جديدك مع نااصر
ريناد / ههههههههههه شنوو نااصر مايليق له ..
لميس / احسن خليها تصغره علشان يحلى بعينك ..
ريناد / لااااااااا مستحييييل ..
ندى / لا تعبوا نفسكم معهااا ترى ريناد صافطته على جنب ..
ريناد بنبرة حزن / رهوومه تصوري يبغا يقدم الزواج .. !!
ريهام فتحت عيونها للآخر / لااااااااااا عااد مو بكيفه ..
لميس / لااا اجل من كيفه بكيفك ..
ريهام بعصبيه / بكيف رنوودا ...يحمد ربه بعد انها قابلة فيه وراضيه ..
ريناد بعصبيه / ومن قال لك انا انا راضيه فيه وقابله فيه .. خلااص تكفوون غيروا الموضوع ...
تراني جد طفشت ...
ريهام خاافت / سووري رنوود <<< وباستها على خدهااا
ريناد حابسه دموعها بعيونها / طيب ممكن تغيروا الموضوع ..
لميس / رهووم تراني جوعانه في عشااا
ريهام / هههههههه اكيد يعني ابعزمكم على شيبس وعصير بس ..
رنيم / هااا من وين عشااناا ؟
ريهام / تصوروا من كل مطعم طلبت شي ..
ريناد / وليه كل هالزحمه ؟؟ ماكدونالدز يكفي ..
ريهام / لاااا هالمرة مدلعتكم فيه مشويات ومعجنات ومقبلاات .. وغير الحلى ..
رنيم / هههههههههههه والله شبعنا من الشوي هنااك .. خاطري والله اكل بيت ..
لميس / ابشري رنووما بكرا عشاك عندي ..
رنيم / ياابعد قلبي يااحسن زوجة اخ بالدنيااا
ندى / هههههههه بدينا بالنفااق اللي مانحبه ..
رنيم / ههههههههههه لا جد .. مع اني بالأول ماطيقها بس هاللحين كل شي تغيير
لميس / ماالت عليك ولا عاد انا اطيقك ..والله كنتي مغرورة وشايفه نفسك كثيير ..
رنيم تتنهد ( آآآهـ راحت ايام فيصل خلاااص !! )

::::::::::::::::::::

عصام جالس مع امه بالصاله ...
عصام / يمه ..
ام عصام / هلاااا
عصام وهو مرتبك / وش راييك بشوق بنت عمي ؟
ام عصام انبسطت / شووق ؟ والله مافي احسن منها ماشاء الله جمال وادب واخلاق وغير كذا جامعية ..عيني عليها بارده
عصام / ورنيم ؟
ام عصام / رنييم ؟ ليه تسأل عنهم سامع عنهم شي ؟؟ تكلم ..
عصام / لااا يمه لا يروح بالك بعيد .. بس انا افكر انك تخطبي لي ..
ام عصام والفرح بايين على عيونها / جد ..يمه ؟ تبغا اخطب لك من بنات عمك ..
والله هذي الساعه المباركه ..
عصام / يعني ماقلتي لي رنيم وش راييك فيها ؟
ام عصام / لااا رنيم بزر .. خلك على شوق احسن ..
عصام / ههههههههههه رنيم بزر
ام عصام / ايووه يعني شوق اثقل منها واحسها تناسبك اكثر ..
عصام / اهااااا ..
ام عصام / تبغاني اكلم خالتك ..
عصام / لااا لااا مو هاللحين خليني افكر اكثر ..
ام عصام / والله فرحتني ياعصام اخيرا بنفرح فيك .. وبتملى علينا البيت
ونشوف عيالك ...
عصام بأبتسامه عريضه / .. قريييب ان شاء الله

::::::::::::::::::::::

بعد ماتعشوا الشله في بيت ريهام ..
انبسطوا واستهبلوااا طبعا هم مايجي هبالهم الا لجمعوا بعد العشااا
ريهام راحت شغلت اسطوانه لـ نانسي عجرم
( مافيش حاجه تجي كده
اهدآ حبيبي كده
وارجع زي زماااااان
يابني اسمعني حدلعني
تاخذ عيني كماااان ........... )
ورقص وهز مصرري على اصووله ..
لميس / وعماااا علموووني ارقص مصري
ندى/ ههههههههههههه خلااص تعلمي راقبيني وشوفي كيف ..
ريهام تحااول ترقص مثلهم مو عاارفه / لااا خلاص خلونا نحط خليجي احسن ..
رنيم / ههههههههههههههه طفشت ريهاام
ريناد جلست عالكنبه / لااا خلاص انا تعبت .. ماني برااقصه
ريهام شغلت لراشد الماجد (القلب سلم لك أمره
في حالتي إنتا أدرى
يلي حنانك و طيبك
تنحط عالجرح يبرى
شفاف يا نور عيني
حبوب قلبك يبيني
زهرة شبابي و سنيني
تفداك ألفين مرة .... )
ريناد / لااا فيها راشد المااجد اقووم ارقص ..
ندى / هههههههههههه عرفت لك رهووم وش تبي ..
ريهام / هههههههههههههههه افاا عليك ..

::::::::::::::::

الساعة 12 ونص ..
بعد ماطلعوا من بيت ريهام ..
ندى تذكرت جوالها مقفل ..
دقت على عماد بسررعه ..
عماد اول مارن جواله على طول رفعه ..
ندى / الوو
عماد بلهجة خوف / ويينك يااقلبي .. ليه مقفله جوالك ؟؟
ندى ببرود / امم مادريت انه فااضي ..ومو مشحون .. الا ليمن رجعت من بيت صاحبتي ريهام ..
عماد / اهااا .. والله قلبي انشغل علييك ..
ندى / سلاامة قلبك ..
عماد / طييب مشتااق لك ممكن اجي ..
ندى / اووكيه حيااك ..انتظرك ..
عماد تحمس / ثوااني وانا عندك ..يلاااا باي ..
ندى اول ماسكر منهاا
( اووف وش اسووي ؟ !! احكي معه ولا لاااا .. )

::::::::::::::::::::

ريناد جالسة عاللاب توب وضافت الإيميل اللي بالمسج ..
( ياارب عنده الحل ويفكني من بو وليد يااارب )
:::
اول ماجت لراكان الأضافه بالماسنجر .. عدل جلسته وانبسط مررهـ
راكان ( ياابعد قلبي والله .. )
ريناد مرتبكه مرره .. وتنتظر منه يكتب لها اي شي ..
( النايف ) / صباح الخير 
ريناد وهي مرتبكه كتبت ..
(بنوته كيوت ) / صباح النور ..
(النايف ) / اخبارك بنوته ؟
(بنوته كيوت )/ كويسه .. هاا تبغا تساعدني ؟
راكان ماات ضحك / ههههههههههههه طيب اصبري خليني اتنفس ..
(النايف ) / ايووه بس بالأول ليه انتي تبي تنفصلي منه ؟
(بنوته كيوت ) / اممم انا بكون معك صريحه للآخر بس بلييز ساعدني ..
( النايف ) / ابشري .. من عيوني ..
( بنوته كيوت ) / بصراحه .............
وحكت له كل حاجه .. من طقطق للسلام عليكم ..
راكان ( يااقلبي ..عليك .. ليه كذااا وش ذنبك انتي ؟! الله ينتقم منك يابو وليد .. مابغيت تاخذ الا ريناد .. )
(النايف ) / طيب هو ماحكى لك متى يبغا الزواج ؟
( بنوته كيوت ) / الا كلمني قبل شويه وقال انه الشهر الجاي ... وش اسوي سااعدني ..بليييييز
راكان ( آآآآآآهـ لا تترجيني كذااا مااقدر اناااا على ترجييك .. )
(النايف ) / اووكيه اول حاجه انا بقول لك شي طيب ..
( بنوته كيوت ) اووكيه .. وش راح تقوول ؟؟