روايه الحب المستحيل الجزء التاسع عشر تكمله

الساعة 8 ونص ..صباحاا

رنيم بعد ماصحت تروشت ولبست راحت غرفة راكان ماشافته سكرت
الباب ونزلت تحت ..

ام هشام وابو هشام وشوق جالسين يفطرواا ..
رنيم يهدوء / صباح الخير
الكل / صباح النور
بو هشام / رنووماا غريبة صاحية بدري
رنيم بنبرة حزن / ماعرفت انام والله ..
ام هشام / يصحى راكان هاللحين ويوصلنا نزورها معك ..
بو هشام / الله يصبرهم .. الحادث كان خطر مرره .. مااقول الا
الله يشفيه ويرحمه من الغيبوبه ..
الكل / يااارب
رنيم / يعني راكان مو هناا ؟؟ تراه مو بغرفته ..
ام هشام / وين راح ؟ يمكن بالحمام ..
رنيم / اهاا يمكن ..
بو هشام / يلاا انا رايح الشركة تامرون على شي ..
الكل / سلااامتك ....
بعد ماطلع ..
ام هشام تناظر رنيم / كلي طيب ..
رنيم / والله مالي نفس بالمررره
شوق بحياا / رنووما يقول لك خبر ان شاء الله يفرحك
رنيم من دون اهتمام / شنوو
ام هشام / ههههههههههه
شوق حمرت خدودها / خالتي خطبتني لعصام !!
شوق بابتساامه من قلب / جد ؟؟
شوق هزت راسها بابتسامه / ايييووه
رنيم تتسائل / متى ؟؟ وكيف ؟؟
ام هشام / حكت معي خالتك وخطبتهااا والأسبوع الجاي .. رااح يتقدموا لها رسمي ..
رنيم شافت بعيون شوق الفرح والبهجة .. وكل شي حلو وزيين .. مادرت
ان عصام لهالدرجه كان يهمهااا وتتمناه يكون لهااا ..
رنيم ( احسن ماعملت لميس لما سألتني عن رايي بعصام .. ولا كان
هاللحين هما اللي متقدمين لي .. الحمد لله .. عمري ماشفت شوق
مبسوطه لهالدرجه ... ربي يهنيييك ويسعدك يااشوق .. )
رنيم قربت من شوق ولمتهااا / الف مبرووك يااقلبي ..
شوق بأبتسامه / الله يبارك فيك .. عقبااالك ..
رنيم شهقت / لااا .. خلي الزواج لك ههههههه
وجلست جنب امهااا ..
ام هشام رفعت يدهاا للسما / ان شاء الله يجي نصيبك ونفرح فيك بعد .. قولوا آمين ..
شوق / آآآميييييين
رنيم / .......... ( آآآهـ .. نصيبي رااح .. ايووه رااح ... فيصل رااح ..
ماعاد شي يهمني غيره .. وينك يافيصل .. رحت وتركتني
احترق بين الشوق واللهفه .. مااقول الا الله يرحمك .. ويجمعني فيك
بجناته .. )
شوق / رنووم .. وين رحتي ؟؟
رنيم التفتت بسرعه ... / هاا .. معك ...<< ناظرت الساعة اللي بيدها / تأخر راكان مانزل .. !!
ام هشام / طيب دقي عليه .. يمكن نام ثانيه ..
رنيم اخذت جوالها بسرعه ودقت ..

::::::::::::::

راكان بالمستشفى ..
وبالغرفة ..
وبنفس الوضعية اللي كان عليهااا .. وهدووء عالآخر
كسر الهدوء والصمت .. نغمة الجوال ..
راكان ارتااع مررره .. لأن كان منزل راسه متكأعلى السرير
رفع راسه بسرعه .. واخذ الجوال من جيبه بأيده الثانية ..
راكان ( رنيييم !! ) وبصوت باين عليه التعب / الوو
رنيم / يلااا راكان تأخرناا نبغا نروح المستشفى .. يلاااا انزل بسرعه ..
راكان عدل صوته / احم احم .. انا بالمستشفى .. رنيم لاتخبري حد .. هاللحين جاي .. طيب ..
رنيم / ؟؟ !! جد .. اووكيه ننتظرك .. باي

بعد ماسكر الجوال حطه على جنب ..
وبحنيه شد اكثر على يد ريناد اللي شابكهاا / ريناد .. انا راييح طيب ..
وراجع لك .. ماراح اتخلى عنك ..
وفجأة .. ريناد حست ان الدم يجري بعروقهااا من جديد .. وانها تتنفس
من جديد .. وحست بجسمها قد ايش مسترخي وتعباااان ..
وهي مغمضه عيونهاا اخذت نفس عميييق .. كأنها تبغا تتأكد اذا هي حية
ولا ميتة ..
راكان حس فيهااا وصار قلبه ينبض بقووه ... وهو ماسك ايدهاا حرك اصابعه .. وكأن يبغاهاا تحس فيه .. تحس بنبضه .. وحرارة كفه ..
ريناد وهي مستلقيه تذكرت آخر كلمه سمعتهاا .. ( حاادث ... بو ليد عمل حااادث ... )
( خايفه تفتح وتلقى شي يصدمهاا .. خايفه تفتح
وتلاقي نفسها مو بالبيت .. بالمستشفى او بالفندق .. او أي شي غير
سريرهاا اللي تعرف ريحته .. )
تنفست بقووه .. وزادت دقات قلبهااا .. حست ان في حد ماسكهاا بقووه
وبدون ماتفتح عيونهااا حركت يدهاا ببطئ وتحسست اليد اللي ماسكهاا
راكان من حركت يدهااا تبدلت ملامح وجهه .. شد عليهاا اكثر بس بحنيه
ريناد بللت شفاتها وحاسه انها مرره عطشانه وريقهااا كان مرره جااف
راكان حس فيهاا وبعد عنها شوي علشان يروح يجيب لها مويه .. اللي
موجوده بالطاولة جنبهاا ... وقبل لا يسحب ايده ... ريناد رفضت
تتركهاا .. مسكتهااا اكثر ..
ريناد بصوت مبحوح وهي مغمضه / مييين ؟
راكان اقشعر جسمه .. وبصوت حنون / ر .. راكان
ريناد (راااااااااكان ) تركت يده بسرعه والتفتت وصدت عنه
( ليه ؟؟ ليه ياراكااان ؟؟ انت تخليت عني وقت مااحتجت لك ... )
راكان حس انهااا زعلانه منه .. وضااق صدره اكثر .. بعد عنها
وراح سكب لها مويه بالكاس .. وقرب من عندهااا
وبنبرة حنية .. / ريناد .. ادري انك عطشانة .. اشربي .. خذي المويه
ريناد وهي لساا صاده عنه ومغمضه وتحاول تستوعب اللي صار بالظبط
تحسه حلم ... ماهو حقيقه .. بس اهي هاللحين وين ماتدري ؟ وماتدري اذا
راكان جنبها ولا هي تحلم ؟ .. رافضه تفتح عيونهااا وتلاقي حقيقة مرره .. او حلم قااسي .. الدنيا بالنسبه لهااا خانتهااا وظلمتهااا .. ماتبغى تنصدم اكثر
ولا تنظلم اكثر ...

روايه الحب المستحيل الجزء التاسع عشر تكمله 77363451

روايه الحب المستحيل الجزء التاسع عشر تكمله 77363451

راكان مسح على شعرهااا بهدووء وهو بنفس الوقت مرتبك مرره
ريناد اقشعر جسمهاا وارتبكت وهي تتنفس بسررعه .. وهي صااده للجهة
الثانية / ابعد عني ... اتركني لوحدي .. ماابغا منك شي ... اكرهك ..
اتركني ..
راكان هالكلام حس انه سم .. وحس ان قلبه يدمي .. رفع ايده من شعرهااا
وبنبرة رجاا / ريناد طيب اشربي .. لا تخاافي اناا طالع هاللحين ..
ريناد فتحت عيونهاا ببطئ تتأكد وين هي فيه .. فتحت وغمضت بسرعه
( انااا وين !! ) فتحت ثانية والرؤيااا كانت موشوشه عندهااا
لحظات الا توضح الرؤيااا .. لقت قدامها حامل المغذي .. وهوموصل
بيدهااا .. ( انا بالمستشفى ؟ ) حاولت تبلع ريقهاا .. لكن حست انه جااف
مرره ..
راكان لما حس انهاا فتحت عيونهااا .. تطمن اكثر ...
ريناد بصوت مبحوح / ابغااا مويه ..
راكان بسرعه حط يده تحت راسها ورفعهااا وبأيده الثانيه كاس المويه
راكان بهدووء / خذي ..
ريناد متخوفه تلتفت وماتلاقي حد .. تحس نفسهاا انها تحلم ..
بس حاسه انها تسمع نبضات قلب حواليهاا ... حاسه انهاا تشوف نظرات
حنية .. حاسه ان الأيد اللي ورى رقبتهااا ملفوفه عليهاا بحنية وخوف
حست ان اللي قدامهااا تحس فيه .. تحس بأنفاسه .. وتحس بدمه ..
التفتت ببطئ لقت ان في حد جنبهاا من جد .. ماهو حلم ..!!
ناظرته من تحت ليمن وصلت لوجهه وملامحه ..
عقدت حواجبه لمااا لقت راكان هو اللي قدامهاا وبصوت مبحوح / راكان
راكان وبنظرات تلمع / قلبه وعقله وروحه ...
ريناد برجااا وهي تناظر عيونه / ابغا موويه
راكان وهو يناظر عيونهااا وحاس ان قلبه طالع من عيونه .. قرب الكاس المويه من فمهااا وشربهاا بشويش ..
ريناد كانت مره عطشانه .. شربته وحاسه انهاا لساا ماارتوت ..
راكان / اجيب لك ثاني ..
ريناد هزت راسها بلااا .. ( لو اشرب من اليوم لبكرااا مااظن راح
ارتوي ..!! )
راكان بأبتسامه / الحمد لله على سلاامتك ..
ريناد حست انه مقرب منها مرره وبالذات من وجههااا لأن كان جالس عالكرسي وملزق الكرسي قدام السرير...
ريناد صدت عنه للجهه الثانيه بسرعه .. / اطلع .. اتركني ..
راكان بضيقه خلق / ماتبيني ؟؟ اووكيه راح اطلع ..
ريناد حست انهااا ودهاا تبكي .. لكن دموعهاا جاافه محتبسه .. مو حاسه
تقدر تبكي وتنزل حتى ولو دمعه ..
راكان طلع من الغرفة بيأس .. بس بنفس الوقت مبسوط من داخله ..
تطمن عليهااا .. وصحت وهو قدامهااا .. حاس انها حاسه فيه
لكنهااا تكاابر ... طلع برغبة منهااا مايبغا يضايقها اكثر وينرفزها
يكفيهااا اللي شافته .. منه ومن غيره ..
الا يدق جواله ثانية ( رنيم )
راكان شهق / اووه تأخرت عليهاا
عطااهاا مشغول ....
وهو يركض بالممر انتبه ان اهل ريناد جايين .. بسرعه طلع من
المنفذ والمخرج الثاني ...

:::::::::::::::::::::::::
بالممر ..
ريهام وهي تركض وبيدها باقة ورد / ياارب تكون صااحيه ياارب
عبدالله يناظر خلود ويضحك ..
خلود / وش فيك ؟؟
عبدالله / ههههه ناظري هاللي قدامك وتعرفين
خلود / هههههههه تقصد ريهام ..!!
عبدالله / ايووه شوفيها كيف تركض .. كأنها ولد
خلود / ههههههه ايووه هذي مررره متعلقة برنوود
ندى مع ام عبدالله سوااا
ندى / ماما بابا ماراح يجي ؟
ام عبدالله / الااا راح يجي ...
وقربوا للغرفه واول وحده دخلت ريهااام
ريناد وهي متكية عالسرير وسرحاااااااانه بعالم ثااني ..
ريهام بسرعه فتحت الباب وهي تركض انبسطت لمن شافت ريناد
صااحيه ..
ريهام / رينااااااااااااد
ريناد التفتت بسرعه ولقت ريهام قريبهه منهاا / ريهااااااااااام
بعدها الكل دخل ..
ندى وام عبدالله وخلود وعبدالله انبسطوا كثير لمن شافوها
صاحية ومتكية عالسرير ...
تغيرت الوااانهم بالحييييييييييل .. البارح كئيبين مرره وهاللحين
حدهم مبسوطين .. والفرح مبين من عيوونهم ..
كلهم قربوا منهاا ..
ريناد وهي تناظرهم كلهم .. وعيونها فيها مية سؤال وسؤال
وهي بحظن ريهام ...
ريهام / خوفتينااا عليك ... اخبارك هاللحين ؟؟
ندى تناظر ريهام / ابعدي خليني اشوفهااا
ريناد / ..........
ندى تعلقت بريناد / اوووه اليوم منوووره .. عكس امس ..
الحمد لله على سلامتك يااالبي ..
ونفس الشي خلود / رنووده اخباارك ياعسل ؟؟
ريناد / ...................
ام عبدالله قربت منها ولمتها بحنان / هلا يمه ريناد
كيفك هاللحين ....
عبدالله قرب منهاا وباسها على خدهااا / الحمد لله على سلااامتك هاااا قلبي اخبارك اليوم ؟؟
ريناد تفكر باللي صار لهاااا .. وباللي سمعته آخر شي ...
وهما واقفين حواليهاااا ...
فجأة تقرب من ريهام وتلمهااا بقووه ..( ريهام كانت اقرب شي منهااا لازقه فيها ) وهي تبكي .. / عمل حاادث .... بو وليد .. ماااااااات .. صح .. ؟؟
الكل / ؟!!!!!!!!!!؟
عبدالله / لاااا ريناد بو وليد هنااا .. بالمستشفى
ريناد بعدت من ريهام / لاااا تكذبوااا علي .. هو مااااااات ... سمعتكم
تقولوااا عمل حاادث ... ندى ردي علي ؟؟
ندى مسكت يدهااا / لاا رنوود مامات .. عمل حادث وهو هنا منووم
بالمستشفى ....
ريناد خاافت ( ماااااااااااامااااااااااات !!! )
الا يدخل الدكتوور وهو مستغرب .. وتغطوااا كلهم ..
الدكتور / صبااح الخير
عبدالله صباح النور
الدكتور / ماشاء الله كلياتكن هوون ... اجيتوا أبل الدوام ..
عبدالله بأبتسامه / ايووه .. جايين بدري ..
الدكتوريناظر ريناد / حمد لله على سلامتك .. ماشاء الله هلأ الوجه منوور ...
الدكتور تقدم وبعدوا عن السرير ..
الدكتوريناظرهم / طيب فيني افحصهااا ..
الكل فهم وطلع .. الا عبدالله ظل واقف بجنبهااا
ريناد كفكفت دموعهااا ..
الدكتور بعد مافحص عليهاا / لا الحمد لله .. اليوم احسن بكتييير
باين انها استجاابت للدم .. والدوااا
عبدالله / الحمد لله ...
ريناد ( دمـــــ !! يعني حتى هالمره نقلوا لي دم !! )
الدكتور يكلم عبدالله وهو يكتب بالورق اللي عنده .. / ياليت
تهتموا بصحتها اكتر والا اذا كل مرة هيك ..رح تحتاج لنأل دم
عبدالله / هي رافضه تاكل من يومين .. حتى نوم يادكتور ماتنام
الدكتور التفت عليهاا / شوو ؟؟ ماعم تااكلي ؟؟ لااا ياريناد لازم تتغزي
كويس من شان ماتتدهور حالتك اكتر اووكيه ..
ريناد تهز راسها بأيه ( انت وش عرفك ليه انااا حارمه نفسي من كل هذاا )

::::::::::::::::::::::::

راكان وصل البيت واخذ معه اهله وطلعواا للمستشفى ..
رنيم ورا راكان بالضبط .. وبهمس / راكان ريناد صحت ؟
راكان بأبتسامه وبهمس / ايوووه ..
ام هشام / بشويش راكان وراك مستعجل ..
شوق / بشوووويش ..
راكان / هذي سرعتي .. مااقدر اخفف ..
رنيم ( ياافرحتك ... اكيد صحت ولقتك قدامهااا .. )

:::::::::::::::::::

عبدالله راح قسم العناية المركزة .. وقابل الدكتور ..
عبدالله / هاا دكتور كيفه اليوم ؟؟
الدكتور / والله مثل مااهو .. ادعوا له هذا اللي اقدر اقول
عبدالله / انا لله وانا اليه راجعون
الدكتور بكل صراحه وبيأس / مااعتقد راح يطول بالعناية ..
حالته خطرره مرره ... الله يصبركم ..
عبدالله تغيير لونه / يعني مايفيد شي حتى لو عملية او أي شي
الدكتور يهز راسه بلااا وبيأس ...

::::::::::::::::::::::::

وبغرفة ريناد ..

ام عبدالله تناظر الطاوله / ليه مااكلتي ؟؟ افطري .. يلااا
ريناد بصوت مبحوح / مالي نفس ...
ريهام / ماهو بكيفك .. تفطري يعني تفطري ..
ندى قربت الطاولة من عندهااا / افطري .. وبلااا دلع ..
ريناد / لااا مااحب .. اكل المستشفى ..
خلود / هههههههه لا تتسببي .. كلي ..
ريناد / جد والله .. مااحب ..
ريهام وهي ماسكه يدهاا / طيب ابروح اشتري لك من الكوفي شوب ياللي
عندهم اووكيه ..
ريناد / لااا لاتتعبي نفسك ماله داعي والله
ام عبدالله / شنو ماله دااعي شوفي جسمك كيف .. صاير كركم ..
ندى جلست ع طرف السرير / اوووه اليوم احسن بكثير .. البارح والله الكركم افتح من جسمك
خلود / يااحبك للمبااالغه ..
ندى / ههههههههه جد ..
ريهام وقفت / يلاااا انا رايحه تبون شي انتم ؟؟
الكل / لااا
وطلعت ..
ندى انتبهت بالورد اللي بركن الغرفه / اوووه شالحركات من وين لك
هالورد ..
ريناد التفتت وشافته / ماادري .. مو هذا منكم ؟
الكل / لااااااااا
ندى نزلت من السرير وراحت تشوفه ..
واخذت الكارت منه .. وقرأت ..المكتوب عليه ..
(أسألك بالله وش سويت فيني
وش سرهـ الشوق اللي يجيني
‏قلبي طول وقته معك ما يبيني
أسألك باللي عطاك هـ العيون
‏أسألك بالله * يالقلب * الحنون
كانك تعرف سر هـ الشوق
إنك تقول وش يكون
هوغرام او احترام
او مرحلة حب او جنون ؟؟!!)
ندى / اووووووووه والله حركات ...
ريناد / من مين ؟؟
ندى وهي تغمز لها / من معجب ..
خلود وام عبدالله / هههههههههههههه
ام عبدالله / يمكن حد جاا لك رنيم ولا لميس ..
ريناد بسرعه جااا على بالهاا ( رااااكان .. ايووه هووو .. ) وسرحت لبعيد
لمااا كان جنبهااا ... وقد ايش حاسه فيه ..
( كنتي قااسيه معه .. بس والله هو اقسى .. ليه لما احتجت له ماوقف
معي ) ..
الا تدخل رنيم وشوق وام هشام ... / السلام عليكم
رنيم بسرعه قربت من السرير ومن ريناد ولمتهاا / رنووده اخباارك
هاللحين ...
ريناد بعيون ذبلاانه / كويسه ..
شوق سلمت عليهاا / الحمد لله على سلااامتك .. اخبار صحتك هاللحين ..
ام هشام / الحمد لله على سلامتك و ماتشوفي شر ان شاء الله ..
ريناد بأبتسامه صفرا / الله يسلمك خاله ..

::::::::::::::::

راكان واقف عند الباب .. وارسل مسج لرنيم ...
( طمنيني عليهااا .. كيفها هاللحين ؟ وكيف نفسيتهاا ؟؟ )

::::::

رنيم فتحت المسج وقرته وهي تبتسم ..
وارسلت .. ( اطمنك .. كويسه ماعليها شر .. ونفسيتهاا ان شاء الله
راح نقدر نغيرهااا لهاا .. لا تخااف .. )

ندى وهي بجنبه وبفضول / منووو ؟؟
رنيم بهمس وبأبتسامه / شووفي ..
ندى اخذت الجوال من يد رنيم .. وقرأت المسج ..
ندى / ههههههههه
رنيم بهمس / اششش لا حد ينتبه
ندى بهمس / ياحلااااته ..
ريناد التفتت عليهم / وين لميس ماجت معكم ؟؟
رنيم / جاايه ... بس راح يوصلها هشام ..
ندى / ليه كل هالزحمه جت معكم وبس ..
رنيم / دقيت عليها قالت هشام راح يوصلهاا .. براحتهاا

::::::::::::::::::::::::::

ريهام طلعت من الكوفي شوب ومعها كيس وفيه عصاير وساندويشات ..
الا تقابل الدكتور خالد وهو جاااي ..
ريهام بسرعه / خااالد
خالد التفتت ( منو اللي نادى بأسمي ) / ..........
ريهام / اهليين ..
خالد بأبتسامه / ريهااااااااااام
ريهام / يس ... اخباارك ؟
خالد / عالي العااال .. انتي وش اللي جابك هناا .. وش فيك ؟؟
ريهام / صديقة عمري هنااا منومة بالمستشفى ..
خالد / اهاااااااا ماعليهاا شر ..
ريهام / الشر مايجييك ..
خالد يبغاا يطول معها بالكلاام / وش فيهاا ؟؟
ريهام / اووه هذي يبغا لهاا جلسه .. وهاللحين ماني فاضية ابروح لهاا
خالد بأبتسامه عريضه / اووكيه .. قبل لا تطلعي برى المستشفى مري العياده زين ..
ريهام بسرعه / اكييييييييد ... يلاااااااااا باي

::::::::::::::::::

ريهام قبل لا تصعد المصعد ..
صادفت بو عبدالله ومعه وااحد .. شكله غيرر ..شعره عامله سبايكي وجل
وحركاات هالشبااب ..
ريهام وهي تفكر ( منو هذا اللي معه ؟؟ ايووه اكيد هذا وليد ..ماشاء الكويتين بسرعه ينعرفواا ههههههه )

:::::::::::::::::::

بو وليد بغرفة العناية المركزة ..
والأجهزة والأسلاك في كل مكان بجسمه وماينسمع الا جهاز تخطيط القلب
..

بو عبدالله ووليد يناظروه من بعيد لبعيد
وليد متأثر مرره / طيب احنا نخليه هنيه ليه مانسفره برى احسن
بو عبدالله بيأس / ماينفع ياولدي .. الدكتور يقول مافي امل .. وراح
تتدهور حالته اكثر .. نخليه هنا احسن ..
وليد بعصبيه ودموعه بين عيونه /.. يعني نشوف ابوي بين الحيا والموت
ونقعد ساكتيين والله حرااام ..
بو عبدالله / اهدئ يااوليد .. مايصير اللي تسويه بنفسك ..
وليد / وين الدكتور ابي اشوفه ..
بو عبدالله / تعاال معي ...
كان وليد مرره متأثر وحيد ابوه وكان ابوه كل شي بالنسبه له
وكان الوحيد من اهله اللي يعرف عن ابوه كل شي .. حتى موضوع زواجه ..
عبدالله جا لعندهم ... وسلم على وليد وتشاافى لأبوه ..
وليد وهو لامه / عبدالله ابوووي بيمووت ... يوم زواجه يموت ماني
مصدق والله ..
عبدالله / اذكر ربك ياوليد .. ادعي له بالشفااا ان شاء الله
وليد / يااارب .. الله يخليه ويشفيه ..

::::::::::::::::

ريهام بالممر تمشي ومعها الكيس الا تشوف راكان واقف عند الباب ..
ريهام قربت من الباب / احم احم
راكان التفتت الا يلاقي وحده قدامه .. بعد عن الباب ..
ودخلت ..

ريهام / هاااااااااااي .. رنوماا هنااااااا .. وش فيه راكان واقف عند الباب
حد منااديه ؟؟
ريناد التفتت بسرعه ( راكاان )
رنيم ( فشلتناااااا )
ام هشام / رنيم شوفي يمكن يبغاك ..
رنيم وقفت ومشت ... وطلعت .. برى الغرفه
ريهام طلعت ساندويشات وعصير / يلااا افطري ..
ريناد تناظرهااا وبهمس / مو هاللحين ..
ريهام وهي تفتح لها الساندويش / مو بكيفك .. يلااا
ندى / يلااا رنود ..
ريناد / طيب ساعديني ابروح الحمام ..
ندى مسكتهاا من يدهاا ونزلتها من السرير ..
ريناد مسكت ريهاام / احس بدووخه .. مو قادرة امشي ..
ريهام حطت اللي بيدها على جنب ومسكتها اكثر ...
ام عبدالله / نادوو الممرضه تساعدهاا
ريناد / لااا .. خلاص ابمشي ..
ريهام على يمينهااا وندى بشمالهااا ..
ووصلت ودخلت الحماام ..

::::::::::::::::

رنيم عند الباب ..
رنيم / وش فيك واقف هناا فشلتنااا
راكان / اجل وين ارووح ؟؟
رنيم / انزل تحت .. روح معهم لبو وليد .. يجي هاللحين عبدالله ويشوفك
واقف كذاا ..
راكان / طيب اخبارها هاللحين
رنيم / ركوون وش فيك لزقه ... قلت لك كويسه .. ينقال عنك ماشفتها
هاللحين ..
راكان / انقلعي .. <<< وبنبرة حزن / شفتهااا بس زعلانه علي والله
رنيم / جد ؟ ليه ؟؟
راكان حكى لهااا كل شي .. لانه حاس انه يبغاا حد يسمعه ..

:::::::::::::::::::::::

لميس وهشام وصلوا المستشفى ..
هشام / خليني اودييك للدكتورة .. تشوفك مرة وحده
لميس / لاا ليمن اتطمن على ريناد ..
هشام بغيرة / انااا ماادري لمرضت وطحت عليكم بتخافي علي كذاا
لميس التفتت عليه بسرعه / بسم الله عليك ..
هشام / ماادري عنك ؟؟ هاللحين ماطمنتك رنيم ؟؟
لميس / الااا بس لازم اشوفهااا
هشام / اووكيه اجل انتي روحي لهاا وانا راح اطلع ملفك للدكتورة
لميس / اووكيه ..

وصلت لميس الغرفه وفتحت الباب بسرعه ..
لميس لما شافت ريناد مصحصحه وراايقه شووي / هاااااااااااااااااااي
الكل / هااياااااااااااااااات ..
بسرعه قربت من السرير وقربت من ريناد ولمتهااا بقووه ..
لميس / اخباارك يااقلبي ..
ريناد / كويسه ..
لميس تناظر وجههااا / اووه اليوم منورره ماشاء الله ..
ريناد ابتسمت من قلب ... انبسطت لما شافت كل اللي حواليهاا بقربهاا
ومهتمين فيهاا كثير ...
ندى / لموو وش فيك انتي بعد صفرااا ...
ام هشام / من قلة الاكل ..
ام عبدالله / هذا بنات هالايااام مالهم الا البيبسي والوجبات السريعه ...
ام هشام / والشوكولاته بعد ..
خلود / هههههههه قلبوهااا عليكم ..
لميس / لااا والله .. بس حاسه اني هاليومين مالي نفس لشي ..
رنيم / والله كلنااا .. اللي يشوف حالة رنوود .. اكيد ماله نفس شي
ريناد / فديتكم والله .. ربي لايحرمني منكم ....
ريهام همست بأذنها / والله اموووت فيك يالبيبي ..
ريناد بأبتسامه / وانتي ماتركتي حركاتك ..
ريهام / هههههههه لااااااا
شوق تناظر ريهام من تحت لفوق وماهي طايقتهااا كلش ...
ريهام انتبهت بنظراتهاا .. وعطتهااا نظره ...
شوق خافت من نظرتهاا والتفتت ...
ريهام ( هههههههههههههههه )

::::::::::::::::::::::::::::::

هشام اخذ لميس .. ودخلوا العيادة ..

الدكتورة بلهجة شاميه / اهليين كيفك ؟
لميس / كويسه ..
الدكتورة والملف بين ايدهاا / هااا سلااامات .. لميس ..
لميس / الله يسلمك .. والله حاسة بصدااع ودوخه شوويه وجسمي
احسه مررره متكسر ..
الدكتورة تناظر هشام / هيداا جوزك ؟ ( هذا زوجك ؟)
هشام بأبتسامه عريضه / ايه ..
الدكتورة وهي تكتب .. / اهاا من امتى مجوزة ؟
لميس / امم صار لنا شهرين تقريباا
الدكتورة / اهااا طيب اطلعي عالسرير من شان شوفك ..

:::::::::::::::::::::::

طلعوااا كلهم..
ام عبدالله وخلود طلعوا للبيت مع عبدالله
وام هشام وشوق طلعوا مع راكان ...
مابقى الا رنيم وندى وريهام بالغرفه ..
ريناد بجديه / هاللحين بو وليد كيفه ؟
الكل / ؟؟؟؟؟؟
ندى / اممم لا تشغلي بالك اهم شي صحتك ..
ريناد / طيب كيفه هوو بعد الحادث ؟
ريهام بهدوء/ متنووم هناا بالعناية المركزة ..
ريناد / جد ؟؟
رنيم / لا تشيلي هم .. ربي يشفيه ..
ريناد / طيب وش فيه .. لهالدرجه الحادث كان قووي ؟؟
ندى / ايووه .. مرره خطر ..
ريناد لمعت عيونهاا / ظنيته ماااااااااااات .. يعني هاللحين هو لسا
زوجي .. صح .. ؟ ابغااا انفصل منه .. خايفه يجي وياخذني ..
ندى / لاااا رنود وش هالكلااام .. ماعليك من هالموضوع
انتي قومي لناا بالسلامه ولا تشغلي بالك ..
ريهام تغير الموضوع / عاارفين شفت خالد يوم نزلت للكوفي شوب
الكل / احللللللللللللللفي
ريناد / وش صااار ؟؟

ريهام غمزت لريناد / هههههههه ياحبك لهالمواضيع ..
ندى / يلااا عاد وش صار؟
ريهام حكت لهم كل اللي صار وهي تحكي لهم مبسووطه ..
رنيم / ههههههه مع وجهك ..
ندى / بتروحي له ؟
ريهام حطت رجل على رجل بس بعربجه / اكيد .. افااا عليك كلمة
رجاااااال ..
الكل / ههههههههههههههه
الا يدق جوال ندى .. بنغمة مررة رومانسيه ..
ندى بسرعه / عماااااااااد
رنيم / هههههههه بشويش ..
ريهام / شوفوا كيف طااااااااح قلبهاااااااا
ندى / ماااااااالت عليك ..
وصدت على جنب .. / الوو
عماد / يااااااااااهلاااااااا بهالصوت
ندى بأبتسامه / ياهلااا فيك ...
عماد / اخباارك .. ياعسل ؟
ندى / كويييسه .. اخبارك انت ؟
عماد / اووه النفسيه اليوم عالي العال اكيد صحت صديقتك ؟
ندى / هههههه ايووه .. انا جنبها هاللحين ..
عماد / اهااااااااا سلمي لي عليهاااا وتشافي لهاا
ندى / رنوود عماد يسلم عليك ويقول لك ماتشوفي شر
ريناد اكتفت بأبتساامه ..
عماد / ندووو
ندى / قلب ندووو انت ..
عماد بلهفه / وحشيييييييييييني
ندى حمرت خدودهاا / ..........
<<<<<<<<< ريهام / ههههههههههههه ياحلااااتك ندووو
ندى وقفت وراحت جلست عالكرسي اللي يطل عالنافذة الكبيرة ..
عماد بحرارة / ابغااا اشوفك ... امس ماشفتك ابد ...
ندى بأبتساامه / اووكيه .. مثل ماتحب ..
عماد / ........
ندى / عماااد
عماد بحرارة / احبك .. امووووووووت فيك ..
ندى بهمس / امووووت فيك .. والله ..
عماد / اووكيه حبي .. انا اخلييك هاللحين طيب
ندى / اوووووكيه قلبي .. باااااااااااااي

قربت منهم ..
ريهام / بذمتك وش قلتواا ...؟
ندى / خييييييير .. وش تبييين ؟
رنيم / هههههههههههههه الظاهر ريهام تبغا تطبق ..
ريهام سوت نفسها مو عارفه قصدها / اييييييييش ؟؟ يعني كيف ؟
ريناد / هههههههههههههه جبتيهااا رنووم ..
ندى / يعني كيف مع خلووودي .. ماي فريبند
ريهام انفجرت ضحك / هههههههههههه جد انكم نكته ..
رنيم بجديه / لااا جد رهووما وش لك فيه ؟
ريهام / هاا ... لا والله بس لأني ارتااح له .. واسولف معه كأنه
اخووي .. مافي بيننا أي حواجز ..
ندى / احلللللللللللللى يااخوي ..
ريناد / ..............
رنيم / خااطري اشووفه والله
ريهام / ايييش ؟ وش تبي فيه ؟
ندى / هههههههههههههههههههه
ريهام / وليه هالضحك بعد انتي ؟
ندى وهي تضحك / ههه لاا ولا شي ههههه ..
رنيم / بس كذاااااا من باب الفضول ..
ريهام بلهجه سوريه / ايوااااااااااا هيك لكااان ..

:::::::::::::::::::::

لميس دخلت غرفة تحليل الدم .. مع هشام ..
واخذوا دم علشان التحليل وطلعت ...
لميس وهي ماسكه موضع الأبرة / يألم ..
هشام / هههههههه والله بزرة ..
لميس / لااا جد ...
هشام / امشي بس وبلاااا دلع ..
هشام يكلم النيرس / هااا متى نتيجه ؟
النيرس / بعد نس ساآه ( بعد نص ساعه )
لميس / طيب اجل اناا رايحه فووق ..
هشام / اووكيه قلبي .. بعد نص ساعة انزلي زين ..
لميس / اووووووكيه

::::::::::::::::::::::

صعدت لميس ودخلت لهم الغرفة ..
ريهام / هااا لموو وش صار عليك ؟
ندى / طمنينااا
لميس / مافي الا الخير .. تقول من قلة الأكل ههههههه
رنيم / هههههه الظاهر راح نصير مثل مجاعات افريقياا
ندى / ههههههه والله النعمة موجوده الحمد لله بس حنااا رافسين النعمة ..
لميس / الحمد لله على كل حاااال ..
ريناد استلقت وانسدحت عالمخدة ...
ريهام / رنوود نخليك تناامين ؟؟
ريناد / لاااا .. بس بستلقي شوويهــــ ..
لميس / آآآهـ اخذوا مني تحليل دم .. والأبرة مرره حارة .. وتألم ..
ريهام / اموووووووت بالنعوومه والدلع اناا
رنيم وندى / اشووف ..
مدت يدهااا لهم ..
رنيم / ليه ماخذين تحليل دم ؟
لميس / تبغا تشوف كان معي تكسر او فقر دم ..
ندى ورنيم / اهاااااااااا
ريهام بصوت عالي / مااقلت لكم ؟
الكل / وشو ؟؟
ريهام / جااا وليد ..
ندى / احللللللللللللللللللفي ؟؟
لميس / كيف عرفتي ؟
رنيم / وين ؟
ريناد من سمعت اسم وليد وشي يتعلق في ابو وليد تغير
لونه بسرعه .. /.....................
ريهام / والله حركاااااااات ههههههههههه
رنيم / كيف يعني ؟
ندى / حلووو ؟
ريهام / ههههههههههه أي يعجبكم ..
لميس / ههههههههه خااطري اشوفه
رنيم / اوصفي شكله ؟
ريهام وصفت شكله بالظبط .. / طويل وابيضاني وشعره اسوود
وكثيف عامله سباايكي ههههههه وسكسوكااا ولابس جينز وتي شيرت
عشبي .. بس والله عجبني البنطلون حقه رهيييب ..
الكل / هههههههههههه
ريناد التفتت وغطت نفسهااا بالبطانية ..
ريهام تأشر لهم / اشششششششششش

:::::::::::::::::::::::::::::

وبعد نص سااعه .. نزلت لميس .. وراحت لعند هشام
هشام بأبتساامه عريضه / هلااا قلبي
لميس / اهلييين .. هاا وصلت النتيجه ..
هشام بنفس الأبتسامه .. / ايه .. يلاااا ادخلي حيااتي ... يادلوعتي انتي
لميس / هههههههه وش فيك ؟؟
هشام وهو يناظر عيونهااا / مبسوووووووووووط للآخر .. يلاا ادخلي
لميس رفعت كتوفهاا ( وش فيه !! ) / اووكيه ...
دخلت لميس العيااده ..
وجلست عالكرسي ...
لميس / هااا خير دكتورة ؟
الدكتورة بابتسامه / ماحكى لألك جوزك ؟ ( ماقال لك زوجك ؟)
لميس تناظر هشام / لااا وشو ؟؟
الدكتورة بأبتسامه / مبروووووك ... انتي حامل ..
لميس عقدت حواجبهاا وهي تناظر الدكتورة / جد ؟؟
ناظرت هشام وابتسمت / جد ؟؟
هشام بأبتسامه عريييضه / ايووه يااقلبي .. مبروووووووك
لميس / هههههههه يااي يعني راح اصير أم ..
الدكتورة / واحلى ام انشالله .. راح اكتب لألك دواا فيتامينات وحديد
... بس بليييز تاخزيهم بأنتظااام .. اووكيه
لميس بأبتسامه مشرقه / اوووووووكيه
هشام / اهم حاجة انها تتغذى كويس تراها هاليومين معذبتني
الدكتوره / لااااه .. هلأ في بيبي جواتك .. لازم تتغزي كويس
مو مشانك عالأأل من شان البيبي ..
لميس بنفس الأبتسامه / ابشري .. ولا يهمك .. راح ادبل الوجبه اذا تبي
الدكتورة / هههههههههه لا مو هيك .. اهم اشي تاكلي اكلات مفيدة فواكه وخضروات .. مو الجنك فوود اووكيه
لميس / ههههه اووكيه ..
الدكتورة مدت الوصفه للميس / متل ماألت ألك .. خدي الدوااا بأنتظام ..
هشام وقف / يلااا شكرا دكتورة ..
الدكتورة / الف مبرووك ان شاء الله
لميس طلعت وهي مبسوطه وتناظر هشام / هشاام راح اصير أم ؟
هشام وعيونه باين عليهم الفرح / ايووه ياااقلبي .. وانا راح اصير اب
لميس / هههههههههه يااحلاااتك ..
هشام يناظر عيونها بلهفه / ياحلاااتك انتي والله ..
لميس / هشووم ابروح ابشر الشله زييين ..
هشام / اووكيه قلبي بس عجلي علشان نبشر امي وامك ..
لميس / ايوووه ماااااااما .. راح ادق عليهااا
وبسرعه اخذت جوالهااا ودقت ..وهي مبسووطه حدهااااااااااااااا

::::::::::::::::::::

بو عبدالله ... مع وليد لهاللحين بالمستشفى
بو عبدالله / خلااص ياوليد انا حجزت لك فندق .. روح ارتااح
انت توك جاي من السفر ..
وليد / موو قاادر والله .. وعمامي يحاتونه هناك .. وانا هنااا معاه
ماادري شسوي ؟
بو عبدالله وهو مو مقتنع من اللي يقوله / راح يقوم بالسلاامه
ويرجع لكم .. بين اهله ان شاء الله
وليد / ان شاءالله .. << وبجديه / عمي ..
بو عبدالله / ســــم
وليد / هاللحين بنتك صج متنومه هنااا
بو عبدالله استغرب من سؤاله / هااا .. ايه ..
وليد / انزين ممكن اشوفهاا .. واتطمن عليهااا
بو عبدالله / تشوفهااااااااا ؟؟
وليد / ايه .. مو اهي مرت ابوي .. يعني حلال اني اشوفها ..
بو عبدالله بخاطره ( آآهـ هذا الغريب يقول كذااا وانا حتى ماشفتها
ابد ؟؟ آآآآآآآآآهـ ياريناد حاس انك تكرهيني ماادري ليه ؟؟ )
وليد / أي غرفة اهي ؟؟
بو عبدالله / يلااا قوم معي .. انا بعد راح اشوفهاا
وليد / يلااا

:::::::::::::::::::::::::::::::

راكان بعد مانزل امه وشوق .. للبيت ..
مشى ثانية بالسيارة ..

راكان ( لاااازم ترضي علي ياارينااد ... لاااااااازم ..
افهميني ... حسي فيني ... ليه قااسية علي كذاا ليه ؟)
وصل للمستشفى ووقف سيارته ..

:::::::::::::::::::::::

لميس دخلت الغرفه وهي مبسوووطه / هااااااي
الكل / هاااااااااااايات
ندى / لاااا تقولي فقر دم ... ترانا مو ناقصين
لميس بأبتسامه وبدلع / لاااااااااااااا
ريهام / اجل تكسر
لميس عقدت حواجبه / فال الله ولا فالك ..
رنيم / طيب انطقي ..
لميس ناظرت ريناد / اول حاجه ابغا اسمع ضحكة رنوود
ريناد / ............
الكل / ههههههههه ليه
ريهام فتحت ازرة قميصهااا / بصراحه مااعندك ساالفه ..
لميس / الاااا عندي .. بس مثل ماطلبت .. رنود اضحكي عاد
ريناد / اضحك على ايش شايفتني مجنونه ..
ندى / ههههههههههههه خلااااص انا ضحكت بدالهاااا يلااا انطقي عاد ..
لميس / ههههههههه لاااا موضحكتك .. كيفي انااا اتوحم على ضحكة ريناد ..
الكل / .......................!!!!!!!!
ريناد / ههههههههههههههه جد ؟؟
لميس / ايوووه حاااااااااامل
الكل / وااااااااااااااااااااااااااااااااااااااااااااو
ندى قربت من لميس ولمتهااا / مبرووووووووك يااقلبي اخيرا راح ينظم
بيبي لبنات كيوووت ...
ورنيم نفس الشي باركت لهااا ... وبعدهااا ريهاام ..
لميس / بشويش رهووم ارحمي البيبي
ريهام بعدت عنهاا / ماااااااالت عليك ..
ندى / ونااااسه لمووو راح تصير ام ..
رنيم / يااااااااااي يعني انا راح اصير عمه هههههههههه
ريناد تناظر لميس / مااتخيلك تربي بيبي ابد ..
لميس / هههههههههههههه ولاااا انااا
ريهام / ياحلاااااااااااتك .. صدقتي عمرك ..
رنيم / هههههههههههههه حلووه هذي صدقتي عمرك ..
لميس وهي تلف الشيلة على راسهاا / يلاااا هاللحين ابروح لماامااا
ريناد / لموو اذا فيك بنت سميها ريناد .. بلييييز
لميس / بس ابشري مااااااااااطلبتي ..
ندى بصوت عالي / يالخااااينه .. مو انا معك متفقين لما تجيينا بنت انا
اسميها لميس وانتي تسميها ندى ..
لميس / هههههههههههههه ايوااا صح نسيت ..
ريهام / هذا وجههي اذا سميتيها ندى ولا حتى ريناد
لميس وهي تلبس نقابها / اقوول بلااااااااا فتن ..
رنيم / لااا انا بحكي مع هشام واخليه يسميهااا رنيم وبس
ريهام / والله ..
ندى / الا جد ابو الهش وش كانت ردة فعله ؟
لميس / اوووووووه متشقق من الوناااسه
الكل / ههههههههههه
ريهام / الله يهنييييييييكم ..
لميس / يلاااا باااااااااااااااي

وطلعت ... الا تلاقي بوجههاااا بو عبدالله ووليد راح يدخلواا الغرفة ..

::::::::::::::::::::::::::::

انتهى البارت التاسع عشر