روايه الحب المستحيل الجزء العشرون تكمله

::::::::::::::::::::::::::

الساعة 4 مساء
بالمستشفى ..

ندى / اووكيه رنوود انا رايحه مع عماد طيب وراجعة لك بالليل
ريناد / اووكيه
رنيم / سلمي لي عالعاااااااشق
ندى وهي تمشي / مااااااااااالت عليك ..
طلعت ندى .. الا تجي ريهام ..
ندى / رهووم وجع ليه كل هالتأخير
ريهام / كييفي .. وانتي وين رايحه ؟
ندى / طالعه مع عماد ..
ريهام / اهاااا ... ايوااا
ندى / وش فيك ؟
ريهام / هاا لا ولا شي ..
ندى / يلاااااا انا جاية بالليل وابغاك تقولي كل اللي صار بينك وبينه
ريهام / ابشررررررررررري ..
ندى مدت يدهااا بنعومه / باااااااااي

ريهام دخلت الغرفه متحمسه .. / هااااااااااااااااااااااااااااااااااااي
ريناد ورنيم / هاااااااااااياااااااااااااااااات
ريهام شلحت عبايتهااا والغطااا وجلست عالسرير قرب ريناد
ريناد بعتب / وينك ؟؟ والله تأخري ؟؟
ريهام / اسكتي والله عذبته .. بهبالي .. كل ماقال كلمه اقلب عليه
يعني بالعربي جننته ..
ريناد بتعجب / طول الوقت معك ؟ في بيتكم ؟
ريهام بغمزه / افاااااااااااا عليك ... انا قدهااا وقدود والله ..
رنيم وريناد شهقوا /...........
ريناد / جد هبلــــــــــــــــــــــه !!!
ريهام / انا اكون جد هبله اذا استسلمت لحكيه ..
ريناد / كيف ؟ هو وش حكى لك ؟
رنيم / ؟؟؟!!!
ريهام / اسمعواا ... يقول انه هو مرتاح معي .. وانه مايقدر
يستغنى عني .. واني انااا دووم بخياله .. لا وبالأخير
قال لي .. اممم
ريناد ورنيم / وش قااال انطقي ..
ريهام وهي تضحك / قالي لي .. احبك .. ههههه
ريناد ورنيم / جد ؟؟
ريهام / ههههههه ايووه بس ماقالها لي كذااا وهو متردد
وقال لي انه محتاج لي كثيير ..
ريناد / من جدك ؟ طيب وش قلتي له ؟؟
ريهام / ولا شي عااااااااادي ..
رنيم / والله انك مجنونه .. الرجال مبين انه مقطع قلبه عليك وانتي
تطنشيه ؟؟
ريهام / والله انا ماضربته على ايده وقلت له تعاااااااااال بليييز حبني !
ريناد بجديه / ريهاام .. انتي ليه خليتيه ينزل معك البيت ؟؟
ريهام بأبتسامه / والله كذاا جا على بالي اتغدا معه .. وبالمره قلت
علشان يوصلني هنا ثانية ..
رنيم / الحمد لله على عقلك ..
ريهام / وعقلك ..
الا يدق جوال ريناد ..
ريناد اخذت الجوال بسرعه وناظرت اسم المتصل .. ( راااااااااااكان !!!)
ريهام ورنيم / منوو
ريناد / اششش اسكتواا ...
و ردت بهدوء / الووو
راكان ( ياقلبي عالنعومه وهالصوت .. ) وبصوته الحنون / هلااااا
ريناد / اهليين ..
راكان / اخبارك ؟ اليوم ؟؟
ريناد / كويسه .. الحمد لله
راكان / دوووووووم يارب .. ريناد ...
ريناد / ايوااا
راكان / زعلانه مني صح ؟
ريناد وهي مرتبكه / امم ماادري اسأل نفسك
راكان / يعني جد ..
ريناد حست انه قلبها ينبض بقووه / راكان بليييز لا تضغط علي ..
راكان / مااحب اشوفك زعلانه مني .. طيب افهميني ..
ريناد بنفس الشعور / وربي فاااهمتك .. بس انت افهمني ..
راكان بحنيه / طيب فهميني .. وريحيني ..
ريناد / مو وقته هاللحين .. اكلمك بعديييين ..
راكان بسرعة / رينااااااااااد
ريناد / ايوااا
راكان بتردد / امممم .. لااا خلاص اخليك اناا ..انتبهي لنفسك ..
ريناد / اووكيه باي ..

بعد ماقفلت منه ..
ريهام / منوو
ريناد / تعرفين بلا بلاااهه ..
رنيم / رنوود لا تتضايقي .. والله هو بس قلبه مشغول عليك ..
ريناد / اووكيه .. ممكن تغيروا الموضوع ..
ريهام بأبتسامهـــــــ / نغيره ليه لاااا كم رنوود عندنااااااااااا

:::::::::::::::::

ومن جهه ثانية بالمستشفى
الدور الأول
قسم العناية المركزهـ ..

وليد اول مادخل للمستشفى دخل على الدكتور ..
وليد / السلام عليكم
الدكتور / اهلااا وعليكم السلام
وليد / هااا شلون ابوي اليوم ؟
الدكتور / والله لحد الحين الحالة مستقره ..
وليد بتنهيده / الحمد لله .. يعني في امل يـ
قاطعه الدكتور / اذكر ربك .. وحنا مانملك الا الدعاا والباقي على الله
وليد / ونعم بالله .. طيب ممكن اشوفه ..
الدكتور / اكيد ممكن .. تفضل معي ..
ومشى مع الدكتور لغرفة العناية المركزهـ ..

::::::::::::::::::::

ندى وعماد ..

وتحديدا في بيت عماد .. بالصالـهـ
عماد وبيدهـ علبه .. فاتحهاا
ندى / وااااااااو والله جنااان ..
عماد اخذ الآسوارة من العلبه ولبسهااا ندى .. / واااااااااو على
ايدك احلى ..
ندى بأبتسامه واثقه / اكييد ..
عماد / امووووووووت عالثقهـ واللهـ ..
ندى قربت منه بجرأه وباسته على خدهـ بسرعه / تسلم لي يااقلبي ..
عماد / فدييييت انااا قلبك ...
ندى بأبتسامة تذوب حتى بانت غمازتها ياللي زادتها حلى
وجاذبيه / احــــــبك ..
عماد بنظرات حب / لا لااااا خلاااااااص وربي مااقدر اناااا ..
تعذبيني انتي بهالحكي ...
ندى / سلااامتك من العذاب .. طيب خلاص ابسكت ..
عماد / لااا انااا راضي بعذاابك .. اهذري علي ..
ندى بدلع / لااا مايهون علي ..
عماد وهو ماسك يده وضامهاا / ياحلاة الدلع لجااا من اهل الدلع ..
ندى وجها قلب احمرر / لااا ابسكت كفايه ..
عماد وهو يناظر عيونها بشوق / يجرحني غلاك .. يذبحني حلاك ..
يتعبني جفاك .. خذي عمري فداك ... احبك .. موووووووت ياعمري ..
ندى تتنهد / يااااقلبي ياحلو حكيك ..
عماد بأبتسامه ونظرات تدوووخـ / الحلى كله فيك ..
ندى احمرت خدودها بقووه .. ونزلت راسها من الحيااا
عماد قرب منها اكثر ولمها بحظنه ..
ندى وهي بحظنه حاسه بالأمان والحنان ..
وعماد شعوره لا يوصف بهاللحظهـ ..
فجآه ندى تبعد عنه بسرعه وتناظر عيونه .. / عمااد تحبني من جد ؟
عماد / قلبي وش هالسؤال ..
ندى / جاااوبني
عماد بثقه / احبك .. واحب الثرى اللي توطيه ..
ندى بنبرة غيره / ودانه !!
عماد وهو عاقد حواجبه / دانه ؟؟
ندى / جاااوبني ...
عماد بجديه / دانه بالنسبة لي شي ماضي وانتهى .. تفهمي كيف
يعني انتهى ؟ يعني مستحيييييل ترجع لي وارجع لهاااا ..
وانا فهمتك طبيعة علاقتي معهااا كيف .. صح ولا لااا ؟؟
ندى بنفس النبرة وهي منزلة راسها وشعرها طايح على عيونها / بس
يوم من الأيام كانت بين احظانك صح ؟ ؟
عماد رفع شعر ندى اللي كان طايح على عيونهااا وحط يده على ذقنها
ورفع راسها / قلبي .. بلييييز لا تفتحي معي هالموضوع مره ثانية
لأنه ينرفزني ..
ندى / ليه ؟؟
عماد / مااحب اتذكر اني كنت معها بيوم من الأيام فهمتي علي ..
ندى وهي تناظر عيونه / حبيتهااا ؟؟
عماد تنرفز / ندى .. انا وش قلت ؟؟ تطمني انا ماعمري حبيت الا
وحده ومستحيل احب غيرهاااااااااااا تعرفين من هي ؟
ندى بكل برود / منوو
عماد وهو يناظر عيونها / انتي .. ايه احبك انتي وبس ..
ندى قربت منه وحطت راسها على حظنه ..
عماد وهو يمسح على شعرهااا / تشككي بحبي لك ؟
ندى وهي بنفس الوضعيه / خااايفه ..
عماد يطبطب على ظهرها بحنان .. / خايفه مني ؟؟
ندى / ايواا .. خايفة بعد مااتعلق فيك تتركني مثل دانه ..
عماد / قلبي ندى ... انا لو ماابغاك كان ماتقدمت لك .. وبليييز
ندى اسم دانه هذا ماابغاك تطريه ثاني على لسانك .. اووكيه
ندى / اووكيه ..
عماد / للحين خايفه ؟
ندى بعدت عن حظنه وبأبتسامه ذايبة / لااا
عماد رجعهاا لحظنه .. / خليني كذااا اناا مرتااح .. احس اني معك
انسان ثااااااااااااني ..

( ليه أحس أني معك إنسان ثاني 
واني أسعد شخص في هذا الوجود
وان في يديني مفاتيح الأماني 
وكل درب أمشيه  مفروش بورود
كن عالمه عن الناااس  إحتوااني 
وكنه للقلب وأشواقه وقود
كل يوم ألقى له صرح بكياااني 
وكل يوم وعشقه فيني يزود 
.كله.
،، ذوق ،، 
و
،، أحاسيس ،، 
و
،، معاااني ،، 
يجبر الخاطر ويصدق بالوعود
أكره الدنيا إذا غاب  لثواني 
وأستعيد بوصله الدنيا  وأعود
ياهواي اللي من الناس  إصطفاني 
الغلا ماله وسط قلبي  حدود
من عرفتك وأنت الفرح بزماني 
وكل ماشفتك تمنيت الخلود )

:::::::::::::::::::::::

بالمستشفى ..

وليد دخل على ابوه .. وهي يمشي بخطوات مرررة ثقيلة ..
دخل لقاه منسدح عالسرير وبجسمه اسلاك مثل اسلاك الكهربااا واحد مدخل من انفه علشان التنفس والباقي على صدره ..
وكان بجسمه كدمات زرقاا باين عليها انها من الحادث اللي صار..
وليد وهو بجنب السرير وحابس دموعه بعيونه ..
مسح على شعره وبصوت واطي / يبه .. احنا محتاجين لك
لا تتركنا وتروح ؟ يبه بسفرك برى علشان تكمل العلاج وتقوم
لنا بالسلامه .. يبه انا ابيييييك محتاج لك ..
مسك يده وضمهااا بأيده .. / لا تخليني وتروح .. انا مالي غيرك
انت ابوي وامي وكل دنيتي .. انا ماابي الشركه اللي كتبتها بأسمي
انا ابيك انت .. يبه رد علي ..
بو وليد حرك ايده اليسار بشويش ..
وليد انبسط مرره لما حس انه تحرك / يبه.. انا وليد رد علي ..
الا يدخل الدكتور .. ويسحب وليد لبرى / لو سمحت بدون انفعالات
لأن هالشي يأثر فيه وممكن تدهور حالته اكثر ..
وليد يكلم الدكتور والأمل في عيونه / دكتور ابوي تحرك ..
ايه حرك ايده .. تكفى خليني اكلمه واسولف معاه ..
الدكتور / لو سمحت خلك هنااا وحنا راح نتابع حالته ..
وليد طلع برى وجلس على اقرب مقعد ..

::::::::::::::::::::::::::::::::::::::::

خلود لبست عباتها وجهزت ونزلت .. ومعها روان وريان ..
روان / مامي راح نشوف عمتو رنوده ؟؟
خلود / ايووه ..
ريان / ماما ..
خلود / ايوا
ريان / اذا طلعت عمتوو رنود راح تروح مع هذا ابو وليد لطلع
هو بعد ؟؟
خلود فتحت عيونها للآخر / هااا وانت وش فهمك ؟؟
ريان / اعرف كل شي .. مو اهو اللي راح ياخذها ويتزوجها ؟
خلود سحبته من ايده / ريوون قلبي بلاش كلام كبار .. طيب
روان / يعني ماراح جي هنااا ثانيه
خلود تأففت / يااقلبي .. رنود راح ترجع هناا لطلعت .. وبلاش حكي
فااضي يلااا ..

ونزلوا تحت وطلعت معهم ام عبدالله ومشوااا وركبوا السيارة
مع عبدالله .. وتوجهوا للمستشفى ..

::::::::::::::::::::::

بالمستشفى ..

ريناد منسدحه وغفياانه ..
وريهام ورنيم يسولفوا سوااا ..

الا يدخلوااا ام عبدالله وخلود .. وريان وروان
روان اول مادخلت مشت بسرعه ونطت فوق السرير على ريناد
ريناد ارتاعت بقووه وازدادت سرعة تنفسهاا / ر ررر روواان
خلود / روونه بشويش .. روعتيهااا ..
ريناد وهي لامه روان .. / وحشتيني روونه
روان تبوسها على خدهاااا / وانا اكثر .. متى راح تطلعي
علشان نلعب ونرقص ..
ام عبدالله / هاا ريناد اخبارك هاللحين ؟
ريناد / كويسه .. بس مليييت من جلسة المستشفى ابطلع ..
ام عبدالله / ارتاحي بالأول اهم شي صحتك وبعدها فكري بالطلعه
ريهام مسكت ريان على جنب ..
ريان / نعم وش تبين ؟ مااحبك ..
ريهام / لاااا تحبني .. قول احبك
ريان / لااااااااا اتركي ايدي ..
ريهام / لااا بالأول قول احبك والله اعطيك شوكولاته ..
ريان تحمس / وينه الشوكولاته ؟؟
ريهام فتحت الدرج اللي على جنب السرير وطلعت جالكسي .. / هاا وش قلت ..
ريان وهو يضحك / احبك هههههههههه
ريهام / فديييييييييييتك والله .. خذ تستاهل ...
ريان بعد مااخذه / مااحبك امزح معك ههههههه
ومشى عنهااا ..
ريهام / لااااااااااااااا تعااااال يالفاشل ..
ريناد تناظر ريهام / هههههه والله ريوون عرف يلعب عليييك
ريهام / ههههه ايوااا بس خليه يقرب مني لأمسكه من كشته هههه
خلود / كل شي ولا كشته .. خليها على جنب ..
ريان بدلع يلتفت يمين وشمال / اصلا انتي منقهره مني شعري انعم منك
ريهام شهقت / انت انعم ؟؟ لاااااااا والله تعال شوف شعري وش حلاته
ريان / لاا قصير مو حلو

:::::::::::::::::::::::

ومن جهه ثانيه ..
عبدالله تحت مع وليد ..
عبدالله / هااا اخباره هاللحين ان شاء الله تحسن ؟
وليد / ايه احسن وبدا يتجاوب .. حتى انه قبل شوي حرك ايده
عبدالله بأبتسامه / الحمد لله .. ربي يقومه بالسلامه
وليد / الله يسلمك .. الا وين عمي ماجا معاك ؟
عبدالله / والله عنده ضغط بالشركه .. ان شاء الله راح يجي ..
الا يطلع الدكتور بأبتسامه عريضه
وليد / هااا دكتور ؟
الدكتور / لا ماااشاء الله الوالد بدأ يتحسن ..
عبدالله / يعني نقدر نكلمه ؟؟؟
الدكتور / ايووه بس موهاللحين لأن صعب الكلام والاخذ والعطا
معه هاللحين .. بس تقدروا تطمنوا عليه ..
وليد / الحمد لله .. على كل حال
وليد سحب عبدالله ودخلوا دااخل غرفة العناية المركزهـ ..

:::::::::::::::::::::::::

دانه .. وهي ماسكه جوالهااا .. وبخبث تضغط عالأرقام ..
وبعد لحظات ...
دانه بصوت مصطنع بالنعومه / اهلييييييييين ..
_____ / .. من معي ؟
دانه بنفس اللهجه والنبره / انااا ماعرفتيني ؟؟
_____ / اممم لااا والله .. انتي من تبين ؟
دانه بخبث / مو انتي غيداء السعود ؟؟
غيدا بنبرة تعجب / ايه .. بس من معي من انتي ؟
دانه / انااا ( سلمى ) اللي شفتك بزواج اخوك ..
منى تعجبت اكثر / سلمى ؟؟ سلمى مين ومتى شفتك ؟؟
دانه ضحكت بخبث / ههههههههههههههه .. الظاهر انتي تنسي كثير
جلسناا سواا وتعرفنا على بعض وانتي اللي عطيتيني رقمك ..
غيدا بنفس النبره / اناااااااااا ؟؟ مااتذكر ابد .. ذكريني طيب كيف شكلك ؟
دانه وهي راااايقه / ياقلبي .. والله اني من شفتك وانا متعلقه فيك
مررررره بس الرقم كان ضاايع والبارح تو لاقيته قلت ادق عليك اليوم واسأل عنك ..
غيدا تحاول تتذكر مو جاية تذكر ولا شي حتى نبرة الصوت مو
عارفتها ابد .. / ...........
دانه / غيوود انتي معي ؟؟
غيدا/ هاا ايه معك بس احاول اتذكرك ..
دانه / اووه ياغيدا يعني بنبقى كذا على ماتذكريني ؟ عز الله ولا
بكراا الصباح اعرفك انتي تنسي كثييييييير ..
غيدا / هههههههه والله بهذي معك حق ..
دانه / فديييييييييييت هالضحكه والله ..
غيدا بأبتسامه / تسلمي ..
دانه ( ياحبك للرسميات ... )
غيدا / سلمى .. ممكن اخليك هاللحين ماما تناديني ..
دانه / اووكيه ياقلبي .. بكرا راح ادق عليك طيب
غيدا / اووكيه .. بااااااااااي
سكرت غيدا الجوال .. وحطته على جنب .. وتحاول تتذكر ولو شي بسيط
.. ( زواج اخوي صار له سنه ونص تقريبااا يعني يجوز شفتها وانا
نسيت .. وانا وش اللي نزل نسبتي السنة غير النسياااان ... ههههههه
بس والله هالبنت جات بوقتهااا حاسه بطفش وملل .. لا شكلي بشبك
معهاا ويمكن اتذكرهاا .. )

:::::::::::::::::::::::::::::::::::::::
وفي يوم آآآآآآخر

::::::::::

وليد جاي يركض من البيت للمستشفى وبيده بااقه ورد فخمه ورااقيه
من الجوري الأحمر ..
دخل على طول غرفة العناية المركزه ..
واول مادخل لقى السرير فاضي وفتح عيونه للأخر .. / يبه ... يبه
دكتووور .. وين ابووووووووي !!!
طلع يركض وحتى الورد طاح من ايده في الممر ورجوله
مو شايلته يحس بخطوات مرره ثقيله ..
راح للرسبشن يسأل عن ابوه .. / وين ابووي ؟؟
الممرضه / واااااات ؟؟
وليد التفتت على ممرضه سعوديه / لو سمحتي ناصر العالي اللي
بالغرفه المركزة وينه ؟؟
الممرضه وهي تناظر بالأوراق اللي قدامها / لحظة لو سمحت ..
وليد حده متوووتر ويناظر بالورق اللي قدامهاا / ..........
الممرضه / المريض ناصر العالي .. بالدور الثالث قسم تنويم الرجال
وليد تغيرت ملامح وجهه بسرعه وتطمن قلبه .. / ابوي فووق ؟
الحمد لله .. يعني صار احسن ..
وقبل لا يمشي .. لووح بأيده / مشكوووره ..
الممرضه / العفوو .. وبصوت عالي / تعااال ..
وليد التفت بسرعه / نعم ؟؟
الممرضه وهي تضحك / الورد ...
وليد / اوووه .. صج نسيييييت .. هههههه
واخذه .. واخذ ورده جوريه من الباقه ومدها للممرضه / هاج تست
على الخبر الحلوو ..
ومشى بسررعه ..
الممرضه اخذت الورده / ههههههه والله عذااااااب يجنن هالكويتي ..

::::::::::::::::::

وبالدور الثاني ..
ريناد / هاا دكتور متى راح اطلع تراني ملييت ..
الدكتور وهي يكتب بالفايل / ان شاءالله اليوم .. بعد الظهر بس
رح نشوف آخر فحوصاتك ..
ريناد بأبتسامه / اهاااا
رنيم / وااااااو يعني راح تطلع اليوم ..
الدكتور / ههههه ان شاء الله .. يلااا بالسلامة ان شاء الله
رنيم وريناد / الله يسلمك ..
ريناد اول ماطلع شلحت الشله اللي على شعرهااا .. / رنووم تعبتك
معي والله ..
رنيم جلست جنبهااا / وش دعووه هذا اقل من الواجب .. يعني انا لو
مرضت ماراح تكوني معي على طول ..
ريناد / بسم الله علييييك .. بس انتي حتى النوم تنامي معي ..
رنيم بأبتسامه / من لي انااا غيرك .. بس والله لو تدرى رهوما
اني نمت معك بتقلب علي هههههههه ..
ريناد / ههههههههه .. رهوومه قلبي اكيد هاللحين محتاسه راح
يجوا امها مع ابوهاا ..
رنيم / هههههه الله يعينهاااا .. يارب نشوفها ومعها اخبار كويسه
من امها او ابوهااا .. ويحننوا القلب عليهااا ..
ريناد مدت ايديها للسما / يااااارب الله يسمع منك ..
وبتنهيده / ريهام ماهي محتاجه الا حنان امها وابوها اللي افتقدته
من يوم وهي صغيره ..

:::::::::::::::::::::::

وليد وهو يمشي بين الممرات ..
من السعاده اللي اهو فيها مامر للرسبشن يسأل هو أي غرفه ..
يمشي وكل غرفه يوقف جنبها ويقرأ الأسم اللي عليهاا ..
الا ان وصل غرفة 265 ناصر احمد العالي
وليد فتح باب الغرفه بسرعه والأبتسامه بوجهه / يبه ..
بو وليد منسدح عالسرير .. وبأيده المغذي .. ووجه مرره مصفر
وجسمه مزررق من الكدمات ..
بو وليد ابستم لما شاف ولده الوحيد جاي لعنده ..
وليد حط الورد على جنب ولم ابووه وهو شوي ويبكي من الفرح
وليد بعد مابعد عنه / الحمد لله على سلامتك يبه .. والله مو مصدق بعد
هالغيبوبه ترد لنااا .. الحمد لله ..
بو وليد يحاول يتكأ و لسانه مرره ثقيل / اللـــ ــه يســ لـــمك ..
وليد / لا تتعب حالك .. خلك مرتاح ..
بو وليد في عيونه حكي كثييييييييييير ..
وليد / يبه الأهل كلهم يسلمون عليك ..
بو وليد / الله .. يسلمهم .. ليـــه ماحـــد يأ منهم ؟
وليد / هاا .. ان شاء الله بييون ( راح يجو) انا اطمنهم عليك اول
بأول ..
بو وليد سكت شوي .. وبعدها تكلم .. / ولـــ يـــد
وليد / سَــم ..
بو وليد / شـــ لون .. ر .. ريــ يــــناد ؟؟
وليد / ريناد ؟؟ والله ماشفتها .. لا تخاف اهي بخير ..
بو وليد وهو يكح / ابـــي اشوــفها .. ضروري .. كح .. كح
وليد / لا تتعب نفسك بالكلام .. خلاص ان شاء الله تشوفها ..
بو وليد / روح دق علـــ ـــى ابـــ ـــوهــ ـــا وكــ لمـــ ــها انــ
قاطعه وليد / يبه خلاص ارتاح .. انا راح اييبها لك اللحين ..
بو وليد اخذ نفس عميق / اللــه يرضـــ ـــــا عــــ ـــليــ ــــــك
وليد طلع من الغرفه .. ( الحين شسوي ؟ اروح لهااا ؟؟ ولا
بس لازم تعرف ان ابوي يسأل عنها .. ويبي يشوفها ..اللحين
اكيد بتطردني بس اتحمل علشان ابوي .. والله باين على هالريناد
قوويه .. الله يستر .. اروح واشوف .. )

::::::::::::::::

وفي بيت ابو هشام ..

ام هشام وراكان وشوق جالسين سواا ..
هشام نزل لهم من فوق .. / السلااااااااام عليكم
الكل / وعليكم السلام ..
هشام بعد ماجلس عالكنبه / يمه تراني خلصت اجراءاتي للبعثه
ام هشام / هاا .. والله
هشام / ايه .. كلها اسبوع وحنا هنااك
شوق / وبتاخذ لميس معك ؟؟
هشام / اكيييد ..
ام هشام / ليه ماتخليها تولد هنا وبعدين تاخذها احسن .. علشان ما تتعبك ..
هشام / هههه لاا هناك احسن ..
شوق / ههههه ينقال هنك ماتقدر تستغنى عنهاااا
هشام بثقه / ايه ..
ام هشام / مااقول الا ربي يوفقكم ان شاء الله ..
هشام التفت على راكان / هيه نحن هناااااااا عبرناااااااااااا
راكان من دون نفس / ايوااا
هشام / وش فيك .. حد ميت عليك ؟
راكان / مو فااضي لك ... انا بطلع احسن لي ..
ووقف ومشى ..
ام هشام مشت وراه / راكان ..
راكان التفتت / هلا يمه
ام هشام / وش فيك ؟ من اللي مضايقك ؟؟ حد مزعلك من اخوانك ولا
من ربعك ؟؟
راكان ( وش اقول لك يايمه .. ) / لاااا مافيني شي بس حاس اني
مخنوق ابطلع .. ابغير جوو ..
ام هشام / اكيد يمه مافيك شي لا تشغل قلبي عليك ..
راكان بأبتسامه صفرااا / مافيني شي .. ولا تشغلي قلبك .. يلااا انا طالع
تامري على شي ..
ام هشام / بحفظ الله ..

::

هشام / هااا شوق ماقالوا متى الملكه ؟
شوق احمرت خدودهاا / هاا .. ماادري اسأل ماما
هشام / ههههه ياحلاة اللي يستحوون ..
شوق تغير الموضوع / اممم هشوم ترى بكرا عيد ميلاد لموو ..
هشام فتح عيونه للآخر / احلللللللللفي ..
شوق / والله .. لا تفشلنااا احتفل معهااا ..
هشام بأبتسامه عريضه / اكيييييييييييد .. بس تعالي لا ذكريها خليها
سبرايز ..

شوق / اوووه حركااااااااات بعد ياهشووم ..
هشام بعصبيه / شنو هشووم اصغر عيالك ..؟
شوق / ههه لااا سووري اقصد ياااااهشام يااخوي ياابوو .. امممممم
هشام / احم احم بو متعب ..
شوق / ههههههههههههه يعني لموو ام متعب لاااااا حرام عليك
مايليق عليها ...
هشام / ههههههههههههه عاد مو بكيفك ..

::::::::::::::::::::

راكان ركب السياره .. واتكأ عالمقعد ..
( متى راح ترضي علي ؟؟ متى ؟؟ ليه تتجاهلني ؟
ابغااا اعرف ليه مو جاية تفهمني ؟ وربي راح اعمل المستحيييييييل
علشان بس خاطر عيونك اللي ذابحتني .. انتي بس ردي علي .. )
مسك الجوال ودق .. وبعد لحظات ..
راكان / هلاااا رنيم ..
رنيم / هلا راكان
<<< ريناد التفتت بسرعه من اسمعت اسمه بلسان رنيم ..
راكان / رنووما اخبار ريناد هاللحين ؟؟
رنيم وهي تناظر ريناد / كوييييسه .. راح تطلع اليوم بعد الظهر
من المستشفى .. ان شاء الله ..
راكان بأبتسامه / جد .. والله ؟
رنيم / ايه والله ..
راكان / اهااا اووكيه رنومااا اذا راح تطلع كلميني علشان امرك ..
رنيم / اووكيه ..
راكان / اممم <<< وبهمس / قولي لها اني ابكلمهاااا
رنيم / وش فيك تكلمني ؟؟
راكان / هاا لااا خلاص باااااااااي ..
رنيم / هههه يلاا باي

اول ماقفلت الجوال ..
ريناد / وش يبغااا ؟ امم قصدي اممم وش كان يقول لك ؟؟
رنيم / ههه ليه السؤال ؟؟
ريناد ( الله ياخذني على هالسؤال السخيف ) / هاا لااااااا ولا شي
رنيم ( اتحداك يارنوود اذا مو قلبك يخفق بقووه هاللحظه .. بس ليه تكابري .. والله انك معذبه اخوووي .. الله يعينك ياراكان عليها .. )

وفجأه .. حد يضرب الباب ..
ريناد / منوو ؟؟؟
رنيم / ماادري .. خليني البس يمكن اخوك عبدالله ..
لبست رنيم عبايتها ولفت شعرها بالشيله وتلثمت .. / ايوااا منوو؟؟
وليد من ورى الباب وبهدوء / انااا وليد .. ممكن اشوف ريناد
ضروري ؟؟
رنيم بأستغراب / وليد ؟؟ لحظه .. خليني اقول لهااا ..
رنيم / رنووده هذا وليد .. اخليه يدخل ؟؟
ريناد تغرت ملامح وجهها / وليد ؟؟ وش يبغااااااا مني ؟؟
رنيم / ماادري .. رنوده يقول يبغاك ضروري .. خليه يدخل
وشوفي وش اللي عنده ..
ريناد / رنومااا خاايفه ..
رنيم / لا تخاافي انا معك .. يلااا ابروح ادخله طيب
ومشت .. من عندهااا وتوجهت للباب ..
ريناد بسرعه اخذت الشيله من جنبها ولفتها على شعرهااا الكستنائي ..

رنيم فتحت الباب / حيااااااااك اخوي ..
وليد اخذ نفس عميق ودخل بهدووء ..
رنيم اول مادخل شهقت / ...................
وليد / السلام ...
رنيم متبلمه حدهااا ومفهيه .. / ......
وليد طول صوته اكثر / السلاااااام عليكم
رنيم وهي تناظره وعيونها تبرق / هاا .. وعليكم السلام ..
( فيييييييييييييصل !!! وربي شبهه بالظبط سبحااان الله .. )
وليد ( اشفيها هذي !! تطالعني جذيه )
مشى عنهااا .. ودخل دااخل ..
واول مادخل انبهر باللي جالسة عالسرير ( هذي ريناد ؟؟ هذي مرت
ابوي !!! صغيييييييييره حيييييييييل .. بس والله طلع الوالد عليه ذوق خطيرررر ماشاء الله والله السعوديات صج يهبلوووون )
وليد / السلام ...
ريناد بهدوء / اممم وعليكم السلام ..
وليد / شلونج ؟ ان شاء الله احسن ؟؟
ريناد / ا ل الحمد لله .. بخير
وليد / شوفي .. امم ابوي يبي يشوفج .. ويبي يكلمج ...
ريناد بنبرة خوف / هاا ابوووك ؟؟؟؟؟؟؟
وليد / ايه .. ترى طلع من العنايه وصعدوه فوق قسم التنويم
ريناد / جد ؟
وليد / ايه .. اول ماكلمته قال انه يبي يشوفج ويكلمج ضروري
ريناد بنفس النبره / وش يبغاااا مني ؟؟
وليد / ماادري .. انتي متى بتطلعين من هني ؟
ريناد / هاا العصر ..
وليد / خووش يعني تقدرين تشوفينه اللحين .. دام المغذي مو بيدك ..
ريناد حاسه بخوف / لاااا ... ماابغا اشوفه ..
وليد بنبرة تعجب / ليه ؟؟
ريناد تناظر رنيم / ماابغاااا
رنيم كل تفكيرها وخيالها هاللحين فيصل .. واللي واقف هاللحين قدامها .. تناظره من فوق لتحت .. وتحس نفسها انها ترجف من دااخل ..
ذكرها بكل كلمه وكل حرف سمعتهااا من فيصل .. الحب الكبير
اللي بقلبها ...
وليد / الحين انا طلعت من عنده وقلت اني بيبها لك تشوفها .. لا فشليني عاد ..
ريناد شوي وعيونها تدمع / قلت لك لاااا مابغا اشوف حد ..
بليييز اتركوني بلحالي ..
وليد بيأس / يعني شلون ؟؟ ماراح تشوفين أيش يبي منج ؟
ريناد / .............
وليد متأفف / اوووف براحتج .. بس راجعي نفسج .. ترى ابوي
ماعنده اغلى منج ...
ريناد ( الا عنده .. المنصب والفلوس اللي علشانها اخذني غصب علي )

وليد مشى من عندهااا ... بخطوات يائسه .. ( عنيده هالبنت .. مثل ماقال لي ابوي .. )
رنيم اول ماطلع طلعت وراااه .. وبسرعه / فــ ... فـــ .. اممم و ولـــــيد
وليد التفتت / هااا رضت تروح تشوف ابوي ؟؟
رنيم ( آآآآآآآهـ شبهه بالظبط .. عيونه وشعره وحتى هالشامه اللي على ذقنه !!! ياااااسبحان الله ... )
وليد / هااا .. شفيج ؟؟
رنيم / امممم وليد .. امسحها بوجهي .. هي اكيد ماتقصد بس
تراها هي كذا من دخلت المستشفى تعصب وتتنرفز بسرعه.. وريناد
مافي اطيب وارهف من قلبهااا ..
بس لا تتكدر راح اقنعهااا .. ولا يهمك .. راح اخليها تصعد وتشوفه ..
وليد بأبتسامه / اكيد ؟؟
رنيم ( فديت ابتسااااااااامتك .. هذا فيصل اللي قدامي الا هوو .. )
رنيم ماحست بنفسها الا عيونها تدمع .. من ورا اللثمه ..
وليد ( ليه تصييييح هذي ؟؟ ؟؟ ) / شفيج ؟؟
رنيم / هاا ..<< كفكفت دموعها / لاا ولا شي ...
وليد / اووكيه .. ترى بانتظرها عند الوالد زين ..
رنيم بصوت ذايب / اووكيه .. راح اقنعهااا ..

بعد مامشى وليد دخلت رنيم .. الغرفه .. وفتحت عبايتها والشيله
ورمتهم على الكنبه وجلست مسترخيه .. وخيالها راح لبعييييييد
ريناد / رنوومااا ؟؟ هيه وين رحتي ؟؟
رنيم / اسكتي .. ياريناد .. شفيته ؟؟ هذا اللي دخل هنااا
ريناد بنظره تعجب / وش تخربطي انتي .. اهااا قصدك وليد ؟؟؟
رنيم / اييييييييييييه
ريناد / وش فيه .. خير وش قالك ؟؟ لا تحاولي معي ماني رايحه
رنيم عدلت جلستها وبجديه / رنوود هذا زوجك ولا نسيتي .. لازم
تشوفيه .. عالأقل من باب الواجب ..
ريناد متأففه / زوجي وزوجي .. تراكم ازعجتوني ..
رنيم قربت من ريناد ومسك يدهاا / رنوود طلبتك تعالي نروح انا معك
لبو وليد ...
ريناد / ايييييييش .. لا والله ماني رايحه ..
رنيم / رنوود تكفيييييييييييين .. طلبتك ..
ريناد / انتي وش فيك ؟؟ والله انك مانتي صاحيه ...
رنيم فجأه تلم ريناد وتبكي بحظنهااا..
ريناد تفاجأت .. / رنوومااا وش فيك ؟؟
رنيم وهي تبكي / ابغاااا فــــ ـفــيصل ..
ريناد / فيصل ؟!! يااقلبي رنوومااا كفايه لا تبكين .. وش اللي جابه
على بالك هاللحين ...
رنيم بعدت عنهااا / فيصل على بالي على طوول .. مستحيل انساه ..
وتتنهد / رنووده .. وليد ذكرني بشكل فيصل .. وربي شبهه بالمررره
ريناد / وليييييييد ؟؟ شبه المرحوم فيصل ؟؟
رنيم / ايووه .. مررره تصوري حتى نظره عيونه وحتى .. والله كل شي
ريناد / رنوومااا كفاايه ...
رنيم / بلييييز تعالي نروح .. ابغااا اشوفه ..
ريناد / رنوومااا حبيبتي هذا ولييييييييييييييد مو فيصل تعرفي
وليييييييييد
رنيم / عاارفه ... يلااا رنودااا خلينا نروح طلبتك ..
ريناد / لاااااا رنوومااا .. ماابغا اشوفه ولا ابغا احكي معه ابد ..
انا ابغا اطلع ابروح بيتنااا ..
رنيم بنبرة عتب / افاااا ماتوقعتك لهالدرجه قلبك قااسي ..
ريناد / رنووما وش هالكلام .. خلاص ابروح اشوفه .. بس ليمن يجي
اخوي عبدالله .. ارتحتي هاللحين ..
رنيم بأبتسامه عريضه وباست ريناد على خدها / جد ..
ياااااااقلبي انتي والله ..
ريناد بأبتسامه / اهم شي ماتزعلي وتقولي عني اني قااسيه ..
رنيم / لاااااااااااا من يقوول ... خلاص سحبت كلامي ههههههه
ريناد / ههههههههههههه

::::::::::::::::::::::