رويه الحب المستحيل الجزء الثانى عشر

الفصل الثاني عشر

::::::::::::::::::::::::
وصلت ريناد للبيت وقبل لاتروح لغرفتها شافت ندى جالسة بالصاله ..
ندى شهقت لمن شافتها وبيدها عبايتها / يالخاينة .. تطلعي من وراي بعد ؟؟ وينك ؟؟
ريناد ببرود / رحت لعند رنيم ..
ندى / اهااا بس ليه ماخبرتيني مو من عوايدك ؟
ريناد مالها خلق ونفسيتها زفت / عن اذنك انا رايحه انام ..
ندى ركضت وراهااا / رنود بيبي وش فيك ؟؟
ريناد مغمضه عيونها وتخفي دموعها اللي بتنزل .. / مافيني شي خليني بلحالي ..
ندى /. على راحتك .. ( وش فيهااا ؟؟؟ من جد ماكذبت لموو يوم قالت انها غاامضه .. )

::::::::::::::::::::

وفي اليوم التالي ..

بو عبدالله جمع عايلته بعد الظهر والكل تجمع بالصاله ..
ريناد مررة خايفة ( اكيد راح يحكي لهم عن خطبتي .. ياااربي يعني ماكنت احلم .. !! )
الكل مستغرب وعلى وجيهم الف علامة استفهام وتعجب ..
بو عبدالله .بجديه . / انا جمعتكم علشان اقول لكم ان .. ان ريناد انخطبت
الكل عيونهم على ريناد الللي دمعتها على خدهااا وهي منزلة راسها ..
عبدالله بأستغراب / انخــــــطبت ؟؟
ندى / من اللي خطبها بابا ؟؟
ام عبدالله طبعا تعرف كل شي .. لأنه قال لها قبل لا يقول لحد وهي انبسطت وشجعته .. وحمسته عالخطبه .. !
بو عبدالله / اللي خطبهاا .... هو .. بو وليد العالي .. شريكي ..
عبدالله استغرب اكثر ويتسائل / بو ولييييييييد .. يعني لوليد ولده ؟؟
خلود بصوت واطي تهمس لعبدالله / اكيد لولده وليد يعني منوو ؟؟
ريناد طول ماهي منزلة راسها وتسمع لهم تبكي بألم وقهر ..
ندى تهمس لها / رنوود وش فيك ؟؟
ريناد ماتكلمت ولا نطقت بحرف ..
بو عبدالله ببرود / اللي بياخذها بو وليد ..
عبدالله شهق ووقف بسرعة / كييييييييييف ؟؟ ريناد تاخذ بو وليد يبه وش ذا الكلام ؟؟
بو عبدالله هز راسه بإيه ..
ندى وخلود استغربوا اكثر .. وليه .. وكيف .. و شنو السبب ماهم عارفين شي ..
بو عبدالله / انا ماجمعتكم علشان اقول لكم انها انخطبت لا انا حبيت اعطيكم خبر على آخر هالأسبوع راح يجي ويملك عليها مرة وحده ..
عبدالله / يبه .. من جدك ؟؟
بو عبدالله بعصبيه / امزح معك انااا شايفني اصغر عيالك ولا ايش ؟؟
عبدالله / لا محشوم ..بس ليه ؟؟ ريناد ماهي كبيره ولا انها عاله علينا علشان نزوجها واحد اكبر منها بعشر او 15 سنه
بو عبدالله قاطعه / عبدالله خلااص الموضوع منتهي وماابي اي نقاش عن هالموضوع وانا عطيته كلمه وخلاص ..
عبدالله تنرفز مرره / بس لحظة . << التفت على ريناد
عبدالله بجديه / ريناد .. انتي راضيه على هالخطبه ؟
ريناد وقفت بسرعه وراحت لفوق تركض .. بدون ماتحكي معه شي ..
ندى وخلود ركضواا لهااا بس وقفهم بو عبدالله .وماخلاهم يصعدوا لهاا .. .
بو عبدالله وهو معصب / لحد يروح لهاا .. انا كلمتها وهي راضيه وخلاص الموضوع منتهي ,, لحد يتكلم فيه مرة ثانيه .. فاهميين
بعد ما طلع بو عبدالله من البيت عبدالله بسرعه صعد فوق وراح لغرفتهااا ...
ضرب الغرفه بهدووء ..
طلعت ريناد من الحمام بعد ماغسلت وجهها .. وفتحت باب الغرفة
ريناد / عبدالله !
عبدالله / ممكن ادخل .؟.
ريناد فتحت الباب اكثر علشان يدخل ..
مسك يدهاا وسحبها معه وجلسوا عالأريكه .. وكلمها بهدوء ..
عبدالله / ريناد انتي موافقه علـ
قاطعته ريناد بدون مايكمل / ايووه ..
عبدالله ناظر عيونهااا / ومقتنعه !!
ريناد التفتت الجهة الثانيه .. / ( مو مهم .اقتنع خلاص يا عبدالله بابا حدد مصيري ) ايووه
عبدالله لف وجهها لعنده وبجديه اكثر جلس يستجوبهاا / ريناد اذا انتي رافضة فلا تخافي من شي ..انا معك .. احكي لي .. وش اللي حكى لك ابوي ..وش قال لك عن بو وليد .. وش اللي خلاك ترضي عليه ؟؟ وليه علميييني ؟؟ من جد انا محتاار ليه وشنو سبب هالخطبه هذي ؟؟
ريناد ودها تحكي له كل حاجة لكن هي خايفه من ابوها وخايفه عليه اكثر .. لو رفضت بتكون هي السبب في سجنه والكل راح يلومهاا يعني تكلمت ولا ماتكلمت ماراح يغير من الموضوع شي ..
عبدالله مل وهو يستجوبها بدون فاايده .. / اووكيه ريناد اخليك هاللحين ..بس اذا حبيتي تحكي أي شي انا موجود .. << حرك شعرهاا النااعم بيده ... / طيب حبيبتي ..
ريناد ودها تفضفض له وترتمي بأحضانه لكن ماحبت تكون ضغيفه ومكسورة قدام أي حد ..
طلع عبدالله من عندها وهو محبط ومو عارف ليه هي اقتنعت فيه بالرغم انه كبر ابوها ومتزوج ومطلق وعنده ولد ..

ندى تتسائل / ماما معقولة ريناد راضيه ؟؟
ام عبدالله والأبتسامه شاقه وجهها / وليه ماتوافق يحصل لهااا هي مال وجاه ومنصب والله راح ينسيها حتى اسمها ..
خلود / بس يا خالتي كل هذا مو مهم .. اهم شي تكون هي مقنعه فيه ويكونوا متفااهمين ..
ام عبدالله / ومن قال لكم انها ماهي راضيه .. حد قاال ؟؟
ندى / مو شرط حد يقول .. هالشي واضح من عيونهااا .. وثانيا طول ماهي جالسة معنا وهي دموعها على خدها ..
ام عبدالله / كل هذا دلع في دلع .. وريناد خجوله مثل مانتم عارفين ..
ندى ماقتنعت ابد .. صعدت فوق وتوها بتدخل غرفة ريناد الا دق عليها عماد .. ( الحب .. يتصل بك )
ندى ( يابعد حيي ) .. ردت بهدووء بعد مادخلت غرفتهاا / الوو
عماد / هلاااااااا واللهـ كيفك ندووو ..
ندى ( ياحلاة ندو بصوووتك ) / انا بخير دامك بخير يااقلبي ..
عماد / فديت قلبك والله .. المهم حياتي وش رايك نطلع نتمشى ..
ندى / يااليت بس والله بابا محذرني اني اقلل طلعااات ..
عماد / افاااا ليه .؟؟
ندى / امممممم ماادري بس هو يبغا كذااا ...
عماد / اووكيه ولا يهمك اليوم بلاها بس علشان مايزعل عمي . بس بكراا اكيد اووكيه
ندى / اووووكيه
عماد بلهفة / ندوو اشتقت لك ..
ندى قلب لونها مية لوون وغمضت عيونها السودا الواسعه ( احبك وربي امووت فيك )
عماد / هههههههه وين رحتي ؟؟
ندى / هههههههه معك ..

::::::::::::::::::::::::::::

(ريهام )
مثل مانتم عارفين هي وحيدة امها وابوها .. وبالرغم من انها وحيدتهم كل واحد منهم في جهه .. امها لاهية بطلعاتها وسفراتهااا وابوها نفس الشي .. ماتشوفه الا بالأسبوع مرة ..
ريهام كل مافي حياتها صاحباتها وبس .. ولو ماحكت مع وحدة فيهم بيوم تحس انه يومها كئيييييب واسوود وماله طعم .. وخاصة هاللحين اجازة ومايشوفوا بعض الا بالأسبوع مرة ..
وبهاللحظة ريهام حبت تزور ريناد حست انها مشتاقه لهااا مشتاقه لأبتسامتها الطفوليه .. مشتاقه لعيونها العسليه .. مشتاقه لسواليفها مادرت ان ريناد محتاجة لها وبهاللحظة هذي .. وكأنها حاسه بهالشي رفعت جوالهااا علشان تحكي معهااا ..
( توأم روحي .. جاري الأتصال .. )

ريناد بغرفتها مستلقيه عالسرير وبيدها صورة امها اللي كل ماتضايقت اخذتها وتحكي معها كأنها جد موجوده بين احضانها ..
رن جواالهااا بأغنيه ياصاحبي (دويتو راشد الماجد وعبدالمجيد عبدالله .).. والتفتت علشان تاخذه من جنبهاا
انبسطت كثير لأنها عرفت ان ريهام هي اللي داقه وبسرعة ردت عليهااا
ريناد / هلاااا ريهام ..
ريهام / هلا بقلبي والله .. وينك مختفيه ؟؟
ريناد / مووجودة ... ( تنهدت )<<< ريهاام وحشتييييييييني ..
ريهام / وانا اكثر والله ...
ريناد دمعت عيونها / محتاجة لك ..
ريهام خافت من نبرة صوتهااا / قلبي وش فيك ؟؟
ريناد بحيااا / انخطبت ..
ريهام / جد والله ؟؟ عقبااااااالي هههههههههه
ريناد / عارفة مين خطبني ؟؟ خطبني بو وليد شريك بابا ..
ريهام شهقت / ايييييش ؟؟
ريناد / ايووهـ ياريهام ..انا محتاره .. انا ماابغا اتزوج لا له ولا لغيره .. وش اسووي سااعديني بلييييييييز ..
ريهام كاسرة خاطرها اللي جالسة تترجى فيها هي عمرها وقلبها وكل حاجة بالنسبة لهااا وردت عليها بهجوم / حبيبتي ارفضيه .. لا تاخذيه مايصلح لك انتي بالنسبه له مثل بنته ..وهو مثل ابوك .وثانيا ليه يبغا ياخذك والله لشفته عارفه وش راح اسوي فيه ابااقتله ..ولا انك تاخذي هالشايب ..
ريناد عارفه ان حكيها بلا شك صحيح 100% / رهوومة انتي مو عارفة شي .. اذا مااخذته عارفه وش راح يصير بابا راح ينسجن !!
ريهام استغربت مرره / كييف؟؟ ينسجن وليه ؟؟
قال لها وفهمتهااا كل حاجه .. بعد كذا ريهام صبرتهااا وواستها بمشكلتهااا .... وخبرتها انها راح تزورها هاللحين ..

::::::::::::::::::::::::

خلود جالسة عالتفلزيون ..تتفرج على فيلم اجنبي ..
الا يجي عبدالله من برى ويدخل لغرفته على طول .
خلود لحقته بسررعه .. ودخلت الغرفه لقته جالس عالسرير وحاط يده على راسه ..
خلود جلست قربت منه / عبدالله وش فيك ؟؟
عبدالله رفع راسه .../ آآفففففففففف
خلود / حبيبي وش فيك ؟
عبدالله / خايف على ريناد .. اكيد هالغبيه بتتزوجه ..
خلود / طيب وحنا وش بيدناا انت كلمتهااا وماهي راضيه تقول لك أي شي .. وعمي نفس الشي رافض نكلمه بهالموضوع ورافض نحكي مع ريناد ..
عبدالله / المشكله يوم كلمتها تقول ايوه تبغااه ..
خلود مسكت يده .. بحناان / يعني هي تبغااه خلاص بكيفهااا يمكن هالشي يكون من صالحهاا ..
عبدالله / لاتحاولي تسكتيني بهالكلام بس والله لو يصير لها شي من ورى هالزواج مااراح اسامح حد له يد في السالفه ..
خلود عارفه ان قصده يعني بو عبدالله .. اللي هو ابووه ..
عبدالله يبغا يغير وينسى السالفه / وين العيااال ؟؟
خلود / بغرفتهم يلعبوا ..
عبدالله / اجهزي راح نطلع ..
خلود ابتسمت / جد ؟ اووكيه عمري بس عطني خمس دقايق ابدل
عبدالله ../ اووكيه حيااتي انا رايح لعند العيال
طلع وراح لغرفة العيال .. لقااهم يلعبواا بالألوان وكل واحد يرسم ويشخبط باللوح الكبيرة اللي عالجدار ..
روان / بابي وش رايك بلوحتي ؟
عبدالله بأبتسامه عريضه / تجنن ..
ريان / شووف بابي انا رسمت بحر وفيه سمكاات واااااجد ...
عبدالله / واااااو وش هالزين ريوون .. لا بتطلع فنااان ..
روان بغيره / وانااا
عبدالله / هههههههههه وانتي بتطلعي فنانة لاتزعلين.
يلااا اتركوا اللي بيديكم وروحوا اجهزوا بنطلع .. .
سمعت الشغالة صوت عبدالله وطلعت من غرفتهاا وهي تتمختر ..
ودخلت لعندهم .. وهي تناااظر عبدالله بأعجاب / هاااي
عبدالله التفتت لوراه / بسم الله من وين جيتي انتي ؟ ماتعرفي تضربي الباب ؟؟
نوهاتا / بابا هازا باب مفتووح ..
عبدالله / طيب وش تبين ..
نوهاتا تناظره بعيونها وتأشر له يعني تبغاه مو هنا .. تبغاه برى .
عبدالله عصب من حركتهااا وطلع بدون مايحكي معها ولا شي .. دخل غرفته بسررعه
خلود وهي طالعة من غرفة التبديل .. / وش فيك ؟؟
عبدالله / ولا شي .. هااا جهزتي ولا بعد بااقي ؟؟؟
خلود / ايووه وش رايييك بلبسي .. <<< وهي تدوور لابسه تنورة جينز قصيره مرره وبلوزة مقلمه بأبيض ووردي ..
عبدالله / ههههههههه حلووو
خلود عقدت حواجبها وبدلع / بس حلووو
عبدالله حس انها تبغاه يشيل الحزن اللي بقلبه
قرب منهااا وحظنهااا (ودي بحضنك في الهوى دون تفريــق ..!!
وأشفــي عــذابي بريح وردك وأشمــك.. وأحيــا بقــربك..دون كــل المخــاليق.. وابعــد وكلــي شوق وارجــع واضــمك.. وأبحــر بحبك وأغرق القلب تــغريــق حتى تذوووب أشواااق قلبــي بدمـــك..!!) /

فديتك وفديت هالدلع واللهـ

:::::::::::::::::::::::::::::