اليكم بعض التعليقات الممتعه لمحمود بكر

1-

[center]رومانيا وانجلترا بطولة اوربا

الواد بتاع رومانيا وقع فى منطقة الجزاء واتحسبله ضربة جزاء ومحمود بكر مصمم ان هى كورنر

والواد داخل يشوط الكوره وهو عمال يقول هييشوط الكورنر هيشوط الكورنر لحد مدخلت جون قالك والحكم حسب ضربة جزاء.

2.

محمود بكر كان بيعلق على مبارة فى كأس العالم وكان التشيك بتلعب قعد ربع ساعة كل ما يقول جمهور التشيك يقول جمهورية شبين فضحنا.

3.

ومحمود بكر كان بيعلق على ماتش
وقال...الفريق ***** لورا وبيعانى من هيجان هجومى شديد

4.

وطبعا محدش ينسي لما الاسطورة شكر شبكة اوربت وهو بيعلق ع كاس العالم للاندية و كان بيذيع فى قناة الاي ار تي ههههههههههههههه

5.

فـى ماتش الاهلي والاتحاد اللي كان ف اسكندرية

قالك ان الاهلي كسب عشان هو النادي الوحيد ف مصر اللي بيعيش عر* الاحتراف (( هى المفروض عصر ))

6.

فى ماتش للزمالك كان فى لعيب رافع ايده عشان حد يباصيله كورة ومحمود بكر قال الحقو ده فى واحد بيغرق هناك

7.

بيقولك الاهلى ضاغط ومضيع يجي 5 6 7 8 9 فرص

... قبل كدا محمود بكر كان بيكلم عن لعيب قصير فى حرس الحدود..اعتقد مكى..
يقولك دا لعيب بليه!..وطبعا الى فاهمين كوره هيفهموا قصدى..او نقدر نقول عليه لعيب..زقرط

8.

ف ماتش الزمالك وبتروجيت بيقولك احمد شعبان شمط واحدة السنة اللي فاتت

9.

لما سيد المندوه جاب هدف بني عبيد

بكر قال: "طبعا السيد المندوه هيقعد بالليل على القهوة ويقول أنا اللي جبت الجون في عبد الواحد"

10.

ولما الزمالك ضغط عشان يتعادل

بكر قال: "طب كان فين الكلام ده من الأول .. يعني لازم أتلب جون عشان ألعب عدل"

11.

من كام سنة كدا الاهلي كان بيلاعب الترسانة ف كان الترسانة متقدم

ف محمود بكر قال ايه

المقدمة زرقاء والمؤخرة حمراء

13.

بدايه مباراة الأهلى والإتحاد هذا الموسم (2008\2009) على قناه دريم ذكر محمود بكر ان الصوره سيئه كما تردد من المصدر ولكن المفاجاءه انه ذكر ان البعض يتحدث معه عن صوره افضل فى قناه موردن وان الصوره فى مودرن افضل بكتير يعنى محمود بكر بيقول للناس الى بتتفرج على دريم روحوا اتفرجوا على قناه مودرن احسن ليكم بجد معلق مصيبه ودى سقطه كبيره مينفعش اعلق لقناه واقول التانيه الصوره فيها احسن .

14.

مرة كان بيذيع ماتش للمنتخب والماتش كان مقفول وقال لو نزل محمد فاروق هيحط جووون.واول مانزل فاروق ومن اول لمسه من كورنر جاب جووون فمحمود بكر فضل يضحك هههههههههه وفرح بنفسه قوى وفضل يقول مش قولتلكوا ويضحك بطريقه تحفه.

15.

كان بيلعق علي ماتش في استاد القاهرة ومرة واحده خرج بره التعليق وقال بالنص(الناس هنا مدينلي الاسامي غلط وعم عبده اللي مسؤل عن الحاجات دي مش هيقدر يجي لان الاسانسير قاطع واحنا في الدور السابع ومفيش ميه حاجه غريبة والله ....هه كده هنتفضح في كاس العالم للشباب)ههههههههههههههههههه

16.

عمري مانسي يوم نهائي الكاس بتاع الزمالك وانبي ..ومحمد عبد الله بيبدل في اخر الماتش وعمال يتلكع عشان يضيع وقت
وايمن سعيد بتاع انبي عمال يزوق فيه ويكلمه ....راح رايح مكلم الحكم عشان يخرجه بسرعه
راح محمود بكر قال ( اكيد يا جماعه ايمن سعيد مش بيكلم الحكم باليوناني .. دا اصلا بيتكلم عربي بالعافيه )

17.

كان فيه ماتش للاهلى .وكان الاهلى مضغوط .........قال:
على رأى المثل اللى عايز يحرج الاهلى يهاجمه
وكان فيه لاعب بيدخل وحش على الكوره قال: الاعيب ده مش هايهمد الا لما يتلب انذار

18.

ماتش ماكنش عارف صديق من بركات
فقال
انا شايف تشاش

19.

فى كاس الامم سنه 1986 فى مجموعة الاسكندريه مباراة الجزائر والكاميرون وقبل نهايه المباره بحوالى نصف ساعه الكره راحت لحارس الجزائر دريد فقال (ودريد ده الجون الوحيد فى الدوره الى مادخلش فيه جون لحد دلوقتى ) راح دريد شارب 3اجوال ورا بعض وخرجت الجزائر من البطوله.

20.

واحد صاحبي قالي قبل كده انه في آخر الماتش
قال : كان معكم على التعليق أشرف بكر

21.-

ماقدرش انسي كاس العالم 90 في ايطاليا لما مصر كانت بتلعب مش فاكر مع هولندا او انجلترا لما اسماعيل يوسف كان معاه الكوره ة قعد يقول و ماشي اسماعيل يس و ماشى اسماعيل يس و ماشى اسماعيل يس

22.

برده في كاس العالم 90 ماتش ايطاليا و اورجواري لما كان بيقول الماتش قرب يخلص و ايطاليا واحد و اولفتي صفر و الفتي دي كانت شركة الكمبيوتر الي عاملة برنامج اظهار النتيجة و الاحصائيات طول الماتش

23.

فى ماتش الاهلى وانبى اللى فات .. عمرو فهيم تقريبا عمل فاول جامد مع وائل جمعه

فالحكم جرى ناحية فهيم وهو طبعا باسلوبه بيقول وفاول و محضر فى القسم .. والحكم بيحط ايه فى جيبه

وهيدى انزار هيدى انزار لا ده مداش ده بيعدل الكارت

24.

ماتش الدنمارك و البرازيل دور التمانية بتاع كاس العالم 1998
قال اهلا بكم في مباراة دور التمانية بين الأرجنتين و فرنسا

25.

فى مباراة مصر وفرنسا الودية الى اتغلبنا فيها 5/0 كان بيعلق على كرات فرنسا وبقول اهم ما يميز لعب المنتخب الفرنسى الكور السريعة اللى على سهوة

26.

كان في ماتش أسبانيا وبلغاريا في كأس العالم 1998 بفرنسا........وأسبانيا يوميها افترت على بلغاريا جامد أوي كسبت 6-1 تقريبا..........فبعد الجون الرابع أو الخامس لإسبانيا........ راح ستويشكوف نجم بلغاريا يتكلم مع المدافعين بتوعه بشكل عصبي شوية........... راح المعلم محمود بكر مديها توقع للحوار بينهم كالآتي:

ستويشكوف للمدافعين: مينفعش كده هي كل هجمة تخش جون دي كده كرة يد مش كرة قدم

المدافعين: هنعملك إيه .. ما أنت كمان ما تجيب أجوان

27.

متعب شاط كوره وطلعها بره

ههههه قعد يقول الكوره اتطرفت وراحت عالبزابيز في الشمال

28.

في موقف تاني موتني من الضحك

وحديث مش قديم

كان ماتش للنادي الأهلي السنة اللي فاتت مع الاتحاد السكندري في الإسكندرية

وكانت كرة مشتركة بين أحمد السيد ومهاجم الاتحاد جنب خط التماس

فالظاهر أحمد السيد وقع على إيده ومسك صوابع إيده وبيتألم

راح بكر قايل:

معلش يابو حميد أنا عارف الوجع بتاعها .. زي المدرس لما يضرب التلميذ بسن المسطرة على ظهر إيده .. بيتنطط زيك كده من الوجع

29-

فى ماتش للإسماعيلى مش فاكر مع مين قال ان احمد خيرى كان عامل عملية فى خط الظهر قصدى فى ظهره يعنى

30-

مرة الاهلى كان بيلعب مع الاتحاد وبعدين متعب داخل يلعب الفاول راح قايلك هيدحرجها كدة المدحرجاتى
وبعدين دخلت جون
راح ضاحك وقايل ها هاهاهاهاها لسة بقول حضراتكم

31-

فى ماتش مصر وغانا عم محمود بيقول ايه :
على رأى المثل اللى بيقول البعيد عن العين وسكت يجى دقيقه كده وبعدها قال
البعيد عن العين بعيد عن الحاجب
هاهاهاهاهاهاهاهاها
وقعد يحلل المثل كمان

32-
فى ماتش مصر وغانا برده
بيقولك لما متعب جاب الجون
شوفو بقا متعب حط الكورة ازاى لو واحد تانى غيره كان شمطها فى المدرجات

ماتش الأهلي والمحله الموسم قبل اللي فات الدور الأول وقال( ياجماعه المحله مفتوحه من ورا ) ولا جملته الشهيره (هه هه جون وضحك عليهم )

ومن تعليقاته فى ماتش مصر و ايطاليا فى كاس القارات

* بيريلو = بيرلو

*( .....) ماكنش عارف يقولها = فابيو كولياريللا

* كان جاب سيره محمود ابو رجيله مش فاكر ليه.

* لما شاف النتيجه و اسم حمص مكتوب ضحك ضحكته و قال اسم حمص مكتوب بالانجليزي

* بدايه الماتش بيطلب انهم يسمعوه صوت الملعب و كل شويه يقول كمان اعلي بالصوت كمان لما ودانا احنا باظت ( تقريبا ماكنش سامع صوت الدبانه )

اعتقد يعني بتوع التليفزيون قالو في بالهم انت عشان رجعت هنا يوم حتزلنا بقي ماكنت في دريم[/center]

اليكم بعض التعليقات الممتعه لمحمود بكر 147909

ههههههههههه
انا بقول من الاول الراجل ده نكته لوحدو
مشكوررررررررررر مجهود رائع
اليكم بعض التعليقات الممتعه لمحمود بكر 147909

جامد
اما قلت الراجل ده نكته
اليكم بعض التعليقات الممتعه لمحمود بكر 147909