الحب المستحيل الجزء الثالث عشر تكمله

ندى وهي تنادي على ريناد / رنوودا يلاا تأخرنا على لمو الساعه 4 وربع ..
ريناد عند المرايه تحط لها كحله داخل عيونها .. / جااااااااااااايه ثواني بس ..
طلعت وسكرت ازرار عبايتها ولبست الشيله .. / يلااا وينك ندووو
ندى طلعت من غرفتها / يلااا انا هنا بس تسيت آخذ هديتهاا ..
ريناد / اهاااا
نزلوا و.. غطوا ووجهم بالنقاب .. وطلعواا ..
حسام اول ماشاف ثنتين طلعوا من البيت شهق / اكيد وحده منهم ريناد ..
نزل من السياره ..
ندى وريناد ركبوا السياره ..
ندى تكلم السواق / يلااا حرك روح بيت النايف
السواق / أي واهد هذا نايف فيه اثنين بيت انتا في يروح ( اي واحد النايف فيه اثنين انتم تروحوا له )
ريناد / هههههه شكله يقصد بيت رنيم يوم يوديني آخر مرة ..
ندى / اي بيت رنيم اللي بالسليمانيه اووكيه
السواق / اووكيه
وقبل لايحرك السياره ..
ريناد التفتت على النافذه لقت واحد يمشي من بعيد يناظر بالسياره
قرب من السياره وعرفته على طول ..
ريناد شهقت / ندووو .. شوفي حساام ..
ندى / ؟؟؟ وييينه ؟؟
ندى التفف على النافذه اللي بجنب ريناد / هذا حساام ؟؟ طيب وش يبي
ريناد تكلم السواق / حرك ليه تنتظر ..
مشت سيارتهم وظل حسام يناظرهاا ..
ريناد / آآففف هذولا وش يبون مني بالظبط ؟؟ البارح دانه وهاللحين هو !!
ندى / ماعليك منهم صدقيني اصلا دانه شكلها مقهورة منك انك راح تتزوجي قبلها او شي زي كذا .. ماشفتي نظراتها كيف ؟؟ حتى انا لما تناظرني احسها ودها تذبحني .. !!
الا يدق جوال ريناد ..
فتحت الشنطه واخذت جوالها الـ N 95 .. / اووه بعد منو رقمه هذا ؟؟
ندى / اشووف .. ردي وحطيه عالسبيكر ..
ريناد / لااا ماني راده ..
سكت .. ودق مرة ثانيه ..
ندى / ردي .. يمكن حد تعرفيه ..
ريناد حطته عالسبيكر وبهدوء / الوو
..... / هلا ريناد ..
ريناد / من معي ؟
....../ ههههههه ماعرفتيني انا ناصر زوجج ..
ريناد وندى / ؟؟؟
ندى مااسكه ضحكتهااا .. ..
ريناد بصوت قريب للهمس / وش يبغاا هذا ايش احكي معه ؟
بو وليد / اقول ريناد شرايج نطلع اليوم يعني نتعشا مع بعض ونتمشى
ريناد ارتبكت / اليووم ؟ لااا انا انا معزومة عند وحدة من صاحباتي وانا هاللحين رايحه لعندها ..
بو وليد / شوتقولين .. مااسمعج .. صوتج ضعيف وااايد
ريناد مدت الجوال لندى وبصوت واطي / احكي معه مالي خلقه
ندى / لااا والله احكي معه انا وش دخلني ..
ريناد شالت السبيكر وحطت الجوال بأذنها / اقول لك انا اليوم مااقدر اطلع انا هاللحين معزومه عند وحدة من صاحباتي
بو وليد ( ياحلاة هالصوت الناعم بس .. ) / اووكيه ماعليه نخليها لبكره اجل .. يلا رنودا انتبهي لنفسج حبي اووكيه ..
ريناد ( بعد فيها حبي !... ) / اووكيه يلاااا باي
سكرت الجوال ..
ندى / ههههههههههههه وش فيك تتكلمي معه بجفاا
ريناد / مالي خلقه بالمرره اجل << تقلد صوته / رنودا انتبهي لنفسج حبي
ندى / ههههههههههههههههههههه والله تحفه ينقال عنه رومانسي

:::::::::::::::::::::

حسام ركب سيارته .. وحس ان الدنيا تدووور .. اتكأ عالكرسي وغمض عيونه .. (
)
( ريناد .. ليه تكرهيني ؟؟ ليه ماتحبي تسمعيني ؟؟ ليه ؟؟ ليه انتي لسا شايلة علي ؟؟ ليه ماتفهمي اني انا ماهو بكامل وعيي وعقلي لما قربت منك .. آآآآآآه لذاك اليوم .. كل ماتذكرته اكره دانه اكثر واكثر .. بس وين بتروحي عني يادانه .. انا لك .. )

::::::::::::::::

وفي بيت النايف .. وتحديدا شقة لميس ..
ام عصام وام هشام ولميس ورنيم وشوق جالسين بالصاله ..
ام عصام / والله افتقدناك يالموو .. البيت من بعد خااالي .. والله البارح حتى ابوك ماعاد ذاق طعم النوم .. يفكر فيك المسيكين ...
لميس /ههههههه ياابعدي يابابا .. وينه وش فيه سلم علي ونزل على طول ..
ام هشام / اكيد جالس مع الرجال بالمجلس .. يباركوا لهم ..
رنيم / وش فيهم هذولااا تأخروا ( تقصد ريناد وندى وريهام )
شوق تناظر لميس / اقوول لموو عصام جا بارك لك ؟؟
لميس / لا ليه تسألي ؟؟
شوق ارتبكت / لااا بس اممم قلت يمكن يجي وحنا هناا وماعلينا شي ساتر
لميس / لاا لاتخافي.. حكى معي وقال ماراح يجي الا بالليل ..
ام عصام / الظاهر يبغا تعشيه ههههههههه
لميس / ههههههههه لا والله ماني داخله المطبخ ..هاللحين خلوني اتدلع شووي .. حتى خالتي ماقصرت اليوم جابت الفطور لنا ..
ام هشام / تستااهلي ياالميس والله ..
الا يدق الجرس .. ررررن ررررن ررررن
لميس / اكيد هذولاا البنات .. انا رايحه افتح لهم بنفسي
راحت تركض تفتح لهم ..
فتحت الباب ..
ندى وريناد / هاااااااااااااااااااااااي
لميس / هاااااااااااااااياااااااااااااات ..
حظنتهااا ندى / مبرووووووووك يااقلبي ..
لميس / الله يبارك فيك ..
ريناد / مبرووك لمووو ..
لميس / الله يبارك فيك بيبي
ندى وهي تناظر صورة لميس اللي بأول المدخل / اووه شالحركات .. تجنننننني ..بهالصوره ( كانت هالصوره برونزيه كأنها صورة لفنانة )
لميس / تسلمي كلك ذووق .. تفضلوا حيااكم ..
دخلوا الصاله .. وسلموا على الموجودين وجلسواا وكانت لميس مابينهم ...
ندى وهي تناظر لميس / وش ذا الحلااا جد ان الزواج يحلي ..
( لميس لابسه فستان قصير لونه بيج على بني وحزام عريض ذهبي عالخصر ولابسه معه بووت قصير .وشعرها تاركته مفتوح بقصة الفرواله الطويله . طاالعه جناااان )
رنيم / اجل فاااتتك ماشفتيها بالجلابيه الصباحيه ..طالعه رهيييبه مغيرتها مرره !
لميس / اسكتي .. والله شكلي غللللللللط ..
الكل / هههههههههههههههههه
ريناد وندى قدموا لها هديتهاا ريناد جايبه لها سلسال نااعم مرره وفيه حرف L مرصع بالماس .. اما ندى جايبه لها اشياء كثيره مجموعة عطور من مكياجي وخاتم الماس نااعم مرره و كم حاجه ..
ام هشام وام عصام نزلوا لأن جو لهم الجيران يباركواا لهم ..
شوق / عن اذنكم ابااروح انام .. من البارح تخيلوا كنت مواصله ..
ريناد / وليه موااصله ..
شوق وهي واقفه / والله مااجالي نووم .. حاوولت مافيه فايده ..يلااا اخليكم ..
اول ماطلعت شوق ..
ندى لزقت بلميس / هااا قولي لي وش صاااااااااار معك البارح ؟؟
لميس تتمسخر / جينا تعباانين مررررهـ ونمت على طول .. لا وهو نام برى بعد ..
ندى / عليناااا هالحركات .. يلا عاااد تكلمي جد ..
لميس / ههههههههه اسمعي اول ماوصلنا وقبل لايفتح الباب قالي غمضي عيونك ..
ريناد / ليه ؟؟
لميس / اصبري بكمل .. المهم بعد ماغمضت عيوني فتح الباب .. وقالي فتحي واافتح الا اشوف صورتي قبالي تفااجأت اثاريه مكبرها وعامل لها ايطار بالورد وحركات وكاتب عليهاا مثل ماشفتوهاا يعني .. وبعدها قالي امشي واتبعي بتلات الورد اللي بالأرض ..
ندى ورنيم وريناد مندمجيين معهاا بقووه ..
لميس تكمل معهم / طبعا الورد موصل لغرفة النوم .. ولما قربنا للغرفه انا ارتبكت مرره .. قلت له هههههه خلينا بالصاله .. قال لي لااا بندخل اول هناا بعدها بنطلع للصاله .. وبعدين قالي افتحي الغرفه انتي .. انا بس حطيت يدي عالمفتاح .. قلت له هههههه ماتنفتح الغرفه وبعدين فتحها هوو ..
الكل / ههههههههههههههههههههه
ندى بحماس / وبعدين بعد مافتح الباب ودخلتوا ايش صار ؟؟
لميس / سولفنا شوي بعدها هو راح بدل ملابسه
ندى / وانتي ؟؟
لميس / اسكتي .. توهقت يوم رحت علشان ابدل الفستان .. ماعرفت افتح السحاب عارفين هو ضييق والسحاب ورى .. يعني جد تووهقت !!!
رنيم / من جد وهقه !!
ندى / وبعدييين ؟؟
لميس / شنو بعد خلاص مافيه الا اني اناديه يفتحه لي ..المهم ناديته وجا تخيلوا كأنه عارف اني راح اناديه ماشاء الله واقف عند باب الغرفة
طيب جاا وقلت له وانا في قمة الحيااا بس لازم اقول له يساعدني عاد هو يبغاها من الله ... قرب مني بقوووة وافــ
ريناد توترت تذكرت حسام يوم يقرب منها ويلزق بجسمها
ريناد قاطعتها وهي متوتر / لمووو وين المطبخ ابغا مويه ..
لميس بأحراج / يؤؤؤ سوري ماضيفتكم ...
ندى / لااعااادي ..
ريناد بعد مابلعت ريقها / والله عادي وين المطبخ ابروح بنفسي ولا معتبرتني غريبه ..
لميس / ابد .. << تأشر لها / روحي من هنااا عاليسار ..
ريناد مشت للمطبخ ..
ندى / طيب وبعدين كملي ..
رنيم حست ان ريناد فيها شي .. لحقتهااا
لميس كملت لهااا ..وش صااار بعدهااا مع هشام ..
ورنيم بهاللحظة دخلت للمطبخ .. لقت ريناد جالسة عالكرسي حاطه يدها على جبينها ومنزله راسه وهي متوووترة مرره ..
رنيم قربت من ريناد / رينااد
ريناد ارتاعت .. وشهقت / .........
رنيم / بسم الله عليك .. وشفيك ؟؟ انخطف لونك مرره وحده !!
رنيم فتحت الثلاجه وجابت لها كاس مويه ..
ريناد اخذت الكاس منها وحست ان الدنيا تدور حواليها ... وقبل لاتقرب الكاس من فمها الااا يطييح الكاس عالأرض ...
رنيم شهقت / بسم اللهـ
ندى ولميس سمعوا صوت الكاس وجاو يركضواا دخلوا المطبخ شافوا ريناد حاطه راسها فوق يدها ومتسنده على الطاوله .
ندى ولميس / وش فيهاااااااااااااا ؟؟
رنيم / ماادري دخلت لقيتها على هالحاله عطيتها مويه وتوها بتشرب الا يطيح الكاس عالأرض ..
ندى عرفت وش فيها ...( اكيد تضايقت بالكلام اللي قالته لميس .. يوم يقرب منها هشام )
ندى قربت من ريناد ومسكت يدهاا ووقفتها واخذتها للصاله ..وجلسوا
لميس / رنوود حبيبتي وش فيك؟؟
ريناد تتكلم وهي متوترة / لا ولا شي .. بس احس بدوخه ..
رنيم وهي جالسة جنبها / يابعد عمري خوفتيني عليك ..
الا يرن الجرس ..
لميس راحت تفتح الباب ..
لميس / اهلللللللين رهوومه
ريهام / هلااا والله مبرووك يااحلوة ..
لميس / الله يبارك فيك .. وش فيك تأخرتي البنات كلهم هنااا
ريهام / والله هالسواق هالغبي كان عنده مشوار ..
دخلت ريهام الصاله ..
ريهام / هااااااااااااااااااي ياااا بنااات كيووووت ههههههههه
سلمت عليهم وحدة وحده .. ولما جات لعند ريناد .. لاحظت انه فيها شي ..
ريهام / رينااد وش فيك .. وجهك اصفر ولونك مخطوف .كذا ليه ؟
ريناد / مافيني شي
ندى / لا بس رااسها يألمها شوويه ..
ريهام / ياابعد قلبي والله ياليته فيني ولاهو فيك ..
جلست جنبها ومسكت يدهاا ...
ريناد ارتبكت اكثر لأن ريهام حاطه عطر رجالي قووي .. حست انها بتستفرغ لأن تذكرها هالريحه بحسام ..
ريناد بعصبيه شالت يدها منها / ابعدي عني ...
الكل / ؟؟؟؟ !!!!!!!!
ريهام خافت / ريناد وش شفيك ؟؟
ريناد وهي واقفه بعيد عنها / وانا وش قلت لك ماتحطي من هالعطر الرجالي اكره ريحتهم انتي ماتفهمي ..
ريهام تناظرها بأستغراب اول مرة تكلمها بهالأسلوب / ..........
لميس / اهدي ريناد .. اكيد ريهام ماتدري انك ماتحبي هالريحه وانتي عارفه ريهام وش قد تخاف عليك وعلى زعلك ..
ريناد / الا تعرف .. بس هي متعمدة .. تبغا تغيضني وبس ..
ريهام خذت على خاطرها ولبست عبايتها على انها بتطلع ..
ندى / ريهام وييين انتي بعد ؟؟
ريهام / ..............
رنيم وهي تناظر ريناد / ريهام اجلسي ترى ريناد ماتقصد اكيد لأنها تعباانه وراسها يألمهااا ونرفزتها ريحة العطر ..
ريهام تجاهلتهم ومشت وهي زعلانه ..
لميس عصبت لأن ريهام جاية لأول مره وعلشانها آخر شي تطلع من شقتها وهي زعلانه ..
لميس بعصبيه / ريناد وش هالحركة هذي .. خليتيها تطلع وهي زعلانه ؟ واذا يعني حاطة عطر رجالي وش فيهااا يعني .. ؟؟ بأمكانك تقولي لها بهدوء مو كذا من جد احرجتيهاااا

ريناد وهي واقفه حست ان الدنيا تدوور حواليهااا وهي تسمع حكي لميس ... حست.انها .تبغا شي تتمسك فيه تبغا تاخذ نفس اكثر ماحد حاس فيها وفي اللي هي فيه ..الا ندى لأنها عارفه عنها كل شي ..
ندى لاحظتها انها بتبكي وبتنهار ..
ندى / كفااايه لميس ..
وراحت بسرعه لعندها الا ريناد تطيح وماطاحت الا بأحظان ندى ..
ندى خاافت / رنوود .. رينااد
لميس ورنيم خاافوا واستغربوا من ردة فعلهااا وراحوا بجنبهااا
ندى ماسكه ريناد وجلستها عالكنبه لكنها كانت مررة منهارة
ريناد حاسه انها معهم ومو معهم . .. تسمع حكيهم لكنها ماتستوعب وش يقولوا .. وحرارتها ارتفعت .كثيير ..وعيونها اصفررت ..
رنيم بنبرة خووف تناظر ندى / ريناد . وش فيهااا هي مريضه فيها حاجه ؟؟
ندى مو عارفة وش تقول لهااا
لميس لمست جسمهااا وبخوف / حرارتها مرررة مرتفعه .. وش نسوي هالحيين ؟؟
ندى بخووف / ماادري .. بس لازم نوديها المستشفى .. بصراحة خايفه يصير لها شي ..
رنيم / لحظة ابشوف حد يودينااا ..
نزلت تحت ونادت راكان ..
راكان طلع من المجلس وجا لعند رنيم ..
راكان / خيير وش عندك مقومتني من المجلس ؟
رنيم بخوف وهي مرتبكه / راكان .. ودنا المستشفى ريناد طايحة علينا فوق ...
راكان مااستوعب اللي قالته .. / اي مستشفى .. واي ريناد ؟؟
رنيم فهمته كل حاجه ..
راكان فتح عيونه للآخر وهو مرتبك / هذي اللي .. اللي بالشــــ ـــا ليه .. ؟؟
رنيم / ايوا هي ريناد .. يلااا بسرعه انا رايحة انزلهاا
بعدها راكان راح ركب سيارته وقدمها عند بابا البيت ..
نزلت رنيم وندى وهما ماسكين ريناد ..
ركبوا السيارة ..بسررعه .. ومشوااا
::::::::::::::::

ريهام وصلت البيت وهي تفكر بحكي ريناد لهااا ..
نزلوا دموعها على خدودها ومسحتهم بسرعه .. لأنها تحس انها انسانة ضعيفه لما تبكي ..
( وش فيها ريناد اليوم !! من اول مادخلت حسيت انها فيها شي مو طبيعي .. اكيد كانت متضايقه من حد .. ولاهي ابد ماتحكي معي بهالطريقه وبهالأسلوب قدام اي حد .. .. والله ماكان قصدي اغيضك مثل ماتقولي .. وانا مااحب الا هالنوع من العطور ... وش اسوي يعني !! )

:::::::::

وصلوا للمستشفى .. وعند الرسبشن
راكان يسأل رنيم / وش اسمها بالكامل ؟؟
رنيم / ريناد فارس الفارس ..
ندى دخلت ريناد غرفة الطوارئ ...
دخل الدكتور داخل الغرفه ..
وطلعت ندى ورنيم برى ..
بعد كم دقيقة طلع الدكتور
راكان اول ماشاف الدكتور طلع جا يركض .. / هااا خير وش فيهاا
الدكتور بلهجة شاميه / بدنا نعمل لها تحاليل من شان نتأكد من الدم
راكان / دم .. ليه ؟
الدكتور يسأله / هي معها فئر دم شي ؟؟
راكان / ؟؟ ماادري
ندى تدخلت / ماامعها . .. بس امهااا كان معها فقر دم ..
الدكتور / ايوااا .. يعني وراسي(وراثي ) .. ان شاء الله خير بس حنشوف النتيجة ونتأكد ..وان شاء الله خير ..
اخذوا لها تحليل دم بسررعه ..وودوه للمختبر ..
راكان جالس عالكرسي برى الغرفه وندى ورنيم دخلوا لهاا .. لقوها منسدحة عالسرير وجسمها اصفر وبيدها ابرة للمغذي ..
ندى / انا خايفه انا يكون معها فقر دم ...
رنيم / ليه هي مامرة عملت تحاليل دم ؟؟
ندى / مااادري بس هي مرة حكت لي انها لما كانت ببيت امها اغمى عليها ودخلت للمستشفى كم يوم بس ماقالت انا معها فقر دم !!

::::::::::::::::

راكان ( هذي اللي شفتها اول مرة ببيتنا مع رنيم وشفتها ثانيه يوم رحت للشاليه وهي عالسرير نايمه .. وهاللحين اوديها بنفسي للمسشفى !! انا وش فيني كل مااتذكر شكلها احس بأحساس غييير احساس ماعمري حسيته ؟؟ وهاللحين احس اني خايف عليهااا كثير واتمنى اكون مكاانهااا .. اتمنى اني ادخل اشوفها واتطمن عليهااا )
الا يتقدم الدكتور للغرفه ..
راكان على طول فز وراح لعنده / هااا خير دكتور ؟؟؟
الدكتور / تحتاج لنأل دم .. معها فئر دم لكنه بسيط بس حنا مزطرين ننأل لها دم من شان حالتها هلأ تحتاج لدم ومن شان ماتتطور اكتر
راكان بخووف / طيب بس بسرعه دكتور .
الدكتور / روح خبر اللي معها نعمل لهم تحليل هلأ...
راكان / انا مووجود .. وبالخدمة ... وان شاء الله فصيلة دمي راح تتناسب لها ..
الدكتور / اووكيه يلااا تعا معي ..

:::::::::::::::::::

لميس خاايفه ( يااربي انا وش قلت لهااا ؟؟ وش سوويت ؟ بس هي الله يهديها نرفزني .. )
الا يدخل هشام ..
هشام مستغرب / وش فيكم ؟؟ امي تقول وحدة من صاحباتك مودينها المستشفى ؟؟
لميس خافت اكثر ودمعت عيونها بخوف / طاحت علينااا فجأة
هشام قرب منها وحظنهاا / بس لاااتبكي ان شاء الله تكون بخير ..
احكي مع رنيم شوفي وش صار ؟؟
اخذت جوالهاا ودقت على رنيم ...
رنيم / هلا لميس
لميس / هاا وش صار على ريناد ؟؟
رنيم / نقلوا لها دم ..
لميس / دممم ليه ؟؟
رنيم / طلع معها فقر دم
لميس / طيب هاللحين كيفهاا ؟؟
رنيم / لسااا توهم ناقلينه لهاا ويقول الدكتور راح تتحسن بسرعه لأن اللي معها بسيط ...
لميس / اووكيه اول ماتصحا خبريني اووكيه ..
رنيم / اووكيه لاتخاافي يلاا باي ...

::::::::::::::::::

بعد ساعة ..
استيقظت ريناد وفتحت عيونها ببطئ ولقت نفسها بالمستشفى وحواليها ندى ورنيم ..
ريناد / انا وش اللي جابني هنااا
ندى / حبيبتي انتي بالمستشفى .. علشان ترتاحي ..
الا ينضرب الباب علشان الدكتور جاي ..
بعد ماتغطوا .. دخل الدكتور ...
الدكتور / هاا ريناد كيف صحتك هلأ ؟؟ انشالله منيييحه ؟
ريناد حاطه بس الشيله على راسها / اممم كويسه ...
الدكتور / يخزي العين هلآ احسن بكتير وشك منور متل الأمر .. (هالحين احسن بكثير ووجهك منور مثل القمر )
ندى ( اسكت لاتعطيك كف هاللحين )
راكان بفضول ضرب الباب .. / رنييم ؟؟
رنيم راحت له عند الباب .. / نعم ؟؟
راكان /وش عنده الدكتور هنا وش يقول ؟
رنيم / ابد بس يتطمن على صحتها
راكان / طيب يصير ادخل واتطمن على صحتها
رنيم / ههههههههههه لاااا كلمها من بعيد بس ..
راكان / يعني هالدكتور احسن مني هاللحين
رنيم / هذا انت قلتها بنفسك الدكتور
::::::::::::::

الدكتور وهو يكتب العلاج بالورقه ..
ريناد / دكتور متى ابطلع .. ابغا اروح البيت ..
الدكتور / فيك من هلآ .. صحتك منيحه وكل شي على مايرام ..بس ماتعصبي وتتوتري كتتتتير وتحرئي دمك .. لساتك بنت زغيرة وتغزي كويس ماتهملي حالك ..
ريناد / اووكيه ...
بعدها طلع الدكتور ..
رنيم / ريناد اخوي راكان يبغا يتطمن عليك ؟
ريناد مستغربه / اخووك ؟؟ وهو هنا ليه ؟
ندى / هو اللي جايبنا للمستشفى .. وهو اللي نقل لك الدم ..
ريناد / نقلولي دم منه ؟؟
رنيم / ايووه ..
ريناد / طيب هو ووينه ؟ ..
راحت رنيم لراكان / تعاال ادخل اخلص عليناا
راكان دخل الغرفه مرتبك .. / السلام عليكم ..
الكل / وعليكم السلام ..
راكان ناظر ريناد وهي لابسه الشيلة الشفافة على وجهها وملتفتته على جنب / كيفك هاللحين ان شاء الله احسن ؟؟
ريناد / الحمد لله ..
راكان / يلااا بالسلامة ياارب ..
وطلع ..
ندى تناظر رنيم / ياااي اخووك مرره مؤدب .
رنيم / ههههههه اي الكل يقول عنه كذا معي اني اشوفه عاادي ..
ندى تهمس لرنيم / تراه يشبه لك حلووووووووو ..
رنيم تغمز لندى / يعني اناا حلووة
ندى / هههههههههههههه افاا عليك ..
ريناد سمعت كلامهم ومااهتمت ..
طلعوا من المستشفى وركبوا السيارة ..
راكان حاط اغنية راشد الماجد ( سلامات )

رنيم ( مسكين يااخوي ماتدري ان ريناد مخطوبه وانها ابد ماتحس فيك .. بس لازم اقول له انها مخطوبه علشان مايوهم نفسه ويتعلق فيها )

:::::::::::::::::::::::::::::::

اوا مادخلت ريناد وندى البيت .. وبالصاله ...
ام عبدالله / ويينكم شالتأخير الساعة 8
ندى / اسكتي .. طاحت علينا ريناد بشقة لميس ووديناها المستشفى
ام عبدالله / المستشفى ؟؟
ندى / ايه وانقلوا لها دم ..
ام عبدالله خاافت ناظرت بريناد / دم ؟؟ وش فيهاا وش قالوا ؟؟
ريناد من يوم هذاك اليوم ماتكلمت معهااا / .........
ندى / معها فقر دم بسيط .. بس كل هذا من سوء هالتغذيه وهالتفكير .. والعصبيه ..
ريناد / انا طالعة غرفتي ..
ام عبدالله ( حتى ماتشافيت لهاا وش هالقساوة بهالقلب .. ) ....
ندى / ماما ليه ماتشافيتي لها .. ريناد تنتظر منك كلمة طيبة وحلوة .. لاتتأخر عليهاا ولاتبخلي عليها ..
ام عبدالله وهي تفكر بكلام ندى ../ .............
ندى / انا طالعة غرفتي ... << التفتت ثانيه عليها / على فكره ماما انا الليلة راح اطلع مع عماد اتعشى اووكيه ...

:::::::::::::::::::::::

ريناد حست بتأنيب الضمير .. وفكرت تدق على ريهام ..
بس لما تذكرت ريحتها تراجعت .. وحطت الجوال على جنب ..
راحت بدلت ملابسها وانسدحت عالسرير ..
الا تدق لميس عليهااا ..
ريناد ببرود / الوو
لميس / اهليين ريناد كيفك هاللحين ؟؟
ريناد / بخير .. ربي يسلمك
لميس / ريناد آسفه ماكنت اعرف ان معك فقر دم وانك راح تتأثري بكلامي ..
ريناد / اووكيه حصل خير ..
لميس / رنوده وربي مااقصد .. بس ماهان علي اشوف ريهام تطلع من الشقة وهي زعلانة ..
ريناد / انتي ماغلطتي بس انا من البدايه كنت متضايقه شوي ..
لموو لاتشيلي هم ..
لميس / تخيلي ريهام لما عرفت انك بالمستشفى عصبت علي .انا .. طيب انا هاللحين ادافع عنها بالأخير تعصب علي ..
ريناد / جد والله ..
لميس / ايووه تقول لي انا السبب في طيحتك ..
ريناد / لااا تشيلي هم .. انا راح افهمها الموضوع .. وراح اخليها تحكي معك ..
لميس / اووكيه بيبي .. انتبهي على نفسك حبيبتي
ريناد / اوووكي حياتي يلااا باااي .. ...

::::::::::::

ريناد بعد ماسكرت من عند لميس دقت على ريهام ..
ريهام لما دق جوالها وعرفت من النغمة الخاصه ان ريناد داقه .. ردت بسرعه
ريهام / الووو
ريناد / هلا ريهام ..
ريهام / اهليين .. ريناد كيفك هاللحين وكيف صحتك ؟ صدقيني قلبي مشغول عليك ...
ريناد / قلبك مشغول علي .. وتنتظريني انا ادق عليك ؟؟
ريهام ارتبكت / لاااا بس .. امممم ..
ريناد / لساتك زعلانة مني ؟
ريهام / يحق لي .. والله احرجتيني قدامهم .. يعني لو اني انا ومعك بس كان والله عاادي راح اتقبل اسلوبك ..
ريناد / انتي نرفزتيني ... كم مرة قلت لك لاتحطي منه ؟؟
ريهام / ونسييينا صار شي ؟؟ <<< وبجديه / انا ابغا اعرف ليه ماتحبي العطور الرجالية ؟؟
ريناد ( وش اقول لك ياريهام !! ) / كذا مااحبهم احس اني بستفرغ لما اشمهم ..
ريهام / لهالدرجه ؟
ريناد / اييييه .. المهم ماعلينا من هالموضوع ..ريهام ...ليه تلومي لميس بطيحتي ؟؟
ريهام / هااا .. هي قال لك ؟؟
ريناد / مو مهم من اللي قال .. دقي عليها واعتذري لهاا لاتعكري مزاجها بشي ..
ريهام / اووكي انتي تامرين ..
ريناد بأبتسامه / اووكيه رهومه انا رايحة انام تبي شي ؟؟
ريهام / سلااامتك
ريناد / .. بااااااااي ...

:::::::::::::::::::::::::::

الساعة 11ونص مساء ..

ندى وعماد بعد ماتعشوا وطلعوا من المطعم ...
وهما بالسيارة ..

عماد / هاا وين تحبي تروحي بعد ؟
ندى ناظرت ساعتها الذهبيه من سواتش / لااا تأخرت رجعني للبيت
عماد / حبيبتي لساا حتى ماجات 12 وش عندك ..
ندى / هااا لااا ماعندي شي ؟؟ طيب هاللحين وين بنروح ؟؟
عماد / على كيفك اي مكااان .. اللي يريحك ..
الا يدق جوال عماد ..
عماد ناظر الجوال وارتبك ( دااااااااااانه )
ندى/ وش فيك تنااظره .. رد
عماد / لااا ماني براد مو فااضي ..
ندى / طيب شوف يمكن ضروري ..
عماد / لاا خلااص سكت ...
الا يدق ثايه .( هذا اللي تبغاني اذبحهااا ) ..
ندى / قلت لك شكله ضروري ..
عماد قرر انه يحكي معه ويشوف وش تبي حط الجوال بأذنه اليسار ..
عماد / الوو مرحباااا
دانه / اهليين ... هاا كيف عروستك .. ان شاء الله مبسوط انت معها ؟
عماد / اي .. الحمد لله .. مبسوطييين
دانه / عارفة انها جنبك علشان كذا دقيت .. وعارفه انكم تعشيتوا سوا .
عماد وهو عاض على اسنانه / طيب وش تبي ؟؟
دانه / هههههههه بصراحة اشتقت لك ..
عماد / اوووكيه يلا مع السلامة .
دانه / ههههههههههههههههههههههههههه
سكر الجوال وحطه بجيبه ..
ندى / هااا في شي ؟؟
عماد / لااا .. مكالمه عااديه .. لاتشيلي هم ..

:::::::::::::::::::::::

شوق لما عرفت انه عصام عند لميس بالشقه ..
حبت تروح وتصعد .. بس بعدها تراجعت ..
( وش اسوي اروح مابينهم !! شنو لززقه !! خلاص مالي نصيب اليوم بشووفتك !! اشوفك بعديين .. )

رنيم بغرفتها .. ومنسدحه عالسرير ...

( انا ابغا اعرف حاجة وحده بس ! وش فيهاريناد طاحت علينا كذا فجأة !! والأغرب من كذا اسلوبها مع ريهاام .. مع ان ريهام علاقته قوية بريناد .. )
( الا هاللحين راكان احكي معه ولااا .. بس انا كيف اعرف انه يفكر فيها .. من جد !! يمكن كل هذا اوهام بس شاللي خليه يسأل عنها دوم هي بالذات دون باقي البنات !! ماشاء الله عليك ياركان حتى دمك عطيتها وخليته هاللحين يجري بعروقهااا !! )

» روايه الحب المستحيل الجزء الخامس والعشرون الجزء الثانى تكمله
» روايه الحب المستحيل الجزء السادس والعشرون الجزء الاول تكمله
» روايه الحب المستحيل الجزء السادس والعشرون الجزء الثانى تكمله
» روايه الحب المستحيل الجزء السادس والعشرون الجزء الثانى تكمله اخيره
» روايه الحب المستحيل الجزء الثالث والعشرون الجزء الثانى