روايه الحب المستحيل الجزء الخامس والعشرون الجزء الثانى تكمله

:::::::::::::::::::::::::::::::::

الكويت

ريناد وندى بأحد المجمعات يتمشوا سوآآ
ندى / سبحان الله اشكال الكويتين مميزة وتشبه بعض ..
ريناد / هههههههه ايووه احس كلهم وليد هههههه
ندى / اووه على طاري وليد .. وش راييك نفلها ونستهبل
ريناد / كيف يعني ؟؟
ندى / والله ابغى افش خلقي في حد .. بس بأستهبال دقي عليه
خليه يجي .. وش رايك ..
ريناد عجبتها الفكره / اووكيه اووكيه ..
ندى / تعجبيني يارنوود ..
ريناد / ههههههههههه اكيد اعجبك بالهبال ..

دقت عليه وبعد ساعه وصل للمجمع ...
قابلوه وجلسوا بأحد الآركان .. الكوفي شوب
وهما عالطاوله ..
وليد / تو مانورت الكويت ..
ندى / منورة بوجودك ..
ريناد مرتبكه .. حدهــآآ يوم صارت السالفه جد ..
وليد / ها اشحابين تشربون ؟؟؟
ريناد / لاا تسلم ..
ندى ضربتها بكوعها / هههه كابتشينو ..
وليد / اووكيه ..
ريناد / بهمس / يالهبله لا تفشيلنااا .. انا خلاص ابروح البيت ..
ندى تعض على اسنانها / اصبري .. والله لآضبطك خخخ
وليد / أي صج ريناد .. قبل لا تروحين ذكريني اعطيج مفتاح
البيت ..
ريناد بتعجب / مفتاح ؟؟ أي بيت ؟؟؟
وليد / البيت اللي بالسعوديه .. بيتج .. خلاص هاللحين هو مافي احد
ندى / من قدك .. بيت الزوجيه جااهز ..
ريناد بحيا / اشش
وليد / انخطبتي ؟؟
ريناد هزت راسها بأيه ...
ندى / بارك لهااا .. خطبها راكان النايف اذا تعرفه ..
وليد / اهااا .. ايه اذكر اني شفته .. عالبركه .. تست
كل خير .. وراكان خوش ريال ..
ريناد بأبتسامه / الله يبارك فيك ..
ندى / عقباالك ..
وليد / هههههههههه ان شاء الله ..
ندى تستهبل / هاا في حد حاط عينك عليه .. ترى حنا بالخدمه ..
ماجينا الا علشان نخطب لك هههههههه
وليد / هههههههههه لا لاااا .. مافيه يلااا على ايدك ..
ندى / دام على ايدي .. اووكيه عندي لك عرووس لــقطه ..
ريناد بهمس / ندووش بلا هبل ...
ندى تكمل حكيها ووليد على فمه ابتسامه عريضه / والله انها تحبك
وتمووووت فيك .. بس انت مو حاس فيهاا ..
وليد ( من صجها هذي .. ولا تتغشمر !! ) وبسخريه / منهي .. دليني
عليهااا علشان اخطفهااا ..
ندى / هههههههه لا مانبغاك تخطفهااا نبغاك تخطبهااا
ريناد / مااعليك منهاا مزح معك ..
ندى / رنوود اسكتي مالك دخل ..
وليد / اووكيه ماعندي مانع .. بس اهم شي تعجبني
ندى بثقه / افاا عليك ..
وليد / منهي ؟
ندى / وحدة من صاحباتنااا .. ارسلت لك قلبهاا
ومن اول ماشافتك هبلت بك وجنت علييك ..
وليد / اووووووووووه .. والله مادريت اني معذب القلوب
ندى / ههههه .. قلبها بس ..
وليد / ههههههههههههه
ريناد بعصبيه / ندووش بسك بلا هبل .. والله لو تدري راح
تزعل وتعصب ..
ندى بثقه / لااا من قال ... رنود ترى هي قالت لي عالخطه وانا
معها متراهنين ..
ريناد فتحت عيونها للآخر / جد مجانين ..
وليد / هااا منهي .. ماقلتي ؟ ولا ترى اهوون خلاص ..
ندى / انت تعرفها وشفتها كذا مرره ..
وليد / اووه لا تلعبين بأعصابي ,.. تشوقت ترى اعرفهاا
( اكيد اهي !! ام العيون الخضر .. )
ندى / رنيم .. اسمها رنيم .. اللي حكت معك بالمستشفى ..
و ... وبالمطار ..
وليد تبدلت ملامح وجهه وارتبك / هاا .. هذي ؟؟
ريناد جالسة على اعصابهاا ماترضاهاا لصاحبتهااا .. هالحركه ...
ندى تراقب ملامح وجهه وردة فعله / اهااا .. حلووة ..
ندى بخيبه / حلوة .. بس هذا اللي قدرت عليه .. تراني اتكلم
جد .. وش رايك تخطبهاا .. احسها تصلح لك .. الا اذا معتبرني
مو مثل اختك .. وامون عليك .. واخطب لك .. هذا شي ثاني
وليد بالنفي / لااا لااا والله فيج الخير .. وهالبنت ماعليها كلام
وبيني وبينج عاجبتني !!

:::::::::::::::::::::::::::::::::

الساعهـ 8 وربع المــــــــسآآء

ريهــآآم تحوس بالبيت الخالي ..
مافيه الا هي وهالخدمـــ !!!
طفشت لوحدهــآآ ..
تعبت من رؤيا الزوايا الخاويه ..
تعبت من التفكير ..
تعبت من النوم ..
تعبت من كل شي ..
اخذت جوالهــآآ .. وترددت وحطته على جنب ثانيه
( وش فيني كل شوي وداقه عليه ..
لا لااا خلك ثقيله شووي يارهوم !! امم خليني مع المجنونه
رنوووم تجي عندي )
اخذت الجوال ودقت عليهــآآآ وبعد لحظات ..
ريهام / هاااي
رنيم / هاااااااااااااياااااااااااااات
ريهام / رنووم طفشاانه .. بليييز تعالي عندي ..
رنيم / لا تعاالي انتي .. انا تو جاية من السوق .. مااعتقد اقدراطلع
ريهام / اووكيه جاايه .. لا تقولي ماصدقت على الله اذبحك هههه
رنيم / هههههههههه ولووو بتنوري البيت .. لا تصدقي عمرك
اجاامل ههههههه
ريهام / هههههههه مالت عليك .. يلا باي ..
لبست عبايتهااا بسرعه وطلعت مع السواق ... لبيت رنيم

:::::::::::::::::::::::::::

وصلوا السعوديه ..
بعد هبالهم وجنونهم ..
وصلوا البيت وهما مبسووطين ..
بو عبدالله بعد مادخل مكتبه ..
ام عبدالله / وش هالضحك انتي معهااا ..,
ندى/ ههههههههههههه
ريناد / خاالتي بنتك جنت .. قضت اشك انها مافيها عقل ..
ام عبدالله / الحمد لله والشكر ..
ندى سحبت ايد ريناد ودخلوا الغرفه ..
ريناد / يافرحة رنووم هاللحين .. بس والله احس ان هالحركه
باايخه شووي ..
ندى / انتي وش عرفك .. اقول وش رايك نروح لعندها نبشرهاا ...
ريناد / اووكيه .. دقي عليهــآآ

:::::::::::::::::::::::::

في بيت رنيم ..
الصالهـ ..

تجمعوا بنات كيوت من جديد ..

[ندعوك للتسجيل في المنتدى أو التعريف بنفسك لمعاينة هذا الرابط]

ندى خبرت رنيم .. ورنيم من فرحتها تحس انها طايره
بالسمااا ..
رنيم بنبرة ذايبه / آآآهـ ياليتني معكم واكحل عيوني بشوفته ..
ريهام / هههههههههه والله انكم خطيرآآآت
لميس / الا مجننونااات .. مع وجهك كيف تجرأتوا جلستوا معه
وكل وحده منكم مخطوبه .. ووراها رجال ..
ندى حست بحزن فضيع بداخلهاا .. ردت بهدوء / عادي
مافيها شي .. حنا بمكان عام .. ثانيا وليد مثل اخوي ..
متعوده عليه من يوم انا صغيره ..
ريناد حست بالغلط .. / والله هذي افكار رنووم .. انا مالي دخل
رنيم / وعماا هاللحين حطتوها فيني ..
لميس حطت ايدها على ظهرها / ندووش مو عاجبتني
انتي هاليومين .. وش فيك ؟؟
ندى تحاشت نظراتهااا لأنها لو تناظرها راح تدمع عيونها وبتفضح
كل شي .. / ماافيني شي .. بس فيني شوويه استهبال طلعته ..
ريهام مسكت ايد ريناد وباستها وبهمس / رنوود اشتقت لخالد
ريناد / هههههههه جد ؟ روحي احكي معه ..
ريهام / لاااا .. ابثقل شووي .. فشله كل شوي وداقه عليه ..
ريناد / اموووت بالثقل ..
ريهام / مالت عليك ..
لميس حست بألم اسفل بطنها وبظهرهاا / آآآآهـ .. ندوو ظهري
يألمني ...
ندى / يااحيااتي .. روحي ارتااحي غرفتك ماعليك مناااآآ
رنيم / والله من الحوسه اليوم .. تخيلوا تمشي بالمجمع ولابسه
جزمه بكعب عاالي ..
الكل ناظرها بعصبيه ..
ريناد / ليه ؟؟
ندى / وش هالغباااء .. ماتخافي على عمرك انتي ؟
ريهام بخوف / حرام عليكم لا تعصبوا عليها شوفوها وش قد تتآلم
لميس حاطه ايدها ورى ظهرها اللي تحس انه متشنج ومو قادرة
تتحكم بحركتهاا .. وضامه شفتهااا بألم ..
رنيم / ابروح انادي ماما ... شكلك موصله حدك ..
ندى بخوف قربت منها اكثر وتدلك ظهرهاا بلطافه / حبيبتي
يألمك بقووه ولا كيف ؟؟
لميس تحس انها ترجف من شدة الآلم / ايووه ... ابغا مااماا
بليز حاكيهااا تجي ..

دخلت ام هشام مرتعبه / وش فيك لميس ..؟؟
لميس / خاالتي .. ظهري وبطني يعورني بقووة .. اول مره
احس كذاا .. آآآهــ ..
ام هشام / لا تخافي حبيبتي .. هاللحين اقول لهشام يوديك
المستشفى ..
لميس بكت / اهئ اهئ .. يألم مرره .. ناادوا لي ماما ....
الكل يناظرها بخووف وبحنان ..

::::::::::::::::::::::::::

الجو مسيطر عليه الهدووء والخوف !!
وهشام ام هشام وام عصام وشوق بالمستشفى
ولميس بالغرفه مع الدكتوره ..
وهشام يمشي بين الآسياب .. ومتوتر مررهـ
طلعت الدكتوره
هشام بسرعه قرب منها / هاا خير دكتوره ؟؟
الدكتوره وهي مستعجله / حاله ولادة .. ولادة مبكره .. ماتخفش
ام عصام / هاا نقدر نشوفها ونتطمن عليهاا ؟
الدكتوره / آآهـ طبعاا .. بس بسرعه قبل ماتجي الدكتوره بتاعتهاا ..
دخلوا كلهم عليهااا
لقوها منسدحه ووجها مخطوف من الخوف ...
وعليها جهاز تخطيط نبضات القلب للجنين .. والصوت وااضح
وباين انه النبض سريع ..
هشام ماسك ايدها ويخفف عليها / لا تخاافي ياقلبي .. حنا معك ..
لميس / مااني قادرة اتحمل ..
ام هشام وام عصام يطمنونهااا ..
ام عصام / ان شاء الله كلها كم ساعه ونشوف البيبي بحظنك ..
ام هشام / لا تخاافي .. كلنا مرينا بحالتك ... والولاده ماتخوف
انتي بس شدي حيلك ..
دخلت الدكتوره اللي كانت معالجه عنها من قبل/ معليش ..
بدنا نشوف المريضه ..
طلعوااا عنهااا ..
وهشام واقف عند الباب .. وخايف مرره
اول مره يشوفها كذاا ... تتألم .. رحمهاا مرره ..
الدكتوره طلعت وبأيدها اوراق .. / انت جوزها مهيك ؟؟
هشام / ايه ..

الدكتوره / امممم لازمها عمليه .. ممكن توقع هون ..
هشام بخوف / عمليه ؟؟ ليه ؟؟ وش فيهآآ

::
ام هشام وام عصام جالسين على احدى المقاعد وكل وحده
تدعو بقلبهااا يسهل عليهــآآآ .. وتولد بالسلاامه ..
هشام قرب منهم بخطوات ثقيله / يمه .. خالتي .. لميس محتاجه
عمليه .. يقولوا حالتها خطره !!!
ام عصام ضربت صدرها / عمليه ؟؟ ليه ؟
شوق / توها هاللحين داخله عندهم وش هالحكي ..
ام هشام / شوف لها مستشفى ثاني ..
هشام بضيقه فتح ازرة قميصه / الدكتورة تقول ضروري تعملها
هاللحين ولا ترى بتسبب عليها خطوره ..
او على اللي ببطنها وهي اخبرر مالنا الا الدعــآآآء ..

وصلوا باقي البنات المستشفى بخووف وتوتر ..
رنيم / هاا هشام .. وش صار ؟؟؟
هشام صد عنها والتفتت
رنيم / مامااا .. وش صار ؟
ام هشام / راح يعملوا لها عمليه ..
الكل شهق / عمليه ..
ام عصام ودمعوها سالت على خدها من ورى الغطا / يقولوا حالتها
خطره ..
ندى / يااقلبي يالموو ..
ريناد / ربي يسهل عليها يارب ..
ريهام / يااارب ...

::::::::::::::::::::::::::::::::::::::

انتهى البارت

جااااااااااااااااااامد
جدااااا
الموضوع منسق وميه ميه
روايه الحب المستحيل الجزء الخامس والعشرون الجزء الثانى تكمله 600677

روايه الحب المستحيل الجزء الخامس والعشرون الجزء الثانى تكمله 797106

» روايه الحب المستحيل الجزء الخامس والعشرون الجزء الثانى
» روايه الحب المستحيل الجزء الثانى والعشرون تكمله
» روايه الحب المستحيل الجزء السادس والعشرون الجزء الثانى تكمله
» روايه الحب المستحيل الجزء السادس والعشرون الجزء الثانى تكمله اخيره
» روايه الحب المستحيل الجزء الثانى والعشرون تكمله اخيره