مشاعـر مجروحـه عضو جديد
النادى المفضل : الجنسيه : مزاجك ايه : هوايتى : المهنة : الجنس : عدد المساهمات : 46 نقاط العضو : 10717 شعبية العضو : 1 العمر : 30 تاريخ التسجيل : 30/07/2010 اوسمتى : اوسمتى 2 : اوسمتى 3 :
بطاقة الشخصية شات المنتدى:
| موضوع: مصطلحات كيبوردية في حياتنا اليومية 31st يوليو 2010, 16:52 | |
|
Enter
وهو أشهر زرار عالكيبورد ............ والزرار ده بندوس عليه لما نكون على وشك انجاز حاجة معينة .............. يعني خلاص كله تمام ومستني منك الاوكيه ......... ويا سلام لو عند كل واحد فينا زرار Enter , وبمجرد ما تدوس عليه كل حاجة تتحقق .............. ممكن تروح على باب أكبر شركة وبعد ما يطلعلك نافذة ( نفسك تشتغل إيه ؟ ) .......... طبعا هيكون في قائمة بجميع الوظائف .......... - تم اختيار مهندس .
-للتأكيد اضغط إنتر .
-إنتر
-هل انت متأكد إنك عاوز تكون بشمهندس ............ أصل شكلك مش مدي على مهندس خالص.
-أما إنك جهاز لمض صحيح ............ وبعدين انت هتشغلني ولا أروح أشوفلي واسطة .
- يا عم متتقمصش كده , هشغلك ............ للتأكيد مرة أخرى .......... اضغط انتر .
-انتر .
-مبروك ............. أنت الآن باشمهندس أد الدنيا ......... لو الست الوالدة وقفة جنبك ......... خليها تفقعلك زغروطين .
أو لو واحد لسه داخل كلية , وملوش في المذاكرة , يدوس أول إنتر ............ يعدي أول سنة .......... تاني إنتر , يعدي تاني سنة .............. يعني الهندسة هتبقى بخمس انترات .......... والطب بسبعة ................. بس لو أي إنتر هنجت معاك يبقى هتعيد السنة .
Delete
الزرار إلي بيحذف .............. لو نفسك تفوق من الغيبوبة وتنسي إن منتخبك يدخل كاس عالم ......... ادخل عالهارد بتاعك ........... واعمل ديليت لكل الملفات إلي عندك إلي بتتكلم عن الكورة ................. لو لسه عندك أمل ............ خش على سلة المحذوفات واعمل shift delete......... أول ما تنسي ............ دوس F5 عشان تعمل ريفريش......... وعييييييييييش .
وأي حد هيعوز الزرار ده ........ يبقى ييجي ياخد من عندي .......... أنا ببيع بسعر الجملة .
أي ديليت ب5 جنيه ............ والدستة ب 55 . هه ......... حد عاوز دليت قبل ما امشي ...... الاستاذ إلي ورا بيشاور ؟......... لأ ..... طب ب4 ونص وعليهم انتر هدية .
وبعيدا عن زرار الديليت فيه حقيقة علمية , مش عارف ليه احنا مش قادرين نستوعبها ............ إن مصر مينفعش تدخل كاس عالم إلا لما يكون في ايطاليا ( 1934- 1990) ............. فاحنا بدل ما نطالب الفيفا إنها تلغي ماتش الجزائر الأخير , لازم نطالبها إن كاس العالم يتعمل كل مرة في ايطاليا .
Alt F4
الزرار ده , لو فيه أي شاشة قدامك بيقفلها ........... يعني لو انت مديون للجزار و للفرارجى والبقال ولبتاعة الخضار إلي على أول الشارع وللراجل بتاع الأنابيب ............. واتفقو كلهم يعملولك كمين على أول الشارع ............. متقلقش ........... اثبت مكانك .......... أول ما يقربو منك دوس Alt F4 ......... الشاشة إلي قدامك بالناس إلي فيها هتتقفل ............. بس لو الزرار طلع صيني هنج معاك .......... يبقى في الحالة دي الجري نص الجدعنة .........
Cut – Paste
ده طبعا أشهر زرار بنستخدمه عالجهاز ............... وممكن تستخدمه في الحقيقة , لو انت واقف في الشارع ووقعت في موقف محرج ونفسك الأرض تنشق وتبلعك ............ لا لا لا....... متعرقش بقى وتجيب ميه من فوق ومن .... تحت ...... .... خش على الفولدر بتاع شارع ...... اعمل لنفسك cut ..... وبعدين شوف انت عاوز تودي نفسك في إني فولدر ....... لو عاوز تروح البيت....... افتح الفولدر بتاع البيت ........... وادخل عليه ........... دوس Paste هتلاقي نفسك جوه بيتك ................ ولو لسه مزنوق ممكن تكمل بقى في دورة الميه .
Copy – paste
الزرار ده ممكن الست تستخدمه في الحقيقة لما يكون وراها كذا شغلانة ......... وبالذات لما يكون عندها نونو صغير .......... الواد بيعيط عاوز يرضع أو بيعيط وعملها على نفسه ( هي المهمهات بقى عندهم خبرة و بيعرفو الواد بيعيط ليه من أول بصة)................ والمحشي عالنار وهيشيط ................ والتليفزيون عليه مسلسل والحلقة الأخيرة شغالة , وهتموت وتشوف الحلقة دي ........... وجوزها جوه في الاوضه عمال يجعر ( ما تسكتي الواد ده لروح أحطهولك على باب أي جامع ............ وبعدين احنا عالعصر والمحشي لسه ما استواش , ط اهدي ولا تعصبي نفسك .......... اعملي لنفسك كوبي , وبعدين حطي نسخة أدام البوتوجاز ............ ونسخة أدام إبنك ................ ونسخة أدام التلفزيون ......... ونسخة قدام جوزك ويستحسن يكون معاها ساطور
| |
|
AbU ALi ElA$Sa$Y AbU Ali ElAsSaSy SiTe EmPeRoR
النادى المفضل : الجنسيه : مزاجك ايه : هوايتى : المهنة : الجنس : عدد المساهمات : 3295 نقاط العضو : 47459 شعبية العضو : 1740 الموقع : عايش فى منتدى العساسيه العمر : 31 تاريخ التسجيل : 22/05/2009 اوسمتى : اوسمتى 2 : اوسمتى 3 : دعائى يارب تقبله :
بطاقة الشخصية شات المنتدى:
| موضوع: رد: مصطلحات كيبوردية في حياتنا اليومية 31st يوليو 2010, 17:30 | |
| | |
|
The Spirit مراقب عام
النادى المفضل : الجنسيه : مزاجك ايه : هوايتى : المهنة : الجنس : عدد المساهمات : 1422 نقاط العضو : 32635 شعبية العضو : 365 الموقع : www.wwe.com العمر : 35 تاريخ التسجيل : 06/06/2009 اوسمتى : اوسمتى 2 : اوسمتى 3 : دعائى يارب تقبله :
بطاقة الشخصية شات المنتدى:
| موضوع: رد: مصطلحات كيبوردية في حياتنا اليومية 16th أغسطس 2010, 15:58 | |
| | |
|
AbU ALi ElA$Sa$Y AbU Ali ElAsSaSy SiTe EmPeRoR
النادى المفضل : الجنسيه : مزاجك ايه : هوايتى : المهنة : الجنس : عدد المساهمات : 3295 نقاط العضو : 47459 شعبية العضو : 1740 الموقع : عايش فى منتدى العساسيه العمر : 31 تاريخ التسجيل : 22/05/2009 اوسمتى : اوسمتى 2 : اوسمتى 3 : دعائى يارب تقبله :
بطاقة الشخصية شات المنتدى:
| موضوع: رد: مصطلحات كيبوردية في حياتنا اليومية 17th أغسطس 2010, 11:24 | |
| | |
|
magican angel lara مشرفه عامه مفيش حد قدى واااااااااو
الجنس : عدد المساهمات : 312 نقاط العضو : 31598 شعبية العضو : 953 الموقع : www.larastar.com العمر : 35 تاريخ التسجيل : 08/06/2009
بطاقة الشخصية شات المنتدى:
| موضوع: رد: مصطلحات كيبوردية في حياتنا اليومية 31st أغسطس 2010, 12:31 | |
| | |
|
JUSTIMAGINE عضو ذهبى
النادى المفضل : الجنسيه : المهنة : الجنس : عدد المساهمات : 267 نقاط العضو : 17978 شعبية العضو : 70 العمر : 34 تاريخ التسجيل : 30/05/2009
بطاقة الشخصية شات المنتدى:
| موضوع: رد: مصطلحات كيبوردية في حياتنا اليومية 17th سبتمبر 2010, 22:22 | |
| - اقتباس :
- ونسخة قدام جوزك ويستحسن يكون معاها ساطور
والله احسن بقى عايز يرمى الواد ادام الجامع شكله هو اللى هيترمى فى اول تربة وان التربة رضيت | |
|