دى بعض المواقف اللى بتحصل بين الرجالة والستات
لو قالتلك يا مستتني يا مهنيني و انت لسة عايش يبقى اكيد عايزة فلوس أو هتقولك ان مامتها هتيجي تبات معاكوا كام يوم .
قالتلة : يا حبيبي يا روح قلبي عايزة أقولك حاجة هتفرحك أوي احنا هنبقى تلاتة .
قالها : يا حبيبتي ده اليوم اللي كنت مستنية من زمان انت حامل !!!
قالتله : لأ ماما جايه تبات معانا كام يوم .
لو مقلتلهاش كلام رومانسي هتقول : انت مش بقيت تحبني
- لو قلتلها كلمة حنينة
هتقولك شكلك عامل عملة ......... ( و للا انت رأيك ايه )
لما تلبس جينز تقولك ايه الأرف ده انت مش ناوي تنضف بقى و تبطل لبس العيال ده
و لو لبست بدلة تقولك انت متشيك كده ان شاء الله و رايح على فين
اول ما تخش تنام تجري على جيوبك
اوعى تظلمها هي اكيد بتدور على الأي لينر بتاعها
لو مجبتلهاش هدايا هتقول عليك بخيل
و لو جبت هتقولك : ياما جاب الغراب لأمة
هوايتهم المفضلة تقليد الصابون !!!!!
ايوه مظبوط الرغي
و متفهمش بيجيبوا كلام منين .
و لو جيت بالليل و قولتلها يا حبيبتي انا مش جايلي نوم
تعالي نتكلم مع بعض شوية
هتقولك اتخمد ... النهارده مش الخميس
يوم ما تقولك حاضر تبقى محضرالك مصيبة
او عملت مصيبة
يا سلام عليك لما تجيبلها ورد
هتقولك بدل الورد اللي بيطلعوا بيه القرافه كنت هاتلنا كيلو و للا اتنين جوافه
عايزهم يتعدلوا
هاه --- عند أمة يا أدهم
بينما المعركة بين اى ست وراجل الفوز فيها( للاقوى) وااقصد بالاقوى اللى يقدر يمسك الساطور ويقطع ويشرح ويعبى فى الاكياس البلاستيك
واسألوا نفسكم سؤال..
كام راجل طاوعه قلبه يمسك ساطور ويقطع?.....
طبعا الاجابة ..ولا واحد
طيب وكام ست عبت جوزها فى الاكياس البلاستيك?.. ده طبعا باستثناء الزوجات اللى بياكلوا دراعات اجوازهم .....
والاجابة ماتعدش
لو
اتجوزوا .....يشتكوا مر الشكوى.... جوزى موش زى الاول... مابقاش يحبنى...
بطل يقولى بحبك ..25مرة فى اليوم..زى زمان...ومن يوم مااتجوزنا بقى بخيل
مابقاش يرنلى عالمحمول زى الاول... ووو.........هلما جر.. من نوعية
الشكاوى دى
ولو مااتجوزوش ...هاتك اشاعات على الجواز..( قعدة خزانة ولاجوازة ندامة)
ولو فيه راجل اتجنن وفكر يتجوز... تلاقى الخطط الحربية والدسائس السرية والنصائح تتوالى على المسكينة اللى حاتتجوزه
ابتداء من... قصقصى طيرك لايلوف بغيرك ...لذا لازم على كل ست تتعلم ازاى تقشط جيب جوزها اول باول
والحمار اما يشبع يبعزق علايقه(اكله)..وطبعا معروف مين الحمار
وضل راجل ولاضل حيطة..وكمان ساوا بين الراجل والحيطة مع الفارق ان الحيطة ممكن تقع لوزاد الخبط والرزع عليها
خدتك عواذ خدتك لواذ خدتك اكيد بيك الناس كدت انا روحى...يلا تستهلى علشان تحرمى تكيدى فى الناس
وتتوالى الامثلة الشعبية واهو برضه فى الاول والاخر..الست هى الغلطانة.. موش برضه قعدة الدولاب كانت احسن
وانا واثق لو كان سمعها وهى بتقول.. يامستتنى.. يامهنينى ....كان برضه حيموت.... قصدى حيموت من حبه فيها
على ايام سى السيد كانت امينة تقوله.. يجعل يومى قبل يومك ياسى السيد ..وكان سى السيد ساعتها يرد.. بعد الشر
الحوار ده لسة بيتكرر مع الاختلاف ان امينة(2010) بتقوله اشوف فيك يوم ياسى السيد
موضوع: ثبت علميا ان الرجالة هم الجنس الناعم 
5th سبتمبر 2010, 15:33
