والنبى ياشيخ لتشوف الاختبار المضحك اوى ده

جمهوريتنا العربيه
وزاره التربيه
امتحان شهاده اتمام الدراسه (ثانويه عامه)
] المرحله الاخيره / الدور الرابع / اول شقه علي ايدك الشمين[لغه عربيه(2) الزمن/ خلص نفسك
الدرجه الكليه اللي عمرك ما هتبقي فيها (100 درجه)
==================================================
ملاحظات هامه قبل الشروع في الاجابه (متخفش) (يجب ان تقراها جيدا)
1- اقرا الاسئله بتهاني مش بحد تاني
2- الاجابه باللون الاحمر يا فاشل و في حاله الاجابه باللون الازرق تحذف الاجابه كامله لو كان فيه اجابه اصلا
2- اجب عن الأسئلة التعجيزية التالية و عددها ( 5 ) إجباري و ( 1 ) اختياري على أن يكون مجموع الأسئلة (7) اتصرف يا معلم
4- يسمح بالغش من اللي وراك أو اللي قدامك أو اللي جنبك (ده اذا كان حد عارف حاجه)
3-اعتبر مقدار عجلة الجاذبية 9.8 ( في حالة انك حبيت تنط من الشباك)
4- لا يسمح باستخدم الاله الحاسبه علشان ده امتحان عربي يا روح ماما انته هتستعبط من اولها
ملاحظه هامه جدا الاجابه في نفس الورقه
=====================
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : واحد شاي سكر زياده و حياتك
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل : اتنين صفر و اربعه خضر
=====================
هذا الامتحان برعاية بيبسي كولا
دلوقتي
و لفتره معدومه ... بيبسي الصاروخ بجنيه ونص بس ... هتفضل تغلى لغاية
ماتبطلها ((وراك
وراك))===================================================================

السؤال الأول: التعبير
(3 درجات و نص )
اكتب ما لايقل عن 750 سطر فى أحد الموضوعات التالية

1-لم يجد الطفل غير الشارع ملجأ نظرا لحالة البلد الهباب..فاتجه إلى السرقة
والقتل والحشيش .. حتى نال جزاءه وقبض عليه متلبسا بباكتة بانجو.. اكتب
قصته مع تسليم الحِرز للباشا مراقب اللجنة

1-شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى
6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا
باشتغل فى حديد عز

3-بعد
انتشار ظاهرة أكل لحم الكلاب والحمير و كمان الخنازير..من وجهة نظرك كحمار
تكلم عن هذه الظاهرة ومن المتسبب فيها بدون غلط...علشان الورق متراقب
ـــــــــــــــــ...

السؤال الثانى: القصة
(6 درجات و نص )
من قصة ' وعهد الله ما انت داخل الانتخابات' .. اقرأ القطعة وأجب عن الآتى
(ثم
أتى إليه وضربه بالجزمة وقال: انت عايز تترشح فى الانتخابات يامعفن؟؟ دا انته
عايز معجزة..مش كفاية بتاكلوا لحمة ومستورين.. عايزين إيه تانى؟(

1-ما هى اللحمة؟ أو على الأقل حدد أقرب معنى خيالى لها

2-في ضوء فهمك معاني الكلمات في سياقها. تخير الاجابه اللي ممكن تطلع صح

معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت

3-عايزين ايه تاني؟! ...... سيب السؤال فاضي علشان مش هتلاقي اللي انته عايزه

4-حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا

ـــــــــــــــــ...

السؤال الثالث القراءة
) 9درجات و نص )

من موضوع ( الزعيم..والفنان.. والقدوة) اقرأ القطعة وأجب

(وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه

يرحب بالتوريث ومقتنع بكل سياسات الحكومة(

2-فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟

2-ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟

3-دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟

4-أكيد معزوم – طبيعى معزوم – وربنا معزوم.. اختر على أن تضع إيدك على المصحف وانت بتحلف للمراقب بتاع اللجنة

ـــــــــــــــــ...
السؤال الرابع البلاغه (12 درجه)
قال الشاعر لابشير
أبشير قل لي ما العمل ............................ واليأس قد غلب الأمل

قيل امتحان بلاغة..................................... فحسبته حان الأجل

وفزعت من صوت المراقب ......................... إن تنحنح أو سعل

وأخذ يجول بين صفوفنا......................... ويصول صولات البطل

أبشير مهلا يا أخي ............................. ما كل مسألة تحل

فمن البلاغة نافع .......................... ومن البلاغة ما قتل

قد كنت أبلد طالب ................................. وأنا وربي لم أزل

إذا أتتك إجابتي..................................... فيها السؤال بدون حل

دعها وصحح غيرها.............................. والصفر ضعه على عجل

1- اشرح الآبيات الثلاثه من النص بما لا يقل عن 90 سطر و باختصار علشان الوقت يا حبيبي
2-لماذا أكد الشاعر على القصد الشريف و النية الصادقة ، و علام يدل قوله ((الصفر علي عجل ))
3-استخرج من البيت الاول محسن و من البيت الثاني ايراهيم مبيناً نوع كلا ً
4-استخرج من البيت السادس صورتين فوريتين مبينا نوع الكاميرا المستخدمه ؟

ـــــــــــــــــ...
السؤال الخامس النصوص
(درجتين و نص)

أجب عن أحد النصين الآتيين
افرح يا معلم اختياري

من نص ( ماشربتش من نيلها)..اقرأ ثم أجب

(ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها

1-بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟

(المسيسبى - الأمازون – يونج يانج)

2-هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه

مكانه

3-أكمل الأبيات إلى آخر كحكة فى الكليب

4-قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى

ـــــــــــــــــ...

من نص (حين ميسرة)..أجب عن الآتى
..................
……………..
............................

1-اذكر اسم مصيبة واحدة محصلتش فى النص الأسود ده

2-وضح عبقرية أحمد بدير الإرهابى فى النص وهو بيكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر
التنفيذ بزرار قايمة ستارت مش بإنتر... اكيد ده كمبيوتر إرهابى ... المهم جاوب

اختر الاجابه اللي انته شايف انها مناسبه سعيده و حياتك
4-سبب وجود الشرطة كل خمس دقائق فى النص
(موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص)
ـــــــــــــــــ...

السؤال الخامس النحو
(5 درجات)

1-أعرب ما تحته خط.. اتصرف يا حبيبي

2-ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب

3-كان ممدوح إسماعيل قاتلا .. ضع إن مكان كان..بشرط ان لا تنصب ممدوح علشان هو منصوب عليه قبل كده

4-فُرِضت الضرائب علينا ببشاعة ..أعرب الجملة ..( أبوس ايدك ارفع الضرائب اعمل حاجه صح بقي)

انتهت الاسئله

قول لا اله الا الله ومش تقول والنبي تاني :evil: :evil:

ده انتا سيد العارفين :study: :study:

ههههههههههههههههههههههههههههههههههههههههههه والنبى ياشيخ لتشوف الاختبار المضحك اوى ده Icon_lol

مشكوووووووووووووووووووووورررررررررررررررر

والنبى ياشيخ لتشوف الاختبار المضحك اوى ده Icon_santa

راسب ان شاء اللة ومش بعيد يعتقل وهو دةحال البلد

thanks

هههههه

اقتباس :: -ما هى اللحمة؟ أو على الأقل حدد أقرب معنى خيالى لها

انا ملك اللحمة
تعرفها؟؟؟!!
اسمع عنها طشاش

اقتباس :: فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟

-ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟

الاستاذ عادل امام
استاذ فى المكن والعجل والموتسيكلات والعربيات والتريلات (Heavy Weight )
والطيارات
مش عاتق
عشان كده انا شايف انه يمسك وزارة النقل
الى جانب الثقافة والصناعة طبعا

وبالنسبة للبوسة تعملها يعنى ما يقلش عن ____ وما يزيدش على _____
تخيل انت بقى المبلغ ده يعمل اد اه بالمصرى

سبحان الله ناس بتدفع فلوس عشان تتباس
وتتظبط وتطلع السلم زى الرهوان
اكيد عشان اتباست من عادل امام بوسة حتى مطلع الفجر

وناس ياعينى غلبانة ما تعرفش يعنى اه بوس اساسا
واهم مشرفين عالمنتدى اخرهم نت وكمبيوتر
سيس يعنى

تسلم يا غالى على الموضوع الرائع
انا مش عارف ابطل ضحك
بقى علطول موارب