روايه الحب الامستحيل السابع

الفصل السابع

شوق بعد ماطلعت من غرفة اختهاااا نزلت تحت بالصالة .

.. جلست لعند امهاا

شوق / ماما ممكن سؤاااال
ام هشام وطت صوت التلفزيون / ايوه قولي وش عندك ؟؟؟
شوق / امممممم صاحبتي .. انخطبت بس اكتشفت بالأخير انه معه مرض السرطان طيب
ام هشام / بسم الله .. الله يكفهم ولا يبلااااانا ... طيب وبعدين
شوق وهي مرتبكة / ايوا ماما .. لما هي عرفت .. قال لها انه ماراح يستمر معها وراح يفسخ الخطبه
ام هشام / لا حول ولا قوة الا بالله .. طيب وفسخ ؟؟
شوق / امممم لسااا .. صاحبتي مررره تعباانة من هالشي لانها متععلقه فيه مررره وهو بعد .. علشان كذا يبغا هو يفسخ الخطبه قبل لا يتطور مرضه اكثر ويتعب اكثر ..
ام هشام / أي صح معه حق الولد .. يعني في الأخير ماراح تتعب الا صديقتك .. هذي .. والله يصبرها ويرزقها ويعوضها بولد الحلال ياارب اللي يسعدها وتسعده ..
شوق / انتي تشوفي كذااا
ام هشام / ايووه لا تتركيها صبريها من هالكلام وقولي لها ربي يعوضك فيه وهو لو مايحبها كان ملك عليها او تزوجها ورملها وهي في عمر الزهووور .. صحيح ان الاعمار بيد الله بس هالمرض .. اكيد ينخاف منه .. الله يشفي الجميع انشالله ..
شوق ( ماتدرين اني اقصد رنيم بهالكلاااام ياامااامااا ) / معك حق .. راح احكي معها وربي يصبر قلبهاااا يارب ...

ام هشام / شووق غريبة مانمتي العصر ؟؟ مو من عوايدك ؟؟
شوق / .. لا بس كنت افكر بهالموضوع .. واحاول اني اقدر اصبرهااا ..
ام هشام / منو صاحبتك ؟؟ أي وحدة فيهم .. مشاعل ولاااا دانه ؟؟
شوق شهقت ( بسم الله عليهم ) / لا ... ماما وحدة ثانية لسا متعرفه عليها ,, هي مو صديقتي مرررره لا .. بس كذا معي بالكلاس ..
ام هشام / ايواااا ..

::::::::::::

ندى اول ماطلعت من عند ريناد بعد ماهدئتهااا راحت لغرفتااا و دقت على لميس .. (

ندى وهي راااااااااايقه / مرحبــــــــــــــا
لميس / هلا والله هلا بهالصوووت ... شعندهم راايقين ؟؟
ندى / ههههههههه كيفك بس اخباارك ؟؟
لميس / بخييير ربي يسلمك انتي كيفك وكيف رنوود ؟؟ اكيد ناايمة الدايخة
ندى / انا كويسه ورنود ناايمة اكييييييييد
لميس / ههههههههه
ندى / ايوااا ماقلت لك بنطلع البر ,,
لميس / جد ؟؟؟ متى
ندى / بكرا الصباح البااااااااكر على قولة اخوي عبدالله
لميس / ههههههههههه جد اخوك التحفه شخبااره ؟؟
ندى / هههههههه ماعليك من اخووي نتي قولي لي كيف مسيو هشااااام ؟؟
لميس اول ماسمعت هشام حست قلبها قام ينبض بقووة / هاااا
ندى / مع وجهك ... اقولك كيف مسيو هشااااااااااااااااااام
لميس / هههههههه شوشو كوويس والله قبل شوي مكلمني
ندى / اهاااااااا وش قال لك ؟؟ وش قلتي له ؟؟
لميس / هههههههههههههههههههههه وش دخلك انتي لازم تعرفين يعني ؟؟
ندى / اقول بلا دلع واحكي غصب عنك ....
لميس / والله غصب عني بعد ؟؟؟؟ لا ماراح احكي لك ...
ندى / يالله بدت النذاله هالحين .. اقوول انا رايحة لعند امي احسن جد مضيعة وقتي معك يالهبلة ..
لميس / ندووووش لااا .. امزح معك ..
ندى تتثيقل عليهااا / انقلعي عني .. باي
بعد ماسكرت الجوال .. لميس / هههههههههه جد بااايخة تفكرني مااعرف حركاتها ... شووي وترضى

:::

ومن جهة ثانية .. رنيم .. وبغرفتهااا

وهي متكية عالسرير وعيونها مغرقة بالدمووع وعلى السرير صندوق صغبر في كل شي يخصها ويخص فيصل .. رسايل / صور / هدايا ..
صحيح هي ماشافته من كبرت الا مرتين مرهـ في مجمع قبل سنتين لما طلعت مع السواق السوق وراحت قابلته وعطاها صوره له ... والمرة الثانية لما طلعت معه بس بالسيارة لما عطاها خاتم الخطوبه وهو علشان كذا عطاها لأنه ماراح يخطبها من اهلها ولا شي لأنه مريض ومستحيل يكذب عليها او على اهله واهلهاااا .. واكيد ان عرفوا هو مريض ماراح يقبلوا فيه ابد ...
رنيم وهي ماسكه صورته / فيصل ليه !! جد انت مريض ؟؟؟؟ ماتقدر ترتبط فيني ابد ؟؟
افففففف ليه حظي كذا ؟؟؟ ..
اخذت الكلينكس ومسحت دموعهااا ../ استغفر الله .. ربي يشفيك ياافيصل ..
حطت الصورة بالصندوق وسكرته ... وحطته بالخزانة ..
اذن المغرب .. راحت تتوضآ علشان تصلي .. وتدعو ربها لجل فيصل يشفيه ..

::::

خلود وعبدالله جالسين بالصالهـ بسويتهم ,,, يطالعون التلفزيون ..

عبداللهـ / الا وين ريان وروان مالهم صوت ؟؟
خلود / طالعين مع (نوهاتا ) والسواق وداهم الملاهي ..
عبدالله عاقد مابين حواجبه / ليه ؟؟ مارحتي معهم ؟؟
خلود ببرود وهي ماسكة ريموت التلفزيون / لا مالي خلق ...
عبدالله عصبيه نااظرهااا / اتركي الريموت من يدك .. وقولي لي تاركتهم لوحدهم ؟؟
خلود ناظرته مستغربه / عبدالله .. معهم ( نوهاتا ) شفيك .. وحنا واثقين فيها من اول ماخلفت ريان هي معناااااا
عبدالله بعصبيه اكثر / كلمة والثانية ( نوهاتا ) الزفت .. ليه هي امهم وانا ماادري ؟؟ !!!!
خلود خافت من عصبيته اول مرة يعصب عليها كذااا / الحين بيجووون لا تخااف توني داقة عليهم وقالت حنا بالطريق ..
عبدالله / افففففففف ... انا ابغا اعرف من سمح لك تخليهم يروحون ؟؟ ليه انا بالبيت لووووووووووح ؟؟
خلود غرقت عيونهااا بالدموع وردت ببراءة / انا .. ماتوقعت انك راح ترفض .. وهم ظلوا يحنون على راسي وقلت لهم اووكي روحوا ..
عبدالله اشر وحط صبعه على راسهااا / مرة ثانية ياست خلوود ماتتصرفي بكيفك فاااااااااهمة
نزلوا دموع خلود على خدودهاا النااعمة وهزت راسها / اووكي
راح غرفته .. وجلس عالسرير .. ويقلب بأفكارهـ مين وشمال ..

(( يالله شفيني على خلود ؟؟ بس هي تستاهل ليه تطلع العيال بلحالهم ؟؟ وماتقولي حتى ؟؟ ))

(( طيب لو حصل لهم أي حاجة بعيد الشر عنهم اكيد هي المسؤوله و راح تتحمل غلطهاااا ))

(( ياااربي اول مرة اشوف دموعها تنزل ومااكفكفهم بيدي !!! ... يابعد قلبي ياخلود مو قصدي ... ))
(( بس .. مو مشكله .. علشان مرة ثانية تتعلم وتاخذه درس ,, انها ماتطلع العيال بكيفها ولوحدهم .. ))

::::

خلود ماسكة الكلينكس وتمسح دموعها (( آسفة يااقلبي ماادري انك راح ترفض !!!!! بس جد انا غلطانة المفروض مااتركهم لوحدهم ,, ........ ))

شوي الا يدق جرس الباب ..

راحت تفتح الباب بسرررعه ,, دخلت( نوهاتا) مع العيال

روان بحماس / ماماااا وناااااااااسه
ريان بحماس اكثر / لعبنا كـــــــــل الألعاب .. ياليتك معناااا
خلود بابتسامة صفراا / اهم حاجة انكم انبسطتوااا
روان وريان / ايووووووووووه كثييير ,,

سمع عبدالله صوتهم وطلع من الغرفة .. وجا في الصالة ..
روان وفي يدها عصير كوكتيل .. / بابا رحنا الملاهي بالفيصليه ...
ريان ركض لأبوه بسرعه وحظنه .. / ليه ماجيت ؟؟ ابغاك تلعبنااا وروان خوووافه ..
روان / أي ماابغا ارووح فووووووووق وبعيييد .. انت ماتمسكني ..
عبدالله .. وهو يناظر خلود من بعيد / مرة ثانية ياحلوين ماتروحون لوحدكم اوكي .. ياانا او امكم معكم ولا بلاش روحه من الأصل ..
روان وريان / طيب بابا ..
ريان / أي حنا مانبغا نروح لوحدنااا بس لأن اليوم ماما مشغوله ..
عبدالله ناظر خلود وبهدوء رد / شعندك مشغولة
خلود وهي منزلة راسها / لما قالوا كنت جالسة اجهز الأغراض لروحتنا البر بكره ..
عبدالله (( مااقدر انا اشوفك منزلة رااسك كذاا وتحاكيني .. من بعيد .. )) / طيب .. يصير خير ان شاء الله .. انا طالع ..

خلود (( اففففف .. يالله .. تراك مو حلووو وانت زعلااان .... نفسي اراضيك .. واجيك .. الحين ))

::::::

بو عبدالله في مكتبه .. الا يدخل عليه بووليد ( شريكه )

بو وليد / السلام عليكم ..
بوعبدالله وقف ومشى من مكتبه وسلم عليه / ياهلا وعليكم السلام تفضل ..
بوليد بعد ماجلس / ها شسوويت على موضوعنا ؟؟
بو عبدالله ( ولــــــــيه هذا اللي ماابغاه ) : والله لسا انت عطيتني يومين وانا قلت بفكر وبرد لك خبر ..
بو وليد يأستهزاء .. / ههههههههاي .. شنو تفكر .. يعني في احتمال انك تنقط بالسجن ؟؟
بوعبدالله بقلة حيلة / لا .. بس انا قلت راح اتصرف .. وانشالله راح اوفي اللي علي وتنحل مشاكلنا ..
بو وليد بجديه / تدري انك لو تبيع معرضنا اللي بالشرقيه بكبره مااح توفي شي من ديونك ؟؟؟
بو عبدالله (( عاف كل هالكلام بس يبغا يصرفه او يضيعه عن الموضوع .. عارف انه مهما باع وباع ماراح يوفي ديونه لأن كل مشترياته وصفقاته كانت سلف ودين من بو وليد .. ))
بو وليد / شفيك ساكت جذي ؟؟ <<<< جذي = كذا باللهجة الكويتيه
بو عبدالله / والله ماني عارف وش اقول لك .. طيب اصبر علي ..
بو وليد / لمتى بصبر .. انت كل سنة وتقول اصبر ,, يا معود انا خلاص مليت منك ابغا افك الشراكة .. كيفي !!
بو عبدالله / طيب انا اصلا حتى نصيبك بالشركة مااقدر اشتريه .. كيف تفك الشراكة ؟؟ حرام عليك يابوليد
حتى اهلي حسوا فيني .. اني متضايق وانا ماابغا اقولهم هالشي ..
بو وليد بعصبيه / مشكلتك انت مع اهلك انا شدخلني ,,شوف انا ابي اروح الكويت فااهم .. وابي ازوج ولدي وافرح فيه .. من وين لي انا الفلوس ؟؟ وانت كل شي عافسه لي هنا بالشركة ماظل شي الا ولاعب فيه .. وتتصرف على كيفك ليمن ضيعتنا ..
بو عبدالله / ليه ولدك وليد مو متزوج ؟؟
بو وليد / لاااااااا (( فكر شووي وبخبث اكثررر )) : الا اذا عندك عروس تعطيها اياها ماعندي مانع
بوعبدالله ارتبك .. / ايش ؟ عرووس ؟؟ ... لا لا ماعندي ..
بو وليد في باله شي .. لازم يسويه من زمان .. بس رد بهدوء ووقف من مكانه / اوكي انا اكلمك .. بعدين مع السلامة ..

وهو طالع من المكتب ويفكر بخبث وانانيه .. (( الحين انا ليه ماخلي وليد يتزوج وحدة من بناته و اتنازل عن ديونه .. والله فكره عالأقل تظل الشركة بأسمنا ونخليها فووووق على طول .. وان رفض لأخليه بالسجن حاله حال الحراميه .. والنصابين .. ))
بو وليد من الناس اللي ماهمهم الا سمعته بالسوق والناس .. ويستعد يبيع كل شي بس علشان مكانته تظل فووق

:::::::::::::

هشام وهو في محل الآثاث وغرف للنوم .. وهو يناظر كل شي ومحتاار مافيه حد معه ياخذ براييه ..

هشام / افففففف لو الحين اجي واروح واطلع مع لميس مو احسن ؟؟ الله يهديك يااعمي بس ..
اخذ الجوال من جيبه .. (( قلبي .. جاري الأتصال ...
لميس وهي جالسة عند امهاا بالصاله ودق جوالها ..
لميس / عن اذك ماما .. بكلم .. هشام ..
وركضت لغرفتهااا ..

لميس بأبتساامه / اهلييين ..
هشام بلههففة / ياهلا ومرحبا ... كيفك ؟؟
لميس / بخير دامك بخير قلبي ..
هشام / تسلمي واللهـ .. المهم ..
لميس / خير ؟؟
هشام / محتااااااااااار ابغا اختااار اثاث ماني عااررف ؟؟!!
لميس / ههههههههههههه جد والله
هشام / أي اضحكي وشعليك .. جالسة بالبيت ماعندك شي انا اللي كل شي علي ..
لميس / ياابعد قلبي والله .. طيب كان اخذت معك شوق ورنيم ...
هشام / لااا هذولا بس نووم والله وكسل ..
لميس / ياليت اقدر اطلع معك والله .. بس انت عااارف بالوضع
هشام / الله يكون بعووني ,, طيب حيااتي وشرايك غرفة النوم لونها بني محروق او بيج ؟؟
لميس / امممممممم انت شاللي يعجبك ؟؟
هشاام / (( آآآآهـ )) مايعجبني الا انتي وصوتك النااعم هذااا
لميس سكتت مستحيه ينقال عنهاا / ....
هشام / لميس .. وينك ؟؟
لميس ( ياحلاة اسمي بفمك ... ) / ايواا معك ..
هشام / اووكي حبيبتي انا راح اختار وامري لله .. بس ماعليك يعجبك ذووقي
لميس بدلع / اكيد مو انت اللي اخترتني اكيد ذووقك حلوو
هشاام / ههههههههه ماشالله عليك وااثقة ..
لميس .. / ههههههههه أي اكيد ..
هشام سكت شووي وبعدهااا قال .. / احبك
لميس نزلت رااسها وكأنه هو موجود جنبهااا ... ((( امووت فيك ))) / يااقلبي انت ..
هشام / اووكي لموو انا اخليك .. هالحين طيب
لميس / اووكي حبيبي انتبه على نفسك بااي ,,

بعد ماسكرت الجواال .. تنهدت واسترخت وتمرجحت بالكرسي الموجود في ركن غرفتهااا ..

::::::::::::::

الساعة 10 مساء

,, وبالضبط في بيت ام حسام .. <<< ام حسام هذي خالة ريناد اووكي .. وهالبيت اللي عاشت فيه ريناد قبل وفاة امهااا ..

ام حسام وهي تكلم ولدها حسام وجالسين بالصالة البسيييطه .. وجلسه ارضيه ..

ام حسام وهي تناظر التلفزيون / والله اشتقنا لريناد ..
حسام ( بالحيييييييييييييل اشتقت لهاا ) / أي .. صحيح اهي مادقت ولا سألت ؟؟؟
ام حسام / لا .. من اخذها ابوها وهي لا حس ولا خبر .. تقول محنا اهلهااا
حسام .. / شرايك تسألي عنهاا وتطمني عليهااا مهما يكون هذي بنت خالتي .. ولازم ندق عليهااا
الا تدخل اخته ( دانه ) / خير شفيكم ؟؟ من تبغون تدقون عليه ؟؟
ام حسام / ريناد بنت خالتك ...
دانه / ووووووع وشاللي ذكركم فيهاا انا ماصدقت طلعت واستوحدت بالغرفة لوحدي ..
حسام / مالك دخل انتي .... امي تبغا تطمن عليهااا
دانه ( بخبث )/ ههههههههههههههههههه ضحكتني امي ولاااا انت اللي تبغا .. تطمن عليهاا
حسام بعصبيه / قلت لك مالك دخل .. وانقلعي عن وجهي .. مو فاضي لك ..
ام حسام / شفيك على اختك .. ماقالت شي ..
حسام وهو يناظر دانه بحقد / هي عاارفه وش فيني ..
دانه بلا مبالاة / هههههههههه قول مشتااق لها ومشتاق انك ..
حسام قرب من دانه وعطاها كف محتررررررررم
دانه بعصبيه / كسر انشالله ...
ام حسام / صلواا على محمد ياللللللللللله وبلا كلام فااضي ..
حسام ودانه / الف الصلاة والسلام عليه ,,
دانه / مرة ثانيه من شفتك ماد ايدك علي لاتلوم الا نفسك فاااااااااااهم
حسام / ضفي وجهك .. لأجي ادوس ببطنك الحين ..
دانه / اذا فيك خير تعال .. وجررب
حسام / ايا بنت اللذين .. وصار لك لسان بعد . . يالله روحي ضفي وجهك بغرفتك لأخليك تندمين انك تكلمتي
دانه ببرود / انا رايحه بس ماراح اروح غرفتي ... لااااااا طالعه عند صاحبتي .. ( اشرت بيدهااا ) بااااااااي .. (وطلعت )
حسام / باللي مايحفظك ..
ام حسام / عماا وشفيكم انتم ؟؟؟ بسكم هوااش خفواا شوي عالأقل احترموا وجودي بينكم
ام حسام / مانتي شايفتها والله قليلة ادب .. صايرة قوويه ماتدري اني اقدر اكسر راسهااا .. بس اليوم بلاها ماني فاضي لهاا ..
ام حسام / الله يهديكم بس ,,
حسام ..اخذ سماعة التيلفون .. / تكفين يمه دقي عليهاااا ..
ام حسام ببلاهه / منوو
حسام / نسيتي ؟؟؟ رينااد ... دقي عليهااااااااا
ام حسام / طيب .. عطني التليفون ,,,
ريناد بالصالهـ ومسترخيه عالكنبه .. وجنبها ندى .. جالسة .. وجنبها بالطاوله شيبس ليز ملح وخل ..
ندى / اقوول رنود بيبي شخبار ريهام .. ؟
ريناد / اوووهـ رهوومه الحين تلاقينها ناايمه .. وماتصحى الا آخر الليل ..
ندى / هههههههه أي عاد هي فقرانه نووووم ..
ريناد / ايووهـ
ندى / وشفيك منسدحه كذاا قومي اجلسي .. كلي شبس ..
ريناد / ماالي نفس ..
ندى / اشووف هالكابوس اللي جاك قالب نفسيتك ..
ريناد .. / اسكتي لاذكريني .. ابغاا انسى .. وتـ ....
الا يدق جوالهااا ... اخذته من جنبهاا .. وجلست ناظرته / منوو ؟؟ رقم غريب .. ندووش بلييز ردي
ندى / لااا جوالك ردي انتي وش دخلني انااا
ريناد / افففف ... ..
ريناد بهدوء / الو
ام حسام وهي متحمسه / ياهلا ريناد شخباارك ؟
ريناد عقدت مابين حواجبهاا ... وناظرت الجوال والرقم .. / ايوا .. هذا رقم بيت خاالتي
ندى بابتساامه / جد والله
ريناد رفعت الجوال وقربته من اذنها ثانيه وببرود / اهلا وسهلا2

خالتي
ام حسام / اشتقنا لك .. والله شدعوة لا تدقين علينا ولا تزورينا ؟؟ انا مو خالتك ؟؟
ريناد بعصبيه / ايش ؟؟ ليه اجي عندكم وش الطااري انشالله ؟؟
ام حسام / افاااا رنوود نسيتينااا وتكبرتي علينااا ؟؟
ريناد / لااا انا مانسيتكم ومانسيت وش سويتواا فيني .. وعارفه ان حسام هو اللي قالك دقي عليهاا صح ولا لااا ؟؟
ندى تناظر ريناد ومستغربه من اسلوبهااا / ؟؟؟؟؟؟؟؟؟؟؟؟
ام حسام / .. أي .. صح .. بس ياريناد اللي راح رااح .. وحسام مـ
ريناد قاطعتهاااا / بس كفايه لا تكملين ... (وبنبرة رجا وخوف ) .. خالتي بلييز ابعدوا عني انتي وولدك وبنتك .... خلاااص ماابغااكم .. انا مرتاحه ببيت بابا ..
حسام اخذ السماعة من ايد امه / ريناد ..
ريناد ارتبكت كثيير وشفايفها ترتجف ورمت الجوال على ندى / حساااااااااام
ندى / شفيك ... بسم الله ..
رفعت الجوال .. مسكي حاكي اهلك .. انا رايحه غرفتي .. خذي رااحتك .. (( ندى حست ان في مشكله بينهم .. ))
ريناد / لااا ماابغاا سكري خلااص ..
حسام / ريناااد .. وينك ؟؟ (( مشتااق لك ابغا اسمع بس صووتك ... ))
ريناد اخذت الجوال من عند ندى وسكرت الخط ..
ندى / ؟؟؟
ريناد وبعيونها دمووع .. / ندى .. بلييز لا تتركيني .. ماابغاهم مابغا ياخذوني .. ..
ندى قربت من اختهااا وحظنتها بحناان / رنوود حبيبتي .. وشفيك ؟ ماراح ياخذونك .. ليه انتي خايفه ؟؟
ريناد / (( آآآهـ ياندى نفسي احكي لك واقول لك كل اللي بقلبي .. بس مااقدررر )) / تقول خالتي نسيتينا وتعالي زورينااا ... وانا ماابغا اروح لهم ابد ...
ندى / .. اووكي ريناد .. ماعليك منهم .. اذا ماتبغيهم راح ينسوونك مع الأيام ..
ريناد / ياارب الله يسمع منك ... (( اكرهكم .. اكرهك ياحسام ... وانتي يادانه ... ))

:::

ام حسام / ماقلت لك هذي عنييييدهـ طالعة لأبوهااا
حسام بخبث / بسيطه .. مردها ترجع لهالبيت ثانيه ..
ام حسام عارفه خبث ولدها / اذا في بالك شي مو زين ياحسام والله لا انت ولدي ولا اعرفك ..
حسام / هههههههههه لا خير انشالله .. انتي ماتعرفين ريناد شنهي بالنسبه لي ..
ام حسام / عاد ياليتها مقدره هالشي .. ماتشوفها بس كلمتها طبت فيني وكأني عدوتها مو خالتهاا
ومن كلمتها سكرت الخط بوجهك ..
حسام / هذي بزرهـ ماعليك منها تنسى بعدين وترجع تكلمك ..
ام حسام / لا والله استقوت من راحت لأبوهااا .. صار لها لسان .. هذا جزا المعروف .. !!
حسام / انا اللي راح اوقفها عن حدهاا واخليها كيف تعرف تسكر الخط بوجهي مرة ثانيه ..
ام حسام / لااا بلا مشاكل .. نسيت المشكله اللي صارت بغيت تروح فيهاا ..هذا بس لأنك توددت لهاا وشوف كيف قابلتك ..
حسام بعصبيه ووقف من مكانه / اففففففف ماعليك يايمه قلت لك هذي بزره وماتعرف تثمن كلامها ...المهم انا طاالع مع الشباب ..

::::::::::::::

عبدالله وصل البيت صعد فوق .. عند ريناد وندى بالصالهـ ..
عبدالله / السلام
ندى وريناد / وعليكم السلام ..
عبدالله / كل الأغراض جبتها تحت بالمطبخ اووكي ولا تنسون بكرا بنمشيمبكر عا7 طيب
ندى / يعطيك العافيه ياخوي ماتقصر
عبدالله ناظر ريناد .. / ريناد شفيك ؟؟
ريناد وجهها ذبلان .. / مافيني شي ..
عبدالله قرب منها ورفع وجهاا اللي منزلته / علينااا ؟ تراني افهمك ..
ريناد حسته انه قريب لها والسند لهااا قرت تحكي له .. / عبدالله .. خالتي ام حسام دقت وتبغاني ازورهم وانا ماابغاهم ابد
عبدالله بحنيه / ليه ؟؟ بس هذولا اهلك ويذكرونك بالوالده الله يرحمها
ريناد بعصبيه / لااا هذولا يكرهووني صدقني ..
ندى .. تهدئ الوضع شوي ... / ريناد حبيبتي ماراح ياخذونك وبابا هو اللي جايبك هناا مايقدرون ..يـ ..
عبدالله / طيب هم مااجبروك .. خالتك بس تبغا تطمن عليك يمكن هي مشتاقه لك .. انتي من جيتي مارحتي لها ابد وتلاقيها تحاتيك بس ..
ريناد (( اعرفهم ماوراهم الا الشررر ))
ندى / ايواا صح .. هي بس تبغا تطمن عليك .. لا تقسين كذااا .. تراك ابد مو جاية عليك القسووه
عبدالله / هههههههه مشكلتك ياريناد كل شي يبان في ملامح وجهك .. ان كنتي متضايقه او لااا
ريناد ابتسمت ابتساامه بريئه .. وهي مبسوطة كثير من كلام اخوها عبدالله واختها ندى .. وهدئوا من خوفها شوي ... (( ربي لا يحرمني منكم ابد .. ))
ندى تلتفت على اخوهاا / عبدالله صلحت خلود الحلى ؟؟
عبدالله ارتبك .. / هااا ماادري عنهاا
ندى / شفيك بعد !! انت ماتقول ماادري عنها الا فيك شي معهااا ؟
عبدالله / لاااا مافي شي انا رايح تامروني بشي
ريناد / تسلم يااخوي ..
ندى / مانبغى غير سلاااااااامتك ..

:::

خلود بالمطبخ تصلح ( تشيز كيك ) ..

دخل عبدالله الصاله مالقاها ودخل المطبخ ..
خلود ماتكلمت .. سااكته .. وفي يدها الصينيه مشت بتدخلها بالفريزر ..
عبدالله شافها بتجي عند الفريزر وقف بجنبه ..
خلود ناظرته .. / ابعد بحط الصينيه داخل ..
عبدالله ببرود / لااااااا ماراح ابعد ..
خلود مدت الصينيه له / طيب خذهاا انت حطها داخل ..
عبدالله بابتسامه / ماراح آخذها .. حطيها انتي ..
خلود / عبدالله بلييز ابعد شووي
عبدالله وهو يناظر بالصينيه ورد عليها ببرود / امممممممممم شكله لذيييييييييذ
خلود على اعصابهااا / افففففففففف
عبدالله رفع حاجبه اليمين وهو يتأمل شكلهااا وهي معصبه
خلود / اوكي خلك هنا لزحزحت من مكانك حطها .. ( حطتها عالطاوله .. )
عدالله بابتسامه / تعاااااااااااالي هذاني بعدت ... يالـله حطيهااا ..
خلود رجعت واخذتها وقربت من الفريزر الا يجي عبدالله بسرعه ويوقف .. مرة ثاانيه !!
خلود بابتسامه / قسما بالله مانت صاااحي
عبدالله بخبث / (( ياحلاتك وانتي مبتسمه .. )) / ببعد بس بشرط ...
خلود / بعد بشرووط ؟؟
عبدالله / اسمعي انتي اول
خلود / حراام عليك تعبت وانا ماسكتهاا ... ابعد
عبدالله / لا لا لا .. مو اول تقولي آسفه .. (يأشر على خده ) وبوسه بعد ..
خلود / اووكي آسفه
عبدالله برود .. / بس ؟
خلود / اهئ اهئ آسفه ماعاد اتصرف مرة ثانية من كيفي .. خلاااص ارتحت
عبدالله / امممممممم لاااا ماارتحت قلت لك ( يأشر على خده )
خلود / طيب بالأول ابعد .. خلني احط اللي بيدي ..
عبدالله / نووووووووو (( امووت بتغليك هذااا ))
خلود (( وربي مجنوون )) قربت منه باسته على خده بسرعه وابتسمت / هاا .. ابعد يالله .. تعبت والله جد
عبد الله يأشر على عيونه البنيه الواسعه / من عيوووني
بعد منها وحطت الصينيه داخل الفريزر
عبدالله قرب من خود وحظنهااا / خلود حبيبتي آسف صارخت عليك اليوم والله مو قصدي
خلود / لااا انا اللي آسفه ,, وربي لوو ادري انك راح ترفض ماخليتهم يروحون لوحدهم ..
عبدالله / خلاص انسي الموضوع ..
خلود / اووكي حيااتي ,,

::::::::::::::::::::::::::::::::::::::

ريهام او ماصحت من النوم اخذت جوالها تحكي مع صديقة عمرها ريناد ..
توأم روحي .. جااري الأتصال ..
ريناد وهي متكيه على السرير وبحظنها صورة امهاا .. اخذت الجوال وردت ..
ريناد / هلا واللهـ
ريهام / اهلييييييييييييين حياتي .. كيفك ؟
ريناد / بخير ربي يسلمك
ريهام / وحشتييني موووت
ريناد بهدوء / وانا اكثر
ريهام / رنوده وشفيك صوتك متغير مو على بعضك ؟
ريناد بجديه / لا مافيني شي لا تشيلي هم
ريهام / قولي لي بس منو مضايك وانا اوريك فيه
ريناد / ههههههههه تسلمي والله ... المهم رهووم بكره عبدالله بيودينا البر
ريهام / جد والله ونااااااااااااسهـ
ريناد / ايووهـ نغير جووو قبل الأختبارات ,,
ريهام / ياحظك .. انا ماعندي لا اخوان ولا خوات ... وحيدة ماما ياليت يطلعوا لي اخوان فجأة مثلك
ريناد / هههههههههههههههههههه جد هبله
ريهام / لا بالعكس حلوووو والله ..
ريناد / صاادقة والله احس اني مبسوطه هنا مع ندى وعبدالله
ريهام / دووووووم يارب .. وندى جد مافيه حد مثلها الله يخليها لك ..
ريناد / آميييييييين

ندى بغرفتها وتفكر بكلام ريناد .. وبردة فعلها لما كلمتها خالتهااا ..
(( وشفيك ياريناد كذا قالبه عليهم ؟؟ وش اللي عاملينه فيك ؟؟ يالله ريناد تراك غاامضه
نفسي اسألك بس اخاف احرجك .. ابغاك من نفسك تقولي لي اللي بقلبك ... آآآآهـ ياريناد انا حاسة فيك والله وحاسة انك تتألمين من دااخل .. بس ليه ؟؟ هذا اللي ابغا اعرفهـ ... ))

» روايه الحب الامستحيل التاسع
» روايه الحب الامستحيل العاشر
» روايه الحب الامستحيل الثامن
» روايه الحب الامستحيل الجز الاول
» روايه الحب الامستحيل الجز ء الثانى