روايه الحب الامستحيل الثامن

الفصل الثامن

راكان بالغرفة وبحظنه اللاب توب ومتكيء عالسرير ..
دق جوالهـ اخذه من على السرير .. عماد .. يتصل بك
راكان بهدوء / اهلا وسهلا2

عماد
عماد / هلا والله كيفك ؟؟
راكان / بخير واللهـ
عماد / شفيك شكلك مشغول ؟
راكان بعد اللاب توب وحطه على جنب / لا والله بس جالس عالنت .. والمنتدى
عماد / هههههههه وهذا اللي عرفته فيك .. المهم بتروح الكوفي شوب ؟
راكان ناظر الساعة / لا لا الوقت متأخر شوي .. الحين بنروح شوي ونطلع .. خلها وقت ثاني
عماد / على رااحتك .. بس والله طفشاااااااان وتعباااااان الف
راكان / شفيك ؟؟؟ وش اللي متعبك ؟؟
عماد يتنهد / آآآآآآهـ تدري اني نفسي اجلس عند بيتهم وانتظرها بس تطلع .. علشان اكلمهااا
راكان / هههههههههههههههههههه من جد انت ؟
عماد / أي والله ... بنت الفارس ماخلت فيني عقل بالمرررهـ
راكان يتمسخر / هههههههه الله يهديك ويعقلك ..
عماد / أي انا مو ماخذ منك الا الضحك وبس ..
راكان / لا بس حكيك يضحك ..
عماد بنرفزة / وانا حاكيلك نكته ؟؟ اوول انا الغلطان اللي احكي لك كل حاجة
راكان / ههههههههههههه تعااال وشفيك زعوول هاليومين
عماد / من حركاتك .. البايخه ..
راكان بجديه / عماد ... اقول حاجة واتمنى انك تفهمني كويس
عماد بإصغاء / هلا قوول راكان ..
راكان / شوف اذا انت على قولتك تحبهااا وتبغى تتزوجهااا .. ليه ماتحكي لأمك تحكي لهم .. وتتقدم تخطبهاا مو احسن لك ...
عماد / ايووهـ اكيد راح يكون هالشي بس مو لازم قبل احكي معهااا .. اتقرب منها .. و ..
قاطعه راكان وبجديه اكثر / عماااااااااد .. لا تفكر ان كل البنات مثل اللي تعرفهم .. لاااااااااا مو كل بنت تقبل بهالشي ..
ومو كل بنت يرضيها ان لما تتقربوا مع بعض بكل بساطه تقول لها انك ماعجبتيني والسلااام ..
عماد / راكان بس هالمرة انا جاااد ومتأكد من كلامي ,,
راكان / وش اللي يثبت ؟ مو بعيدهـ انك بعد ماتحكي معها وتتقرب منها بالأخير تمل منها وتقول لها انك مو اللي في بالي وانك ماعجبتيني ... مو هذا اللي صار مع خويتك .. دانه
عماد (الله يقرفك ذكرتي فيهااا ) / بس دانه غيييييييير هي تعرف كذا واحد وتطلع وتحاكي وماهمها الا الفلوس .. والخرابيط ..
راكان / المهم حبيبي رااجع نفسك .. واذا شفت نفسك جاد مليون بالميه .. انا اللي بروح معك ونخطبها لك .. بعد وش تبي ؟؟
عماد / الله يخليك لي .. اكيد ياركان راح تعرف اني جاد بكلامي .. وبمشاعري بعد .. وبتشوفني اني قدها وقدود انشالله
راكان / الله يتمم بخير انشالله ..
عماد / ياارب ... اوكي الركني <<< ( لقب راكان عند اصحابه ههههه ) شرايك بكرا نروح البحرين في فيلم رهيييييب .. نغير جووو والله ..
راكان بحماس لأنه يعشق الأفلام / جد والله .. اووكي رايح معك .. بس خلها بعد صلاة العصر ,,
عماد / اوووووووكي مو مشكله .. يلااا تصبح على خير ..باي

:::::::::::

شوق بغرفتها تذاكر للأختبارات .. دخلت عليها رنيم ..

رنيم / ها مانمتي ؟
شوق وهي تتثاوب / لا والله لسااا ( رفعت الكتاب ) هالفصل عذاااااااااااااب
رنيم جلست عالكنبه جنبهااا واسترخت

رنيم / انا ابغا انام بس مو جاي لي ...
شوق بهبال / ناديه واضربيه لعاد يتأخر عليك مرة ثانيه ,, هههههههههه
رنيم / بلا هبااال ... اتكلم جد ..
شوق / والله !! وش اللي تفكرين فيه ..ان شاء الله
رنيم وهي تتنهد / فيصل
شوق التفتت عليها بسرعه / يالمجنونه خلاااص انسيييييييييييه
رنيم / كيف انساه وهو عقلي وروحي ,, كيف انساه وهو كل شي بالنسبه لي ..
شوق بجديه / رنيم .. احسن لك روحي امسكي لك كتاااب وبلا كلام فااضي ..
رنيم / ماااقدر حاااولت والله .. بس هو بتفكيري وملازمني في كل حاجة ..
شوق ناظرتها نظرة حاادهـ / مو بكيفك ,, انسيه ترى والله راح تتعبي كثيييير
رنيم عدلت جلستهااا / انا الغلطانه اللي احكي لك .. اصلا انتي ماتعرفي الحب وطول عمرك ماراح تحبي ولا حتى تنحبي ..
شوق / والله اذا هذا الحب بلاااااااه ماابيه ..
رنيم بكبرياء / ولا يحصلك هووو .. انا طاالعة احسن لي .. طلعت وسكرت الباب بقوووهـ
شوق / مجنوونه والله هالبنت .. الله يهديها بس ....
دق جوالهااا .. بنغمة نوكيااااا الممله اخذته من على الطاولهـ ..
دانه .. يتصل بك ..
شوق / هلا والله
دانه / اهللين شوواقه كيفك
شوق / بخير والله .. انتي كيفك ..
دانه بخبث / والله عالي العاااال ..
شوق / مروووقه اليوم .. شعندك
دانه / وش اقولك ياشوق مبسوووووطه مررررررررهـ
شوق / ههههههههههه دووم يارب
دانه / حبيت تكوني معنا بالسهرة ,, راح تنبسطي اكييييد
شوق / وين ؟ يالخاينة سهرانه مع مشاعل وماتخبريني ؟؟
دانه وبيدها كاس خمرررر <<< هالبنت بااايعتهاااا / هههههههههههههه أي مشاعل انا مو عند مشاعل ..
شوق / هااا ؟ اجل وينك ؟؟
دانه بهستيريااا / ههههههههههههههههههههههههههههههااااااااااااااي
شوق / الحمد لله والشكر ... وشفيك ..
دانه / تعرفي انا وين ؟؟
شوق بحماس / ويين .. ؟؟
دانه / هههههههههههههه شله بناااااااات وشبااااااااب ونااااااااااااااااااسه يااشوق ياليتك معنااا
شوق عقدت مابين حواجبه ( من جدها هذي .. ) / ايش ؟؟ شبااااااااب ؟؟؟
دانه بعد ماشربت الكاسه كلهاا صار كلامه بطيء وحرف طالع وحرف نازل / ايوااا تعالي معنا والله راح تنبسطي مو انا صاحبتك .. ولا اهوون عليك .. صدقيني ماراح تندمي ابد .. وراح تقولي دندونه قالت
شوق مو مستعوبه اللي تقوله دانه .. / هااااااااا طيب انتي من متى مع هالشله ؟؟؟؟؟؟؟؟؟؟؟
دانه / ههههههههههههههههههه من زمااااااااااااااااااااااااان ..
شوق صدقتهااا لأنها تسمع في ازعااج جنبهاا واغااني وضحك .. وفي نفس الوقت مصدومه منها طول الوقت بالجامعه معها وماحست ان عليها حركات ماصخه وبعصبيه ردت عليها / من جدك انتي .. ماتخافي على نفسك ماتخافي على سمعتك وسمعة اهلك ؟؟ وش اللي تسويه بحالك ..
دانه بلا مبالاه وماهي حاسه بنفسها ومع من تحكي / ههههههههههههههه وش اللي تخربطين انتي .. اقول آخر مرة تدقين علي وآخر مرة احكي معك ولا اقولك ترى رقمك طالع عندي .. ومن بكره بفضحك .. عند اهلك ..
شوق / الحمد لله والشكر .. وش جالسة تخربطي انتي ؟؟ الله يستر علينا بس
وقفلت الخط ..
شوق / ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ماهي قادرة تستوعب الموقف .. هذي دانه صاحبتها يطلع معها كل هذااا ..
وتذكرت حكيها بالجامعه انها تغلط احيانا وتطري الخمر و الشباب بس كانت تفكرها تمززح معها وتستهبل شوي عليهاا
مادرت انها صادقه بكل شي ,,
شوق / (( يالله كل هذا يطلع معك ياادانه ... والله انصدمت فيك بالحييييييييل .. الله يستر منك .. لايكون مشاعل معك بعد ؟ لااااااااااااا .. ياااربي ماتكون معهم ؟؟ مو مستعدة اخسر الثنتين .. كفاايه والله ..... ))

:::::::::::::::::::

وفي صباااح جديد ..

صحت ريناد من النوم بعد ما كان ثقيل عليهااا .. تروشت وطلعت لبست برمودا زيتي وبلوزه لونها اصفر طااالعة كيووت .. مشطت شعرهاااا ورفعته بطريقة عشوائيه وزينت شعرها بأكسسوارات نااعمة ... وماحطت شي بوجها الا كحله داخل عيونها وغلوس خفيف ...

طلعت .. نزلت لغرفة الطعام تحت ,,
هنا جالسة ام عبدالله مع ابوهااا على طاولة الطعام .. يفطرواا

ودخلت بهدوء
ريناد بابتسامة / صباح الخير ..
بوعبدالله وام عبدالله / صباح النور
جلست ريناد على الكرسي ..
بو عبدالله / هلا والله ريناد صاحيه بدري اليوم ؟
ريناد / ايواا بابا علشان البر .. بتروح معنا ولااا
بوعبدالله / لااا ماني رايح عندي شغل كثير اليوم ..
ريناد وهي عابسه وجهها / لاااا بابا تكفى .. رووح معناا
ام عبدالله / ماتسمعي وش يقول عنده شغغغغغل
ريناد التفت على خالتهااا وردت بهدوء / ايواا عارفة بس حابة يكون معناا
بوعبدالله / بلاها اليوم .. وقت ثاني انشاللهـ .. الا وين ندى عنك ؟
ريناد / ندى تتروش .. وبتنزل هالحين ..
بو عبدالله / متى راح تمشون ؟
ام عبدالله / الساعة 8 تقريبااا
بوعبدالله / ومتى انشالله بترجعون ؟
ام عبدالله / والله ماقالت لنا بوريان .. يمكن بالليل او بكرا الصباح
ريناد شهقت / بكرااا ؟؟ لااا كيف ننام هناك بالبر .. بصراحه اخااااف ..
ام عبدالله تناظرها بقووة / تخاافين ؟؟ لا حنا متعودين ياماما ننام هناك ..
ريناد / جد ؟؟
بوعبدالله / لا مايحتاج تنامون .. بالبر .. وبهالمخيمات .. هنا اريح لكم ..
ريناد تناظر ابوها / ايواا بلااها
ام عبدالله متنرفزة / مو على كيفك انتي .. انا وعيالي نبغا ننام هناك احسن .. ومن الصباح بكرا نمشي ..
بو عبدالله بعصبيه / وبعديييين ؟؟ احترموا وجودي عالأقل
ريناد نزلت راسهااا
ام عبدالله / ماتشوف بنتك تبغا تمشينا على كيفهاا ..
ريناد رفعت راسها بسرعة وناظرت ابوها وهزت راسها بالنفي ..
بوعبدالله / وهي وش قالت ..؟ انا اللي ماابغاكم تنامون هناك انتي ماتفهمين ...؟؟
ام عبدالله وهي معصبه / طيب ... طيب خلاص .. اسكت احسن لي
دخلت ندى وهي مرووقه / قووووود موووورنينق
الكل / ........... هدوووء ..........
ندى قربت من الطاولة / شفيكم ؟؟ خير ؟؟ لاتقولوا مافيه رووحه البر
ام عبدالله / الا بنرووح ..
ندى تناظر ريناد / وشفيكم سااكتين ؟؟
بوعبدالله / اجلسي وافطري يلااا وانتي ساكته ..
جلست جنب ريناد بهدووء ..
ندى / ريناد شفيكم ؟
ريناد / لااا ولا شي ..
بوعبدالله يناظر ام عبدالله / المهم نووم بالبر ماافيه اووكي
ام عبدالله ردت عليه وهي متغصبه / طيب ..
ندى / أي احسن مانبغا ننام
ام عبدالله فتحت عيونها كثير وناظرت ندى بقووة / اسكتي انتي
ندى / ؟؟
بو عبدالله بعد مااشرب كاس مويه .. / انا طالع تامروني بشي
الكل / سلامتك ..

::::::::::::::::::::::

عبدالله بعد ماصحى من النوم تروش ولبس بدله برتقاليه وبرمودا بيج .. وجلس يفطر مع خلود وروان وريان ...
عبدالله يناظر الساعة / 7ونص يلاااا اجهزواا
خلود وفي يدها كاس عصير برتقال .. / كل شي جااهز .. حتى ندى وريناد دقيت عليهم وصحيتهم
عبدالله وهو ياكل كلوب ساندويش / اهاا كويس ..
روان / بابا بروح انزل اقول لهم يجهزوووا ..
ريان / ايوااا وانا بابا
عبدالله / لااا .. كملوا فطوركم بالأوول
ريان / خلصت .. فطرت
خلود / لااا وش قال بابا ... يلااا حبيبي كمل التوست اللي بيدك ...
روان / ماما عطيني عصير فراوله ..
خلود وهي تمسك خدود روان / اموووت انا بالفراوله اللي اهي انتي
روان / هههههههههههههه
ريان غاااااار / وانا الكرز ..صح ؟
عبدالله سكر من الضحك / ههههههههههههههههههههههه
خلود بابتساامه / يااقلي انت واللهـ ,, انت الكرز والتوت بعد ...
عبدالله يناظر خلود ببراءة / واناااااااااا
خلود / ههههههههههههههههه حتى انت بعد !!
عبدالله / هههههههههه أي يحق لي تدلعيني مثلهم ..
خلود بابتسامة / اكيد .. يااقلبي
عبدالله مسك كفوفها بحنان وباسهم ..
خلود / عبدالله .. ( وهي تناظر في روان وريان ... )
عبدالله / وانا وش سويت عاادي .. مو عيب ..
خلود / أي بس اثقل شووي ..
عبدالله بعنااد وهو ماسك كفوفها / مااااني بثااقل كيفي .. .
خلود / هههههههههه ( وربي مجنوووووووون .. )
بعد ماترك كفوفها بهدوووء وقف من مكانه / اووكي انا ناازل جهزي العيال وانزلوااا بسررعهـ

::::::::::::::

وفي بيت بو هشام ..

رنيم طبعااا لحد هالحين نايمة وماتصحى الا العصر ...
وراكان .. نااااااااااااايم .. مايصحى الا الظهر
وهشام اكيد صااحي ,, يجهز ويأثث ومحتااااس مررررهـ الله يعينه
وشوق ... من شوي صااحيهـ .. ونزلت تفطر مع امها وابوها ....
بعد مافطرت جلست بالصالهـ وفتحت التلفزيون وهي طفشاانه كثير بس جالسه وتغير بهالمحطات ..
ناظرت جوالهااا .. (( الحين جد دانه تعمل كذااا ؟؟ والله ماتوقعت ابد .. اففففففففف وش اسوي ؟؟ كيف اتأكد ؟؟
.. بس انا سمعت وهي تحاكيني ازعااج وصوت شباب وبنات .. واغاني .. !! لا ولا حكيها جد كأنها سكرانه !!!!
مو معقوله هذي مو دانه اللي اعرفهااا !! انا وش اللي رماني عليهااا .. من جد بنت مااصخة وقليلة ادب .. انا لازم اكلم مشاعل واتأكد .. ))

اخذت جوالهااا ودقت عليهاا ..

Mashael... جاري الأتصال .. بعد 5 رنات ..ردت عليهاا

مشاعل وباين عليها انها توها صاحية من النوم / الوو
شوق / اهليييين ((( يؤ يؤ وشفيني دقيت هالوقت كيد صحيتهاا !! ))
مشاعل / هلا شووق
شوق / ياهلا فيك .. سوري شكلك ناايمة يالدبه ؟؟
مشاعل / لاااااااا عااادي
شوق / خلااااص رووحي كملي نومتك لصحيتي حاكيني اوكي
مشاعل / والله انك باايخة .. خلاص صحيتيني .. قولي وش فيك داقة علي من هالصباح ؟؟
شوق / اووكي مشاعل بقولك بس بليييز تقولي الصدق ..
مشاعل عدلت جلسها واتكت على السرير .. / احم احم (وهي تعدل صوتهااا ) شنوو قولي
شوق / البارح طلعتي مع دانه ولا ؟؟
مشاعل مستغربه / مع منوو ؟؟ داانه ؟؟ لااا ماطلعت .. واصلا انا مااطيقهاااا هالبنت ترى بس لأنك عزيزة علي انا اسايرها واجاريها علشانك ...
شوق / جد ؟؟ وش فيها هي ليه ماتطقينها اا ؟؟
مشاعل / بس والله .. أني ماارتاح لهااا وتصرفاتها ماتعجبني ابد ... بس تعالي ليه تسألي ؟؟
شوق بعد ماتأكدت ردت عليها بهدوء / تخيلي ياامشاعل البارح دقت علي وحالتهاااا حاااااااااله .. ورايحه فيهااا
مشاعل / كييييييييف ؟؟ كيف يعني حالتها حاله .. ورايحة فيها ..
شوق حكت لها كل شــــــــــــي
مشاعل وهي مصدومة بعد / كل هذا يطلع منهااا
شوق / تخيلي والله مااتوقعت ..
مشاعل / من اليوم ورايح لا انتي تعرفيها ولا هي تعرفك وياويك من قربتي منهاااا
شوق / مستحييييييييييل .. اصلا انا ماادري وش بسوي لشفتها يوم السبت احس اني ودي اكفخهااا
مشاعل / لا تكفخيها ولا شي .. هذي بايعتهاا من زمان ماتستاهل الواحد ينجس يده ويمدها عليهاا
شوق تتنهد / منقهررررة مررره
مشاعل / وانا بعد منقهرة بس وش بيدنا نسووي .. ماعلينا الا نتركها لأن هذي ماوراها الا المشاكل
شوق / اكيد .. والله من حركتها البارح ماعدت اطيقها وماودي اشوفها ابد ...
مشاعل / الله يكووون بالعوون ..
شوق / اووكي حياتي اخليك .. روحي ارتاحي وناامي ..
مشاعل / هههههههههههه وين يجي النوم خلاص طاار
شوق / هههههههههه ازعجتك بس والله مالي الا انتي
مشاعل / لا والله عاااااااادي مافي ازعااج .. بس لاتفكرين فيهااا اووكي ويوم السبت ان جات معنا لنا كلام ثاني معهاا
شوق / اووكي انا اخليك هالحين باي ..
مشاعل / باي

شوق بعد ماسكرت منها ارتاحت نفسيتهااااا كثيير .. راحت لعند امهااا كانت جالسة بالحديقة تشرب شاااي ..

شوق بأبتسامة / هاااااااااااااي
ام هشام / هااي وبااي .. وين السلام ؟؟
شوق وهي تتمسخر / اووكي السلام عليكم ورحمة الله وبركاته
ام هشام / وعليكم السلام .. أي كذا مو هاي وباي احسن شاي بعد
شوق / ههههههههههههههه وانتي هذا اللي مقطع قلبك هالشاي
ام هشام / والله احسن من هالبيبسي هاللي تشربونه مثل المويه ..
شوق / ههههههههههههههه بدينااا بالمحاظرات .. افتك من محاظرات الجامعة تجي محاظراتك
ام هشام / ماصحت رنيم ؟
شوق / ومن متى رنووم تصحى بدري الخميس والجمعة ... كم الساعة هالحين
ام هشام وهي تناظر الساعة / الساعة 9 الا ربع
شوق وهي تناظر السمااا من فوق / وشحلاة هالجووو اليوم ماشالله ..
ام هشام / أي انا كل صبحيه اطلع اشم هوااا واشرب هالشاي وهالقهوة
شوق بحماس وهي تناظر ابريق القهوة / وااااااو عطيني قهووة ماما
ام هشام وهي تصب القهوة لشوق ..
شوق / ماما شرايك اليوم نروح السوق ناخذ لنا كم بدله للزواج
ام هشام / أي العصر نروح قبل لا يطلع هشام ولا راكان لأن باليل معزومين بيت عمك بو عصام
شوق / اما عاد راكان كثري منهاااااااااااا ماراح يودينا حتى بيت عمي
ام هشام / ماعليك منه اهو اذا فاضي راح يوديناا ماراح يقصر
شوق وهي تشرب قهوووة / اووووه نسيت اني جالسة اتكلم على دلووع الماما
ام هشام / يازينك سااكته بس
شوق / جد هو يدلع كثييير وانتي معطته وجه بزيادة
ام هشام / لا يدلع ولا شي بس انتم ماادري ليه تغارون منه ؟؟ احلى منكم يمكن ؟؟
شوق / هههههههههههههههههههههههههه لا تسمعك رنيم بس ..
ام هشام / وش جاب رنيم لراكان ؟؟
شوق شهقت / لهالدرجه تحبينه ماما ؟؟
ام هشام / ههههههههههههه امزح معك .. بس من جد انتم اللي مسوينها سالفة على وليدي دلوع ودلوع ..
شوق / ماما بصراحة اقولك .. انتي تحبي الأولاد اكثر من البنات صح ؟؟ وبابا يحب البنات اكثر من الأولاد صح ولا ؟؟
ام هشام / ايوااا ارتحتي ..
شوق بدلللع / هههههههههه ايواا بس اهم حاجة انه في عدل بالموضوع بابا يحبنا اكثررر
ام هشام / وش بلاك كبرتي وانتي يحبنا اكثر وانتي لااا .. حبيبتي تراكم كلكم عندي سواا وكلـ
شوق قاطعتها / ياقلبي مامااااا اعرف غلاتي عندك بس حبيت ادللع شووي
ام هشام / ههههههههههه وعرفتي قيمتك ان شاء الله
شوق / شووووووووووور

:::::::::::::::::::

وصلوا البر وكان الجو مسكــــــــت ولطييف مررة ..

ونزلوا كل حاجة من السيارة

طبعا هم نزلوا مكان صااد عن الناس علشان ياخذوا رااحتهم .. وروان وريان مبسوطين بالرمل وجايبين معهم العابهم

وفي داخل المخيم

خلود وريناد وندى وعبدالله بسطواا وجلسوا يلعبوون ( اوكي ) <<< لعبه رووعه خخخخخخ تتكون من 4 اخشاب يعني كل واحد عنده خشيه ويصف فيها 14 رقم ( منقوش على حجر مستطيل صغير .. ) والأرقام تجي باللون الأحمر والأصفر والتركواز والأسود.. وهاللعبه قوانيها كثيرة .... المهم هاللعبه حلوة << وناااااااااااااااسه
طبعا هم دايما اذا لعبوا سوا يفوووز عليهم عبدالله .. ويكون هو التووب ..
هالمرة فيها تحدي بينهم كلهم ...
ام عبدالله .. جالسة تناظرهم وهما يلعبوااا .. والخدامة تجهز الدجاج والرز والبصل و .. و .. للغدااا
عبدالله / عندي فكرة .. بس بشرط الكل يقول أي ... وموافق ..
الكل .. ؟؟؟؟؟
ندى بحماااس / طيب شنهي ؟؟
خلود / لاااا طيب وان ماعجبتنااا ؟؟
ريناد / لااا اتوقع راح تعجبنااا اوكي عبدالله قوول ,,
عبدالله عدل جلسه / امممم شرايكم اللي يخسر هو اللي يطبخ لنا الكبسه !!
الكل / هههههههههههههههههههههه
خلود بحماس / اووكي وانا الربحانة ان شاء الله .. لأنك انت اللي بتخسر ههههههههه
ندى / هههههههههههههههاي ..
ريناد / مواافقين .. يمكن نجرب طبخة ندى اليوووم ...
ندى / لا يشيييخه .. وليه ماتكوني انتي ..
ريناد / لأنك دايما تخسري .. !!
خلود وعبدالله / هههههههههههههههههههههه
ندى / يازينكم سااكتين ..
عبدالله / يلاااا لاتضيعون وقت .. نبدأ اللعب والحمااااااااس والتحدي
الكل / ههههههههههههه

وبدأ اللعب والحماس .. والكل مركز عقله لأن هاللعبه تحتااج لتركيز كثير ..

::::::::::::::::::::::::::::::::::

لميس وهي بغرفتهااا ... وتكلم هشام ..
جالسين يتناقشون على الأثاث ولون الغرفة وتجهيز الصاله وكل شي ..

هشام / اووكي حياتي وش رايك ..
لميس / اللون الأحمر مع البيج على ذهبي للستاير يطلعوا جناان كأنها ملكيه
هشام / اووكي حبيبتي على ذووقك هالمرة ..
لميس / هههههه ايوا بس كل شي ابغاه من ذوقك ..
هشام / انا مااعرف للأثاث وهالأشياء حدي الجوالات خخخخخخخخخخ
لميس / هههههههههههههه
هشام / فديت هالضحكة من الصباح .. اكيد بيكون اليوم كله عسل ..
لميس بدلع / تسلم والله .. (( العسل انت والله ))
هشام / لموووو
لميس (( ياحلاة لموو من فمك .. تهببببببل )) / هلااا
هشام وطى صوته وقرب فمه من الجوال .. وكأنه يهمس لهاا / احبك
لميس (هنا سكتت ووجها قلب لونه من الخجل وحتى دقات قلبهاا تنبض بقووة ..) / ...........
هشام / لميس ؟؟
لميس / نعم .. معك
هشام / وين معي .. وين رحتي ؟؟ طيب انا وش قلت ؟؟ سمعتيني ؟؟
لميس / ايواا سمعتك
هشام / طيب وش قلت ؟؟
لميس / هااا .. (ضحكت بهدوء) ههههههه
هشام / اموووووووووووت فيك انااااااااااا
لميس ينقال عنها كسرت حاجز الحيااا / احبك والله
هشام / يااابعد قلبي انتي ... والله مشتااق لك مرررة
لميس / تشتاق لك العافيهـ
هشام / اووكي لموو انا اخليك الحين .. احاكيك العصر
لميس / طيب .. انتبه على نفسك ..
هشام / من عيوووني
:::::::::::::::::::

وبالبر ..

ريناد بحماس / اووووووووووووووووووكي <<<< كلمة تنقال للي ربح باللعبه
الكل / لاااااااااااااااااااااااا
خلود / والله ماباقي لي الا 6 احمر وافووز
ندى / انا 5 المجموع
عبدالله بخيبة وهو يناظر ريناد المبسووطه / اففففففففففف وانتي من متى تتحديني وتحطين راسك براااسي ؟؟ والله قهرر مابقى الا البيبي تفوز علينا
ريناد / هههههههههههه البيبي فاازت .. طيب ومنو اللي راح يعمل لنا الكبسه ...؟؟؟
خلود / مووو اناااااااااا
عبدالله / انا مجموعي 6 .. 2 تركواز و4 اسود
ندى / انا 5 بس وانتي ياست خلوود ؟؟
خلود / ههههههههههههههههههه عبوودي الكبسه عليك مامعي الا 2 اصفر
عبدالله رمى الخشبة واللي فيها / لااااااااااااااا تكفوون الا هذي

ام عبدالله وهي تناظرهم من بعيد / هههههههههههههههههههه عبدالله تبغا مساعدة ولا شي ترانا حاظرين
عبدالله / حتى انتي يايمه ؟؟
ام عبدالله / مو انت اللي مقترح لهم ... لو مخليني انا اطبخ مو احسن ..
ريناد وندى وخلود / لااااااااااااا هذا اتفااقنااا اللي يخسر يطبخ ..
عبدالله وهو خاضع للأمر الواقع ,, / الشي الوحيد اللي موجاي اتقبله ان ريناد تفوز علي !
ريناد / ههههههههه .. اقول يلااا صلح الغدااا
خلود / هههههههههه ياحلاتك وانت بتطبخ بس اسمع ترى محنا مساعدينك .. اعتمد على نفسك
عبدالله / اوووكي بس بذوقكم كبسة ولا عمركم راح تحلموا فيهااا
الكل / هههههههههههههههههههههه
ام عبدالله / عز الله تغدينا اليوم
الكل / ههههههههههههههه
خلود / لا شكله بيزود الملح ..
ندى / عطوه المقادير علشان يضبطها لا يقص علينااا ومايغدينا اليوم
ريناد / جوعااااانين ترى مو تلعب عليناااا يااويلك والله مناااااااا
عبدالله / اوووه وبعدين معاكم خلاص قلت لكم اوكي بصلحها لكم ..
وراح يجهز ويحط ويشيل ههههههههه جنى على نفسه بالفكرة ..
ندى تطل على عبدالله وتتمسخر / اخووي حياتي تبغا شي اسااعدك ؟؟
عبدالله التفت عليها بعين وحدة / انقعي عن وجهي ..
ندى / افاااااااااااا وهذا انا جاية اساعدك
عبدالله وهو يحط البصل في القدر .. / ندوووووووش وجع روحي عن وجهي مالي خلقك ..
ندى وابتسامة بشماته / الله يعطيك العافيه ..
خلود وبجنبهاريناد وتصارخ تبغا تغيظ عبدالله / اخاف نتسمم اليووووم
ريناد / ههههههههههههه
ام عبدالله وبيدها كوب شاي بالنعناع / اسكتوااا خلووهـ يتفنن وليدي .. ولا ترى الحين انا بقوم اطبخ .. واقهركم
ريناد / لاااا خالتي تكفين هذا رهان وتحدي بيننا ..
ام عبدالله سكتت وماعطتها وجه ابد ..
ندى جلست بجنبهم بعد ماتشمتت بعبدالله / آآآآآآهـ رنووود ياليت تجي لمووس معنااا شرايك احكي معها يمكن تقدر تجي
ريناد بحماس / اووكي حاكيها بسرعة ..
ندى / عطيني جوالي من جنبك ( تأشر على خلود .. )
خلود / يااااكسووله مدي يدك وخذيه ..
ندى / طيب انتي اقرب ...
خلود / مع وجهك (ورمته بحظنها ),, خذي
ريناد / خلوود جبتي لاب توب عبدالله ؟؟
خلود / يس
ريناد / يااااي عطيني ايااهـ بلييز
خلود / بالسيارة احكي مع عبدالله بالأول واخذيه ..
ريناد / اووكي ..
وراحت جنب عبدالله برى المخيم . ..
ندى وهي تكلم عالجوال / هلااااااااااا لموووو
لميس / اهليين ندووش
ندى / لمووو حنا بالبر ..
لميس / جد والله ونااااااااااااسه
ندى / ايوااا تخيلي عبدالله اللي راح يطبخ لنااا .. اول طبخة بحياااته ..
لميس / هههههههههه عز اللهـ تغديتوااا
ندى / هههههههههههههههههههههههه اسكتي لايسمعك ..
لميس / هههههه الله يعينه
ندى / اقوول وش رايك تجووا معناا
لميس / ياااااااااااااليت والله بس ماما اليوم راح تعزم خاتي ام هشووم عالعشااا
ندى / اوووووووووهـ وانا اقول وش اللي مصحيك الصبااح مو من عوايدك ..
لميس / ههههههههههه أي والله جالسة اكتب الطلبات اللي راح نحتاجهااا علشان يجيبها السواق
ندى / مااوصيك تزيني وتكشخي يمكن يشوفك مسيو هشام ..
لميس / هههههههههههه مااتوقع بس بتكشخ ..
ندى / الله يعينك على رنيم خخخخخخخخ
لميس / هههههههه اكيد جاية مع عدساتها الخضراا اللي ماتستغنى عنهم ...
ندى / هههههههههههههه اقوولك حطي عدسات خضر علشان تنقهر
لميس / والله فكرررهـ اكسر غرورها شووي اللي يسمعني مايقول هذي بنت خالتي وعمي ..
ندى / ايواا سبحان الله خلق وفررق ..
لميس برجااا / ندووش ابغا اخلي هشام يشوفني اليوم بس كيف ؟
ندى / يااااااااااخطيررررهـ
لميس / يلااا تكفين .. ابغا اشوف ردة فعله ..
ندى بخبث / ههههههههههه بس تبغا تشوفي ردة فعله ؟؟
لميس / احللللفي عاااد ..
ندى / طيييب حيااتي .. اهو اكيد راح يجلس بالصالة صح
لميس / ايوااا علشان يسلم على ماما ..
ندى / اوووكي ,, شوفي انتي لاتدخلي الصالة ابد .. واول مايجي ويدخل واذا جلس .. انتي ادخلي ببراءة
وكأنك ماشفتيه ..
لميس شهقت / كيييييييييف ؟؟
ندى / يالهبله ادخلي سلمي على بنات خالتك وهو اكيد ماراح يتحنحن لأنه عارف انه اللي جايه هي زوجته ..
لميس / طيب كيف اعرف انه دخل ؟؟
ندى / لا تصيرين هبله عاااد كثير شغلي مخك .. شوفي اتفقي مع الشغاله .. قولي لها اول مايدخل تناديك .. اووكي
لميس / اوووووووووكي والله انك قدهااا وقدود وانشالله تظبط معي
ندى / ههههههههه واول مايغمى عليه حاكيني
لميس / وعمااااااااااااااا انشالله في عدوينه
ندى / ههههههههههههه الا انتي اللي راح يغمى عليك من الفشله خخخخخخخ
لميس / اتوووقع .. بس لاتخاافي راح ادووس على نفسي وادخل بكل ثقة وقووة
ندى / احلللللللللللللى تخيلتك والله ,,
لميس / هههههههههههههههههه

///

ريناد لما طلعت عن المخيم .. راحت لعند عبدالله ..
شكل عبدالله يكسر الخاطر ومتوووهق ههههههههه اول مرة يطبخ !!
ريناد بأبتسامة / هااا بشر ؟؟ وشصار على غداانا
عبدالله / اقوووول والله المفروض انتي اللي هالحين بمكااني بس ماادري كيف ربحتي اكيد بالغش
ريناد تضايقت / انااا اغش
عبدالله / ههههههههههه لاااا امزح
ريناد / ايوااا ,, اقول عبدالله ممكن آخذ اللاب توب ؟؟
عبدالله بعناد / لاااااااااااااااااااااااااااااااااااا
ريناد / ليه ؟؟
عبدالله / لا ياحلوة انا اطبخ وانتي عاللاب توب .. هذا بدل ماتقولي ابغا اساعدك ..
ريناد / هههههههههه تدري لو انا الخسرانة كان جد جد تسممتوااا
عبدالله / شدعووة ترى الكبسة مايبغا لها شي ؟؟
ريناد برجااا وحيا بنفس الوقت / عبدالله بليييز بس شووي ابغاااه
عبدالله / وش تبين فيه ؟؟
ريناد / بس كذااا والله ابغا اشوف صور ريان وروان اللي حاطينهم
عبدالله / مااقدر انا عليك يالبيبي على قولة ندى
ريناد ضحكت ببراءة / ههههههههههه حتى انت ؟؟
عبدالله / والله كأن روان جنبي
ريناد / لاااا مو لهالدرجة عااد
عبدالله / هههههههههههههههههههههه
ريناد / هااا اروح آخذه ؟؟
عبدالله هز راسه / أي
ريناد ابستمت / ثانكيوووووو
عبدالله كمل شغله ... وريناد راحت تركض للسيارة علشان تنزله

:::::::::::::::::::::::::

راكان بعد مافطر طلع برى .. راح مكتبة جرير يشوف اللاب توبات اللي عندهم ..
وجالس يحووس ويسأل عن الأسعار ..
الا يدق جواله ... اخذه من جيبه وكلم ..
راكان / هلا عمااد ؟؟شالأخبار
عماد / هلا تمااام والله
راكان / اقولك خلاص حجزت لنا من النت عالبحرين طيران
عماد / حلوووو
راكان / ايوااا رحلتنا عالساعة 3 العصر
عماد / حلوو والله مرني ونروح مع بعض المطار ..
راكان / اووكي
عماد / يالله مع السلامة ..
راكان / الله يسلمك حياااك ..
راكان حط جواله بجيبه .. الا ينتبه ان في وحدة بنت مارهـ جنبه
راكان دنى لهااا يسوي لها طريق ينقال عنه .. الا هالبنت تناظره بجرأهـ ..
كان لابس ثوووب وصاير انيييق ورزة وشعره نااعم بس مو طويل وشنبه خفيييف
راكان استغرب من نظراتها
البنت بدللع ماااصخ / لو سمحت ممكن شووي
راكان / نعم ؟؟
البنت اشرت على لاب توب .. توشيبا ... وشرايك آخذ لي هاللاب توب ؟؟
راكان ( خذيه وانا وش دخلني فيك ) / خذيه كيفك ..
البنت قربت منه شوي / شنهي مميزاته ا انا مااعندي خبره في هالأشياء
راكان ارتبك بعصبيه وبعد منهاااا / آسف مااقدر افيدك انا مستعجل .روحي لصاحب المحل وحاكيه . وترك البنت ومشى

ممتاز
ربنا يوفققك
روايه الحب الامستحيل الثامن 94642

» روايه الحب الامستحيل الثامن تكمله
» روايه الحب الامستحيل السابع
» روايه الحب الامستحيل التاسع
» روايه الحب الامستحيل العاشر
» روايه الحب الامستحيل الجز الاول