روايه الحب المستحيل الجزء الرابع عشر

الفصل الرابع عشر

::::::::::::::

حسام رجع البيت بيأس وحزن على عيونه ..
ام حسام / رجعت ؟ وين رحت ؟ قلبي انشغل عليك ؟؟
حسام بنبرة حزن / يمه انا تعباان
وحط يده على قلبه وفيه العبره .. / القلب يهواهااا ..
ام حسام بنظرات كلها شفقه وحنان / ياوليدي خلاص البنت راحت بنصيبها واذا صدق تحبها تمنى لها السعاده ولك مني ازوجك اللي احلى منها واللي تقدر تسعدك ان شاء الله ..
حسام بكل برود / مهما حكيت مااظن حد يقدر يفهمني ..
ومشى من عندها وصعد فوق لغرفته .بخطوات بطيئة يائسه ...
وقبل لايدخل الغرفه مر غرفة دانه وفتح الغرفه ..لقاها مقفله ..
حسام وهو يضرب باب الغرفة وبعصبيه / دانه .. دانوووه
دانه كانت تكلم جوال بسرعة قفلته وحطته تحت المخده .. وراحت تفتح الباب .. وهي مرعوبه .. (( الله يستر منك .. ))
دانه / نعم ؟؟ في شي ؟؟
حسام يناظرها بحقد .. وكراهيه ماقد ناظرها كذا من قبل
دانه تحرك عيونها يمين وشمال وبسرعه / حسام وش فيك تناظرني كذاا
حسام قرب منها اكثر ومليانه عيونه حقد عليهااا ..
دانه خاافت من نظراته وتراجعت وراهااا ..
حسام مشى وراها ومسكها من شعرها بعصبيه .. / يالحقيره .. ضيعتي اغلى مااتمناه .. عارفه .. ان اللي وحده مثلك مو لازم تعيش .. اللي مثلك لازم تموووت
دانه تستنجد بأعلها صوتهااا / آآآآهـ مامااااااااااا ... ماااااااامااااااا وينك
حسام حط يده على رقبتها وضغط عليها بقووه من القهر اللي داخله وبصوت عاااالي / ابذحك .. فااهمه .. انتي ضيعتي حلمي .. ريناد راحت بسببك انتي ..
دانه وهي تكح وبنفس متقطع / اناااا وش ..... دخــــــلني !!
حسام شال يده من رقبتها ومسكها من قميصها .. / وش دخلك ؟؟ كل هذا بسببك .. رحنا وتقدمنا لها ورفضتني وفضلت علي واحد كبر ابوها ولاهو من دمها ولا هو من ديرتنا ولا شي .. واكيد عارفه ليه رافضتني .. صح ولا لا ؟؟ جاوبيني ..
دانه وهي تناظره برجاا / حسام خلاص اتركني ..
الا تدخل ام حسام ..
ام حسام شهقت / وش فيكم .. ابعد عن اختك ..
حسام رماها عالسرير بقوووه .. وبعصبيه ..
دانه عدلت جلستها بسرعه .. / ماماااا ابعديه عندي هذا مجرم يبغى يذبحني ..
حسام / اذبحك واذبح هالشر اللي فيك ..
ام حسام بعصبيه / كفااااايه .. انت معهااا وش هالحاله كل يوم انتم على هالحال مااعندكم الا هالسالفه ..
حسام طلع من غرفتها بعد ماطلع حرته فيهاا ..

:::::::::::::::::

الساعة 1 ونص بالليل
بغرفة ريناد ..

ريناد طبعا اول ماجات من المستشفى كانت مرره تعبانة انسدحت عالسرير ولا حست بعمرها الا وهي ناااايمة ..
فجأة دق جوالهااا وهذي مو اول مرة يدق كان يدق وبعد ربع ساعة او اقل يدق ثانيه ..
ريناد حست ان جوالها يدق .. فتحت عيونها ببطء والتفتت على جنب واخذت الجوال وردت ..
ريناد بصوت باين عليه النوم والتعب / آآلوو
كان بو وليد معها عالخط ..
بو وليد / هلاا ريناد وينج ماتردين ؟
ريناد ( آآآآآآآف وش يبغا هذاا بعد !!) / كنت ناايمه ..
بو وليد / اهااا نوم العوافي .. بس قعدت احاتيج ولا عشر مرات ادق ..
ريناد مالها خلقه ابد / قلت لك ناايمه ..
بو وليد ( هذي شكلها مو متقبلتني كلش .. ) / طيب حبيبتي انا بخليج تصبحين على خير ..
ريناد / اووكيه باي ..
سكرت الجوال ولقت مكالمات لم يرد عليها 13 ..والمسجات 3
ريناد / ويـــــــــه كل هذوولا ..
اغلبهم مكالمات من بو وليد ومكالمه من ريهام وثانيه من رنيم ..
والمسجات .:..
اول مسج قرته .. (يَاحُبَهَآا .. بِالحِيِـلِ أَعّشَـقْ قَلّبَهَآا
يَآقُرٍبَهَآإ .. ياخِذنِـيِ الشُوٍقْ قُرٍبَهَآا
[ أَحِبَهَآاآ ]
كِثّرٍ المٍطِـرٍ .. كِثّرٍ الرٍمَآالٍ بِدِرٍبِهَاآإ
[ أَحِبَهَآا ]كِلٍ مَادَنِـتٍ شَمّسِ الأَصِيِـلٍ وٍغَرٍبَهَاآ
... أَحِبَهَآآأإأ ...

كان المسج من رقم غرييب مو مسجل بأسم ..لكن تذكرت ريناد انه هالرقم هو رقم بو وليد ..!!
ريناد ( ماشاء الله على الأخ يعرف يرسل مسجات بعد ..!! )
حفظته الرقم عندهااا واحتارت وش تكتب.. تكتب بو وليد .. نااصر .. !!
اكتبت بو وليد ( شنو بو وليد جوال عجووز ولا وحده متزوجة من 20 سنة ..!! )
بعد كذاامسحته واكتبت ناصر ( لااا لااا كأنه جوال ولد اهبل ..!! )
بالأخير فكرت واكتبت .. ( قدري المحتوم !!! ) (( ايووه بالألقااب كذا احسن .. ! ))
ريناد / خليني اشوف المسج الثاني .. من وين ..؟
المسج / ( رنوود اكيد ناايمه .. المهم تصبحي على خير بعد حيي .. والله كان نفسي اسولف معك يلاااا سي يو )
كان المسج من رنيم
اما المسج الثالث مسج عاادي من الأتصالات .. !

ريناد حطت الجوال على جنب وحست بالجوع لأنها مااكلت من جات من المستشفى على طول ناامت ..
اخذت لها شاور عالسريع ونزلت تحت وراحت المطبخ تشوف لها حاجة تاكلهااا

:::::::::::::::::::

( راكان )
كعادته متكئ عالسرير وبحظنه اللاب توب ... وشابك النت ..
الا يدق جواله .. بنغمة نوكيا المملة !!
راكان ببرود / هلاااا عماد..
عماد / هلا فيك .. وينك يابو الشباب ابد ماتنشااف !
راكان / انا ياللي ماانشاف ولا انت من ملكت وانت رافع خشمك علينا
عماد / افاااااااا ..
راكان / جد والله حتى بالشاليهات ماعدت تبين ..
عماد / والله عارف اني مقصر بس هذا حال الدنيا ..
راكان يتمسخر / حاااال الدنياااااااااااااا مرة وحده ..
عماد / هههههههههههه صدقني وقتي مو لي ..
راكان / أي اكيد هذا من البدايه الحكومه ماسكتك ...
عماد / لااا .. لاتظلمها والله من ملكت عليها ماطلعت معها الا يومين بس .. بس والله انشغلت بالبيت وخواتي ..شووي .تعرف مالهم الا انا امشيهم اسواق وغيره ...
راكان / اهااا يلااا مو مشكله .. وينك انت هاللحين ..
عماد / والله تو جاي من برى ..انت وينك ؟
راكان / اهااا ..لا انا من المغرب نايم وتوني صاحي وشبكت النت من الطفش .. .. ..
عماد / اوووه وش عندك نايم بدري ..

راكان قال له كل شي وش صار اليوم بالظبط في المستشفى ! ..

:::::::::::::::::

(لميس وهشام )

جالسين بالصاله عند التلفزيون حاطينه على روتانا سينما .. يناظرون فيلم مصري كوميدي يعني اكيد فيها عادل امام ..!!
وحاطين مكسرات وشيبس وفشاار وكابوتشينو وحركآآآت ..
وهما مندمجين بالفيلم /
لميس / هههههههههههههههه
هشام / هههههههههههههههااااااااااااي
لميس ماسكه بطنها / تكفى هشاااام خلاااص بمووت ضحك ..
هشام وبيده كوب الكابتشيو / ههههه اصبري قربت نهايته .. والله على كثر مااشوفه امووت ضحك ..
لميس استغربت / شااايفه !! صدق ماعندك سالفه ليه تشوفه ثانيه ؟؟
هشام وهو يناظرهاا ورافع حاجبه اليمين / انا مااعندي سااالفه ..!!
لميس ببراءه / لاااا مو قصدي .. بس انا من النوع ياللي مااحب اشوف الشي مرتين ..
هشام وهو مبتسم / لا بس هذا كوميدي .. حلو انك تفرفش وتضحك

لميس تناظره وتسمعه / ...........
هشام يكمل حكي وهو متحمس / ..والأحلى من كذا وقت ما تشوف
الفيلم يكون الجو هاااااااااادئ و شاعري مافيه الا كم ضوء شغال لاااا واذا بجنبك بنوته حلوووه مثل القمر ياللي ياللي جالسه بجنبي .. يكون احلى واحلى .. راح تستمتع وانت تسمع ضحكتها معك ..
لميس مندمجه معه للآخر وبالآخير / ههههههههههههه جد والله !!
هشام وهو يناظرعيونها اللي تدوخ / لمووو عارفه ان ضحكتك حلووة ..... حلوووة مووووووووت ...
لميس نزلت عيوونها بسرعه / ............
هشام قرب منها اكثر ورفع راسها وبصوت قريب للهمس / احبك .. احبك .. احبك ..
عاد هنا لميس دوروا عليهااا البنت راااحت فيهااا !!!

:::::::::::::::::::

ريناد بعد مااكلت لها حاجه صعدت غرفتها . وقبل لاتدخل غرفتها راحت غرفة ندى لقتها ناايمه ....
راحت لغرفتها طفشانة جلست عالأريكه الا تلاقي اللاب توب اللي جايبه لها بو وليد ..
ريناد ( آآآآآآووه ويني عنك ... فرررصه اشبك عالنت واتعلم عليه اكثر .. .. )
فتحت اللاب توب وجلست ساعه على ماتعوودت عليه وشبك بالنت طوالي .. لأن عندهم شبكة انترنت لاسلكيه ..طبعا هي عندها خبرة شويه من خلود وعاملها لها ايميل قبل كم شهر ....
..بدت تتصفح .. دخلت مواقع .. ماتدري وش سالفتهم ..
تقرأ مواضيع ساعة تضحك وساعة تتمسخر .. وساعة تستغرب وتتعجب .. من أي شي تشوفه بالنسبة لها غريب ..
سجلت بآحد المنتديات والهبلة بدت تستهبل عليهم وكل شوي تضحك وتكتب ردود تمووت ضحك .. ومرات تكتب رايها بشي والموضوع يتكلم بشي ثااااني .. !! قمة الأستهبال والتفهي !!
الا يجيها مسج فتحته الا هو من مدير الموقع .. اول شي رحب فيها بعدها عطاها رابط يعلمها كيف تشارك وكيف تتقن كتابة الردود والمواضيع ..
آخر شي كتب لها ..
((بنوته كيوت <<< نكها بالمنتدى ..
شكلك اول مرة تدخلي منتديات ..!!
وربي مت ضحك على ردودك ..
المهم افتحي الرابط وااقريه كويييس .. وانا واثق انك راح تتعلمي بسرعة وراح نشوف لك ردود ومواضيع ولا احلى .. ))
ريناد ماتت على نفسها ضحك من الفشلة .. / ههههههههههه وربي فشلة هذي من بدايتها صار لي كذا .. الله يستر !!
جلست عالنت للفجر صلت ونامت بالمرهـ .. وهي مبسوطه .. وغيرت من نفسيتها ..

:::::::::::::::::::

وفي صباح ويوم آخر ..

::::::::

الساعة 7 وربع ..

رنيم صحت على صراخ شوق ..
شوق / رنووما يلااا بنروح الشرقية للبحر
رنيم تحمست / جد .. من قاال ؟؟
شوق / بابا .. يلااا اجهزي بسرعه .. لاتتأخري ..
رنيم تحمست مرره متشوقة للبحر وريحة البحر ..تروشت ولبست وجهزت لها كم غرض وحطتهم بالشنطة .
نزلت تحت علشان تفطر ..
الكل طبعا على طاولة الطعام .. ماعدا هشام اكيد مع لموو ..
بو هشام / يلااا خليكم جاهزين عا8 نبغا نروح بدري اووكيه ..
راكان / انتم روحوا وانا ماراح اجي الا عالظهر ..
ام هشام / وش عندك منت جاي الا الظهر ..
شوق / اكيييييييييد نوووم
راكان يناظر شوق / انتي مالك دخل .. .. مووو نووم عندي كم مشوار ابقضيه واجيكم طواالي ..
رنيم / وليه قررتوا كذا فجأة !!
بو هشام / الجو حلوو وبالمرة يروح هشام مع زوجته ينبسطوا ..
شوق ورنيم / اهاااااااا
ام هشام / خذوا احتياطكم بنظل كم يوووم ..
رنيم شهقت / كم يووم ؟؟ كم يعني !!
بو هشام / 4 ايام .. ابغا آرتااح شووي من هالعمل ومتاعبه ..
ام هشام / الله يعطيك العافيه يارب ..
رنيم / يااااي ونااااااااااااسه .. ياحبي للبحر ...
:::::::::::::

بيت بو عبد الله الفارس ..

على طاولة الطعام .. ..

بو عبدالله / وين ريناد ؟؟ ماصحت من النوم ؟
ندى / الا هاللحين تنزل ..
ام عبدالله / هااا ندى ماحددتوا موعد الزواج ؟
ندى بيدها كوب الشاي / هااااا .. ماادري هو ماحكى عن أي شي ..
بو عبدالله / شنو يعني هو قال من البداية على كيفكم .. خلاص خليها عالشهر الجاي ..
ندى تناظر امها / طيب ..
الا تنزل ريناد . ببيجامتها الورديه الكيوت وتتجلس معهم بالطاوله ...
ريناد / صباح الورد ..
الكل / صباح النور
ندى / اووه وش عندك مرووقهـ
ريناد والأبتسامه على فمها / بس كذااا
بو عبدالله / هااا ريناد كيف صحتك اليوم ..؟
ريناد وهي تناظره وهي مبتسمه / الحمد لله اليوم احسن بكثير ..
بو عبدالله / عساك دووم مرتاحه ..
ريناد تهمس لندى / ندوو عندي لك سوالف واستهبال مافي مثله ..
ندى تحمست / جد ؟؟؟
بو عبدالله بجديه / ريناد
ريناد رفعت راسها بسرعه / نعم ...
بو عبدالله / كلمك البارح .. اممممم ... ز زوجك ..؟
ريناد بنبرة حزن ذبلت عيونها .. ( زوجك ..! ) / أي بابا حكيت معه ..
بو عبدالله / كان قلبه مشغول عليك .. يقول ولا عشر مرات يدق وماتردين .. وش فيك ؟؟
ريناد ( وش فيني .. مااعتقد هالشي يهمك ..من بعد مابعتني .. ياربي ليه كل ماضحكت وانبسطت يجي شي يعكر مزاجي ..!! ) ردت عليه بهدوء / بابا كنت نايمه ..
ام عبدالله ( تحاولي تخفي آلامك واحزانك لكن عيونك تفضحك مهما حكيتي ومهما ضحكتي .. )
ندى بصوت قريب للهمس / بيبي .. (نصوور) شكله تعلق فيك ..!
ريناد / احللللفي عااااااااااد ..

:::::::::::::::::::::

(خلود وعبداللهـ )

جالسين يفطروا وهما مروقييين ...
عبدالله / قلبي خلود وش رايك نغير الخدامه ..
خلود شهقت / ليه ؟؟
عبدالله / بس مو زينه ..وماهي نظيفه .. وماعادت تهتم بالأولاد مثل قبل ..
خلود استغربت من كلامه / بالعكس .. هي ابد ماتغيرت من اخذناها ..
عبدالله ( وش اقول لهااا ) / انا اشوف انا حنا نغيرها احسن ..
خلود وبيدها كاس عصير برتقال ردت عليه بعناد / وانا اشوف العكس ..
عبدالله / كيييفك .. اووكيه حياتي انا رايح الدوام تامري على شي ..
خلود بعد ماعطته بوسه على خده / قلبي ماابغى غير سلااامتك ..
طلع عبدالله وهو متندم ان ماقال لها عن حركات الخدامه ..

:::::::::::::::::::

لميس وهشام .. جهزوا علشان يطلعوا للشرقيه ..
هشام واقف عند باب الغرفه ويناظر ساعته ../ يلاااا لمووو تأخرنا
لميس عروس وطلبعا تهتم بتفاصيل اناقتها وجمالها كثير .. واقفه تناظر المراية .. وتحط لها هاللمسة الأخيرة على وجهها ..
هشام / والله حلوووووووة .. ماله داعي كل هالمكياج ..
( هشام من النوع اللي مايحب المكياج عنده الوحده على طبيعتها احلى .. )
لميس / ههههههههه ثواني يااقلبي .. وحطت ماسكرا بسررعه وطلعت ..
::::::::::::::::::

رنيم وشوق جهزوا ولابسين عباياتهم وطالعين برى الحديقه ..
رنيم وهي تناظر السماء / آآآآآآآه ياااحلاة الجو ياشووق ..
شوق وهي تلبس نقابها / روووووووعه زين بابا فكر يطلعنا سوى مو كل مرة يخلينا بلحالنا .. وهو يظل هنا ..
ام هشام / يلاااا اركبوا السيارة بلاكم واقفين كذااا
شوق / ههههههه لا بس رنووما حظرتها تتأمل بالسما والجو
رنيم / ماالت عليك ..
ركبوا السياره .. ومشواا ..
طلع هشام مع لميس ركبوا سيارتهم ومشوا ..
هشام وبيده حافظة الأسطوانات ../ حبي وش تحبي تسمعي ؟
لميس / امممممم انت شاللي عندك ؟؟
هشام / كــــــــــل شي .. انت بس تدللي ..
لميس / اممم خاطري طرب عراقي .. نفسي استهبل ..
هشام / ههههههههههههههه جد هبله .. تبغي البرتقاله يعني ..
لميس انفجرت ضحك / هههههههههه يااقدمك ..
هشام / هذا اللي تحبي رقص وهبال مثلهم ..
لميس بجديه / وانت .. ماتحبهم ؟؟
هشام / هههههههه لا مااحبهم .. واذا تبي ترتاحي مااطيقهم بالمره ..
لميس / جد ؟؟ غرييبه ..
هشام / ليه شايفتني اهبل احب هالمهاابيل .. اللي ينططوا وماادري ايش ..
لميس / هههههههههههه .. طيب حطلي ماجد المهندس ..
هشام .. من عيوني ..
وهو يدور على السي دي .. / امسكي حطيه ..
حطته لميس وشغلته ..
جنة جنة .. والله ياوطنااااا
جنة جنة .. والله ياوطنااااا
ياوطن ياحبيب يابو اتراب الطيب
حتى نارك جنة .. حتى نارك جنه ..
زينة .. زينة .. نحمل بأيدينا ..................
لميس شالها الطرب وهي تهز كتوفها / ياااااااااي ذكرتني هالأغنية بستار اكاديمي ..
هشام / ههههههههه اثقلي لحد يشووفك بس ..
لميس / لاااا مااقدر اقااوم ..
هشام طفى المسجل .. / انا اخليك هاللحين تقدري تقااومي
لميس وهي تناظره / يؤؤؤ ليه ... بلييييييييز حطهااا .. طيب خلاص ابعقل ماني براقصه ..
هشام / طيب بس بشرط الرقص خليه ليمن نرجع بيتنااا اوووكيه..
لميس ( يؤ استحي .. صدق عمررره ..) / طيب حطهااا انت بالأول ..
حطها لهااا والهبلة طرباانه جالسة وتهز رجولها ..
الا يدق جوالهااا ..
لميس وطت على صوت المسجل ورفعت الجوال / اووه هي ندووو
لميس / هلااا ندووووووووووش
ندى / لمووو وحشتيني .. عادتنا ندق على بعض اول ماوحدة تصحا فينااا ..
لميس / والله وانا اشتقت لك اكثر ..
ندى /.. والله امس ماشبعت منك رنوود الهبله خربت علينااا ..
لميس / ههههههه يااقلبي عليها رنوود .. .. كيفها ؟؟
ندى / اوووه اليوم مررووووقه مرره .. تخيلي قامت تدخل النت من ورانا وتستهبل وحركااات ... ..
لميس بصوت وااطي / احلللفي لا تقولي شاات لا تخترب البنت ؟؟
ندى / ههههههههه لااا منتديااات تطورت هههههه
لميس / ههههههههههههه يلااا خليها تنبسط شووي ..
ندى / وش رايك تجي اليوم عندنا ..
لميس وهي تتمسخر / هههههههههاي انا طالعة الشرقيه .. رايحه البحر ..
ندى شهقت / جد .. ايااا الخاينة .. تطلعي من دووني .. مااقول الا الله ياخذ ابو الهش اللي فرقنااا ..
لميس شهقت / اسكتي يااااااااااالدبه .. تراه جنبي ..
ندى / هههههههههه عااارفته ماصدق من على الله تزوجتوا اكيد 24 ساعه جنب بعض ..
لميس بدلع / ههههههه محترررره يالحلوووة
ندى / هههههههه عااااااااادي كلها شهر وانا عند عمووود ..
لميس / هههههههه الا تعااالي حددتوا موعد الزواج ؟
ندى / لسااا اليوم بشوف الأوضاع معه ..
لميس / ندوو وشرايكم تجوا عندنا بالشاليهات .. مو تقولي خالاتك بالشرقيه ..
ندى بحماس / والله فكررره .. خلاااص ابحكي لماما ..
لميس تحمسها اكثر / ندوو اقنعيهااا انتي قدها وقدود..
ندى / افاااااااا عليك .. مااكون ندوش اذا جا الليل وماجيناكم .. بس احجزوا لناا جنبكم ...
لميس / ابشررري .. الشاليهات كلها تحت امركم ..
ندى / تسلمي ياااااااااااقلبي ..اووكيه انا اخليك مع المفهي اللي بجنبك يلااا باااي ..
لميس / مااااااااالت عليك .. بااااااااااي
سكرت جوالها وحطته بالشنطة ..
هشام / اخيرررا ...
لميس / ههههههههههههه ..
هشام / ماشاء الله عليكم ..خططتوا وقررتوا وعزمتواا بعد !!
لميس / ههههههه أي حنا كذا على طوول .. نحب نتجمع.. وجمعاتنا لازم نكون كلنا مع بعض .. ..
هشام / بس هاللحين ياحلوة انتي انفصلتي منهم .. وتزوجتي .يعني أي شي حابه تسويه تستشيريني ..
لميس ( !!!! ) / .طيب انا مااسويت شي ..
هشام / إلااا مو تقولي عازمتها تجي الشاليه .. معناتها راح تجي وتجلسي معها .. وتخليني انصفط على جنب .. مو هذا اللي بيصير .. ؟
لميس.. / بس انا مو قصدي اخليك .. يعني حنا بــ
قاطعها عصام / حبيبتي عارف وش بتقولي .. شوفي هالمرة بمشيهاا بحكم اننا يادوبنا متزوجين وماتعرفي كيف تتصرفي بهالأمور .. وماتعرفي ان أي حاجة تسويها لازم اكون انا بعلم فيهااا .. وماتتصرفي بكيفك ... بس هاللحين الوضع اختلف .. انا وانتي شخص واحد .. يعني في كل حاجة اكون انا معك .. فااهمة علي ؟؟
لميس وهي تسمع كلامه .. / فااهمه ..
( يعني كل مره بجلس اقول له قبل لا اسووي أي شي !! والله حاااله !!)
::::::::::::::::::::::::::
الساعة 3وربع بعد الظهر
وفي بيت بو سعود السعود .اللي هو بو عماد ..
ام سعود وبناتها جالسين بالصاله ..
الا ينزل عماد من غرفته ويجلسي يبسط معهم .عالشاي ...
ام عماد / هااا وش اخبار عروستك ؟
عماد / تمااااااام تسلم عليكم ...
اخته عهود / الا وش راييك تعزمها عالعشا الليلة ..
منى وغيدا / جد والله .. !
عماد / والله فكرره .. بس بشرط انتم تسوون العشا مو تفشلونااا ..
عهود / ابشر .. بس خليها تجي نتعرف عليها اكثر ..
ام سعود / يلااا روح كلمها وش تنتظر ؟؟
عماد وبيده كوب الشاي / اصبري ماهي بطايره ..
غيدا / أي هاللحين ماهي بطايرة ولا قبل لاتملك تحن علينا الا نروح نشوفها لك ..
عماد / .مع وجهك .. خلاص هاللحين هي زوجتي واي حاجة بطلبها ماراح تقول لا .. يعني عاادي أي وقت اقول لها ماعندها مانع .. ..
منى / واااثق الأخ .. طيب فرضا كانت معزومة من عند اهلهااا
عماد بثقة / عااادي تكنسلها علشاني ..
عهود / خلاص اجل حنا بنجهز كل حاجة الليلة .. وبنشوف ..
عماد بإبتسامه عريضه / اووووووووووكيه ..
الا يدق جواله ..
منى / دقت ؟ !! ماشا الله عمرها طووووووووويل ..
عماد / يالغبيه مو أهي ..
وطلع من عندهم وكلم ..
عماد / دانه وش تبين كل شوي وداقه ؟
دانه بنبرة حزن / عماد .. انا مااقدر اعيش من دوونك ..
عماد يتمسخر / والله ؟ مااادريت ؟؟ !!
دانه بنفس النبرة / جد والله .. ماعدت انام الليل .. ولا عدت اطيق نفسي حتى ..
عماد / طيب وانا وش اسوي لك ؟؟
دانه / ابغا اشووفك ..
عماد / وبعديييييين ؟؟
دانه بلهفه / اشتقت لك ..!!
(عماد حس انها محتاجة له .. دانه كانت دايما تحكي كل اللي بقلبها له وتفضفض له .. وكان هو بالنسبة لها الصديق اللي ماتستغنى عنه .. في الشر وفي الخير بعد ..! )
عماد / طيب وش فيك ؟؟ تبغي حاجة مني ؟؟
دانه بنبرة حزن / محتاجة لك .. عمااااد
عماد قلبه حن عليها حن لذيك الأياااام بس تذكر ان خلاص مستحيل يرجع لها ولأيامها هو هاللحين خاطب .. ومايبغا شي يعكر الجو مابينه وبين ندى ..
عماد / دانه .. افهميني .. انا ماعدت لك .. خلاص انتي بطريق وانا بطريق .. انسييييييييييييني ..
دانه / قدرت تنساني وتتخلى عني بهالسهوله !
عماد بعصبيه / لاتحاولي بأسلوبك اني راح ارجع تامرين على خدمة تبين رايي في أي شي اهلا وسهلا .. لكن تحكي معي بهالأسلوب وتبغي نرجع لبعض مثل قبل .. مستحيييييييييييييييييييييل .. عارفه كيف مستحيييييييييل ؟؟
دانه ( والله لأخليك تندم على كل كلمة قلتها .. )/ تحبهااا ؟؟؟
عماد استغرب / منووو ؟؟
دانه بحقد / ندى
عماد / ههههههه أي يعني شرايك ؟؟ بخطبها من دون مااحبها ؟؟
دانه بخبث / اله يهنيكم ..
عماد بدون نفس / اووكيه انا مشغول هاللحيين .. يلا باي ..
وسكر الجوال .. على طوول ...

::::::::::::::::

الساعة 4 ونص العصر

ريناد وندى جالسين بالصاله عند التلفزيون .. ويقلبوا بالمحطات ..
ندى بيدها الريموت / آآآآآآآآف ملل من كثر المحطات ماعاد تشوفي شي ابد ...
ريناد وهي منسدحه على بطنها عالكنبة / من جد ملل ..
ندى / مافي الا بكرا نروح الشرقيه اليوم مسيو عماد عالعشااا بيتهم ..
ريناد شهقت وعدلت جلستها / بتروحي لوحدك لبيتهم ؟؟
ندى / أي .. موجودين اهله كلهم ..
ريناد / يالغبيه لاتكوني خفيفة وكل ماقال لك شي قلتي اووكيه ..
ندى !! / لا بس هو اول مرة يطلب مني اروح لأهله .. لقلت لا راح يقول يمكن ماابغا ازورهم ..
ريناد / اهااا .. اووكيه بس خلك ثقيله معهم .. لاتطلعي هبالك عليهم ..
ندى !!! / رنووود من وين لك كل هالحكي والله تكلمي مثل ماما !!
ريناد بأبتسامه / لأن هالشي المفروض لازم يصير ...
ندى بعد ماطفت التلفزيون / بيبي محتارة ايش البس حق الليلة ..!
ريناد / ياكثر ملابسك .. البسي أي شي واكيد راح يطلع عليك جنااان ..
ندى / اكيد بيطلع جنان ..
ريناد ضربتها بيدها على كتفها / آآموووت عالثقة اناااا ..
ندى / هههههههههههههههه

» روايه الحب المستحيل الجزء الرابع والعشرون الجزء الثانى
» روايه الحب المستحيل الجزء الرابع عشر تكمله
» روايه الحب المستحيل الجزء الرابع والعشرون
» روايه الحب المستحيل الجزء الرابع عشر تكمله الاخير
» روايه الحب المستحيل الجزء الخامس والعشرون الجزء الثانى تكمله