روايه الحب المستحيل الجزء الرابع والعشرون

الفصل الرابع والعشرون

{ الجزء الآول ...

:::::::::::::::::::

يوم بعد يوم .. وساعة بعد ساعة .. و.. و ...
وبعد ماتعمقنا بالشخصيات .. واتضحت لنا بعض الملامح
والغموض .. وبعض الآسرار المختبئة بعيون حادة وبعيون بريئه ايضاً ..

:::::
::
:::::

اول يوم بفصل الشتاء ..
والهوا مررررهـ بارد وقارس ..
وبرد الرياض يكسر العظام !!

ريهــآم جالسة جنب المدفئة ومسترخية عالكرسي الهزاز ..

وماسكهـ الجوال بأيدها والسماعات بأذونها ..
ريهام / مررررهـ تعباانهـ .. انااا مااتحمل هالبرد وععع
ومن جهه ثانية ريناد جالسة بالصالة تناظر التلفزيون
على روتانا سينما فيلم لعادل امام على روتانا سينما
وموطية صوت التلفزيون ...
ريناد / بالعكس والله جناااان الجووو .. اموووت بالبرد
اللي زي كذاا ..
ريهام / انقلعي ... والله انا تحت المدفئة واحس ان عظامي مكسرة
وترجف من البرد ..
ريناد / ههههههههه ياشينك اذا بالغتي .. المهم حبيبتي آخبار خلودي
معك هاليومين ..
ريهام تنهدت / والله كويسه ... يحكي معي كل يوم .. ويبغا يقابلني
بس انااا رافضة نوووو مافي أي شي قبل الملكه ..
ريناد بأبتسامه / اممم تمااام .. << وبجديه / عارفه اني متررده بالخطبه
ماادري ليه ؟؟
ريهام / لاااااا .. كيف ؟ يعني بعد ماخبرتيهم انك موافقه تقولي هالكلام
وليه ؟؟ وثانيا على ماتحكي رنيم ان راكان من زمان حاطك بباله
يعني اكيد راح يتقدم لك ..
ريناد بـ حيرة / ماادري يارهومااا .. من قالت لي رنووم عن المقلب
وانااا قاالبه .. ردت فعلي صارت عكسية .. بدل ماانبسط تكدرت .. حسيت
اني متضاايقه من دااخلي .. ومن نفسي .. ماني عارفه افسر هالشي ..
ريهام / تعوذي من الشيطان .. الظاهر ماقدرتي تعبري عن اللي بداخلك
تحسي كذاا بس هو العكس اكيد .. لا تشيلي هم .. واكيد بعد ماتحكي
مع راكان وتملكي عليه راح تتغير نظرتك ..
ريناد / المشكله انه ابد ماحاول يحكي معي ولا انه يوصل حكي مثل
قبل .. ولا حتى مسج عالآقل ..
ريهام ضحكت بقووة / ههههههههههههههه ايه اطلعي على حقيقتك
والله انك ميته فيييييييييه .. بس ماحد يفهمك غيري ..
ريناد / مع وجهك .. جد والله لاتاخذيها تمسخر علي ..
ريهام / ايوااا فاهمة .. المهم بكرا وش راح تعملي علشان جية لموو ؟
ريناد / واااااحشتني موووت ماادري وش راح اعمل اول مااشوفها
ريهام / يااقلبي عليها انااا مشتاقه اشوف بطنها كيف كبران ..
ريناد / ههههههههههههههه ياحلاااتهااا ماباقي الا شهرين وتولد
ويارررب تجيب بنووته
ريهام / هههههههههههه مع وجهها مو راضية تعلمنا وش قالت
لها الدكتوره ..
<<<< ندى دخلت على ريناد الصاله .. / رنوود
ريناد / رهووما .. ندوش تبغاني .. احاكيك بعدين .. يلااا باي ..
ريناد بعد ماسكرت الجوال .. ناظرت ندى .. / ايوااا
ندى شلحت عبايتهاا وجلست بجنبها / تعااالي شوفي وش شريت
ريناد طلعت من احدى الآكياس فستان بينك قصير مررررهـ وطالع شكله
كيوووت له علاق يتعلق ورى الرقبهـ ..
ريناد عيونها معللقه عالفستان / ياااااااااااي يهبل ... هذا لي صح ؟
ندى سحبتها منه بقووة / لاا والله من قال !! هذا لي ابلبسه بكرا
علشان بارتي لموو .. اممم << واخذت من كيس ثاني فستان احمر
لونه جذااب مرره لكنه طويل بس طوله مرره حلو / خذي هذا
اذا تبين ..
ريناد شهقت / لاااا ابغا البينك ..
ندى / انا وش دخلني فيك ..<< وبسخريه / ليه ماجيتي معي السوق
ياآخت ريناد ؟ وش اللي مانعك ؟ النت ولا التلفزيون ..
ريناد عقدت حواجبها بدلع / حبيبتي واختي وقلبي ندوووش ممكن
استعير منك الفستان البينك والبسه بكرا ..
ندى مبهوره من كلامها / لا ياااااشيخه جد انك انانيه .. هاللحين انا
اشتريه لبكرا تقولي استعيره منك والبسه بكرا ..
ريناد وهي منزلة راسها / بلييييييييييز .. انتي خذي الآحمر
وقربت من ندى اكثر وباستها بخدودها / تكفيييييييييين
ندى تهز راسها بلا / نووو قلت لك يالغبيه تعالي معي نتسوق رفضتي
هذي نتيجة عنادك ..
ريناد بعدت عنها بيآس / افاااا .. خلاص ابروح مع ريهام السوق ..
ندى تغير الموضوع / براحتك .. المهم انا رايحة اصلي المغرب تأخرت
علــ
قاطعتها ريناد / ندووش بلييز ابغاه بكراا وربي اعطيك اللي تبين ..
ندى ناظرتها / يعني مصررره .. ؟
ريناد بأبتسامه / اذا ماعندك ماانع ..
ندى قرصت خدود ريناد بقووة / خذي البينك .. تراني اخترته لك
ريناد مسكت خدها اللي صار احمر / آآآآآآآآآهـ بشويش ..
ندى / طيب قولي عالآقلم مشكوره تسلمي ..
ريناد / هههههههههه تو استوعب .. جد يعني البينك لي ؟
ندى / ايه .. شفته وعجبني حلفت ماحد يلبسه غيرك ههههههه
ريناد / هههههههههههه فديتك والله

::::::::::::::::::::

غيدا صار لها اسبوع وكم يوم وهي على هالحالهـ ..
رجعت البيت وحاسه انها مرررتاحه مررره .. طبعا من اللي تاخذه
جلست بالصاله عند امهااا ...
غيدا / مامااا وش فيك جالسه لوحدك وين منى وعهود ؟ حنان ؟
ام سعود / كل وحده بغرفتها .. وحنان طالعة مع اخوك سعود
الظاهر رايحه لبيت اهلهااا ..
غيدا استرخت عالكنبه / اهاااااااا
ام سعود تناظر غيدا مستغربه / هاللحين انتي مارحتي السوق ؟؟
وين اللي اشتريتي ؟؟
غيدا تذكر انها قالت لهم انها راح تتسوق ..
وردت عليها مرتبكه / اممم .. لااا .. أي مااشفت اللي ابغاااه ..
ام سعود بجديه / غيوود تراك مو عاجبتني هاليومين .. وش فيك ؟
غيدا بنفس الأسلوب / هااا .. وش فيني يعني ؟؟ ماافيني شي !!
ام سعود ابد ماهي متطمنه وخاصة من اسلوب غيدا المتغير كثييير
ردت عليهااا بخوف / غيداا حبيبتي .. انا قصدي ماعدتي تجلسي
معنااا ومـ
قاطعتها غيدا بعصبيه / يعني الواحد حرام يرفه عن نفسه ولا
راح تنقلب الدنيااا .. وش فيها لطلعت وتمشيت وانبسطت ..
يعني حلووة جلسة البيت اللي مافيها الا ضيقة الخلق والملل
والطفش ..
غيدا كانت تحكي هالحكي وبداخلها قهر مو طبيعي .. ضيعت
وخسرت نفسهااا .. وراحت ضحية ..

الا يدخل عماد البيت .. / السلام عليكم
ام سعود / وعليكم السلام
غيدا من شافت عماد تبلمت وعدلت جلستها من دون ماترد عالسلام
عماد قرب اكثر وجلس عالكنبه مقابل اخته غيدا
ام سعود / ها عماد رتبت كل حاجه .. ترى مافي وقت الآسبوع الجاي
الزواج .. نبغا كل حاجه حلوة ومرتبه وعلى مستوى
عماد / افاا عليك كل شي اووكيه ..
عماد التفتت على غيدا / وانتي وين راح روحي بهالوقت .. اشوف عبايتك
جنبك ..؟
غيدا ردت بعد مابلعت ريقها وابتسمت علشان مايشك في شي / اناا .. لا لا انا جاية من شوي مو طالعه ..
عماد رافع حاجبه اليمين ويدقق بملامح وجهها المشدوده / اشوف رجلك
اخذت عالطلعات .. ياغيوود ..
غيدا بنفس النبرة / وش فيك تناظرني كذاا .. وش تبي من وحده لا شغل ولا دراسة ولا شي .. اكيد ابطلع مع صاحبتي انبسط شوي
عماد بجديه / حنا ماقلنا لا تطلعي وتنبسطي بالعكس .. بس خففي شوي
بلاش كل يوم .. خليها كل ثلاث ايام عالآقل ..
غيدا ( وش اقولك ياعماد .. وراك مو فاهم شي انا يوم مااقدر استغنى
عن الحبه يوم .. تقولي ثلاث ايام .. اكيد اموووت )
عماد بنفس النظرة / غيوود ورى وجهك كذا كآنك مريضه ؟؟
غيدا الفتت تحاول تبعد عن نظراته / انااا .. لا بس لآني
بدون ميك اب ..
واخذت عبايتها ووقفت .. وبان من وقفتها جسمها الهزيل والنحفان مررة
عماد وهو يناظرها ( وش فيهاا هذي ماعادت تهتم بنفسها مثل قبل ..
وحتى وجهها صاير اصفر وشاحب لهالدرجه المكياج يغيرها ؟؟ )

وقطع سرحانه وتفكيره نغمة جواله الرومانسية ..
عماد حط ايده في جيب بنطلونه الجينز وطلع جواله .. ( الحب ... يتصل بك )
اخذ جواله وطلع لغرفته ..

عماد / هلا بالحب كله ..
ندى / هلا فيك يا قلبي .. المهم حياتي ابغا بكرا لطلعت من عند لموو
اطلع معك ونسهر سوااا علشان ياحلوو هذي اخر مرة نشوف فيها بعض
لييييييييمن ليلة الزواج اووكيه ..
عماد عاقد حواجبه مو مستوعب / ايييش .. حبه حبه خليني افهم وراك تسرعي حد لاحقك ؟؟
ندى / ههههههههههههههههه
عماد / ايوااا بس استوعبت .. ضحكك ردت لي رووحي ياروحي ..
ندى بدلع / واللهـ
عماد / والله .. ياروحي .. بس جد يعني ماراح اشوفك اسبوع والله حراام
ليه النذاله كذاا ؟؟
ندى بعفوية / لا مو نذااله بس هي شوية فرقا على دمعتين وبعدها راح
نلتقي بليلة الزواج بالضبط
عماد / هههههههههه لا ياشيخة تو دريت واللهـ .. ومن متى هالحكي ؟
ندى / اممم من بكرااا .. وش رايك .. مو احسن ..
عماد / اهااا .. اممم احسن ليه ؟؟
ندى بحيا / اممم يعني علشان نشاق لبعض اكثر ..
عماد اتكآ عالسرير وبلهجة شامية / اهاااا هيك لكــــــــــــــآن
ندى تسيارة باللهجة / هههههه ايوا هيك تؤبررررني ..

:::::::::::::::::::::

الساعـهـ 11 ونص ..

ابو ريهام جا من برا تعبان حدهـ .. قبل لايدخل غرفته شلج جاكيته
الكحلي الرسمي ..
واسترخى على الأريكه الفخمة بالصاله ..
وفي هاللحظة وصلت ام ريهام وعبايتها فوق ذراعهااا تو جاية من برا
هي بعد .. وطبعا بكامل اناقتها والميك اب صارخ مررررهـ .. طبعا
علشان تخفي سنها وتطلع اصغر بكثير !! هذا تفكيرها ومنطقها ..
ام ريهام / انت هناا ؟؟ من متى جيت ؟؟
بو ريهام عدل جلسته وهو يناظرها مستغرب / اووووهـ غريبه جاية
بدري اليوم .. حتى ماجت الساعة 12 ؟!!
ام ريهام التفتت عنه / علامك تتمسخر كذا ؟؟
ابو ريهام وقف وبجديه / تعالي الغرفه ابغاك ..
ام ريهام ببرود / خير ..
ابو ريهام توجه للغرفه .. ودخل .. ودخلت بعده ام ريهام .. وسكرت الباب
و رمت العباية والشنطه عالآريكه .. بدون أي اهتمام ..
بو ريهام وهو جالس على طرف السرير .. بجديه اكثر / اسمعي حنا
لازم نخبر خالد اللي خطب ريهام عن حقيقتهاا .. اقصد لازم نخبره بأنا
ماخذينها من دار الآيتام .. او بالآصح <<< بلع ريقه / لقيطه ..
ام ريهام / افففف قول له انا وش دخلني .. قلت لك انااا انت المسؤول
عنها .. وبكيفك قلت له ماقلت له الشي راجع لك .. بس انصحك
ماتخبره .. لآن لو درى يمكن يتراجع عن الخطبه .. وعاد تعال دور
على حد ياخذها ويقبل فيهااا ..
بو ريهام حس بغصه زي النار ناشبة في حلقه / وش هالآسلوب .. يا
( هيام ) لا تقسي عليهاا ولا تنسي انها ماتدري عن شي يعني قدامها
انتي المسؤله عنهااا ..
ام ريهام تناظر اظافرها المصبوغه بالآحمر اللامع .. / طيب اخلص
وش تبغا تقول لا تلف ولا تدور ..
بو ريهام / اجلسي معهاا .. وحاولي تلمحين لشي .. لآن لو درت
من خالد اكيد راح تعصب وتنهار ...
ام ريهام بعصبيه / اييييييييش .. انا اجلس معهااا ليه انا موفاضيه لها
وثانيا انا مااعرف المح وماادري ايش .. ليه انت ماتخبرها وتفك نفسك
من هالحوسه كلها ..
بو ريهام عصب اكثر / الظاهر انتي الحكي ضايع معك .. ماكآنك
اول مااخذناها طرتي فيها وحتى اسمها انتي ياللي اخترتيه ..
وبلهجة تهديد << اسمعي انا قلت لك خبريهاا احسن لك .. وانا راح
اخبر خالد .. ولا تنسين يااامدام .. انا اهلي واهلك كلهم يدرون بالسالفه
وماقاطعونا الا علشان هالشي .. يعني مو بعيده ان دروا ان خاطبها
دكتور وربي منعم عليه يخربوا بينهم .. فحنا من البداية نحسمها معه
وهو عاد بكيفه يبغاها ياخذهااا مايبغاها مو لازم .. ماراح تتعطل عليه
هي .. هي ماشاء الله عليهااا ماعليها أي كلام .. ويكفي انها تحمل
اسمي !!
ام ريهام ( هذا احسن مافيها انها تحمل اسمك واسم عائلتك وفلوسك
ههههه لا تفكرني اخذتها علشان احب الآطفال .. لااا علشان اسمك ومنصبك وفلوسك وعلشان
ابقى معك على طووول ..
ولو حاصل لي بوقتها ولد كان ازين وازيين .. )
بو ريهام / وش فيك ساكته ؟؟
ام ريهام وقفت واتجهت للدولاب .. / مافيني شي بس ابغا أنام ..

بو ريهام .. ( افففف وش الحل يعني من راح يقول لهااا ؟؟
انااا مشكلتي مااقدر احط عيوني بعيونهااا .. مااحب اشوف
ردة فعلهااا .. مافيه الا هي تقدر على هالمواقف هي مايهزها شي
ويكفي اني راح اقول لخالد .. وربي يستر .. )

::::::::::::::::::::::

Pink room
ريناد منسدحة عالسرير وتتقلب بفراشها ..
اتكآت وعدلت ربطة شعرهاا .. واخذت دفتر من جنبهاا وقلم ..
فتحت الدفتر لآخر ورقة فاضيه فيه .. وكتبت ..
(.. يوم الآربعا ..
22 / 12 ...
الساعة 5 الا ربع فجرا
::

عودني لضاق صدري ماتخليني
ابشوف لهمي وحزني تنسيني !!
ودي احكي باللي بقلبي .. واسمعك بالليل ونيني ..
ودي اضمك واقول .. تكفى على صدرك خليني !!
ودي اكذب واقول تراني مرتاحه وانا اساسا النوم مجافيني
وينك يالغالي .. تكفى حاكيني ..
لما تحاكيني انسى همي وانسى كل احزاني وشجوني ..
ولما اشوفك احس اني ماشفت أي شي بالدنيا غيرك .. !!
<<< ريناد حطت القلم عالدفتر .. وشوي الا تقطع الورقه
من الدفتر .. وتو بتمزعها وتقطعها الا تراجعت وقرآتها
من جديد ..
وثنتها وحطها بالدفتر وسكرته .. وحطته بالدرج ..
وقبل لا تسكر الدرج اخذت البوم صور خاص لها ولأمها ..
عدلت جلستها وبدت تتصفح فيهـ .. وتناظرالصور ..
وتسترجع كل ذكرى فيه .. وآخر ذكرى لهاا .. لما كانت بحظن امها
بعيد الآم .. احتفلت معهااا لكن وين ..؟ بالمستشفى ! بفترة العلاج ..

::::::::::::::

وعلى نور الشمس .. الخافتهـ ..

جلس راكان من النوم .. واخذ له شاور وبدل ملابسه
ونزل تحت علشان يفطر .. ويروح الدوامـ ..
واول مانزل لقى رنيم وشوق وامه وابوه عالطاوله يفطروااا
راكان تقدم اكثر .. / صباح الخير
الكل / صباح النور
رنيم / رايح الدوام ؟
راكان / وش راييك لابس ثوب وشماغ اكيد رايح الدوام ..
شوق / ههههههههههههه رنووم وراك اليوم مفهية ؟
رنيم / انااا ؟... بالعكس رايقه هههههههههه
راكان اكل حاجة خفيفة ,, ووقف .. / يلااا مع السلامه
بو هشام / ارجع بدري .. علشان نروح لهشام المطار ..
راكان حط ايده على راسه / اوووه جد ذكرتني يبه .. ترى طيارتهم
موعدها العصر الساعة 5 تأجلت ..
ام هشام / لا جد .. ليه ؟
راكان وهو مستعجل مشى / أي دونت نو .. يلااا بااااااااااي
ام هشام تناظر رنيم / ههههههههه وش قال ؟
رنيم / ماايدري .. بس تدرون احسن تآجلت كم ساعة علشان نجهز انفسنا
ونظبط البيت ..
شوق / بابااا خليهااا العزومة بالشالية احسن ..
بو هشام / لاااا بهالجو برررد ماينفع ..
ام هشام / وهو الصادق وثانيا لو رحنا يبغا لنا كذا يوم مو يوم واحد
ونرجع ..
رنيم / يااااااااااني مشتاقه للمو وابو الهش .. افتقدنا وجودهم من جد ..
شوق / مرررهـ ربي يرجعهم لنا بالسلامة .. تدرين رنوم شنو اكثر شي
افتقدت ...
رنيم بأصغاء / شنو
شوق بصوت واطي مرره / هذرة هشام وصراخه هههههههههه
رنيم / ههههههههههههههههههه

:::::::::::::::::::::

(( كم من احلام نسجناها سويا .. وافراحا اضئنا شموعها سويا .. ))

اطهر واجمل واروع علاقه اساسها الحب ..
خلود وعبداللهـ

::

خلود واقفة عند الباب تودع عبدالله لآنه طالع للدوام ..
خلود بأبتسامه / اووكيه ياقلبي .. بالسلامهـ
عبدالله طلع قبله على خدها / الله يسلمك حبيبتي ..
خلود / ثواني .. رايحه اجيبه
راحت بسرعة اخذته من على الطاولة اللي كانت بالصالة .. ورجعت
عند الباب .. واعطته اياه ...
عبدالله اخذه منها وحطه بجيبة .. وفجأة حس بعوار بجنبه ... وحط ايدهـ
وضغط على مكان الآلم بقووة / آآآآآآآآآآآآآهـ
خلود بخوف / عبدالله وش فيك .. وش اللي حاس فيه ؟
عبدالله شال ايدهـ بتوتر / ولا شي .. آلم خفيييف
خلود حطت ايده مكان ماكانت ايده موجوده .. / يألمك هنااا ؟ ولا ؟..
عبدالله ماسك نفسه اكثر / ايووة هناا .. خلود حبيبتي خلاص قلت لك
الم خفيف ووراح ..
خلود / اكيد ؟ يعني اتطمن ..
عبدالله بأبتسامه / اكيدين .. يلا سي يو
خلود / انتبه لنفسك ..

::::::::::::::::::::::::

الساعة 4 وثلث .. مساء

ندى لبست الفستان الآحمر وتجهزت ومررة متحمسه لهاليوم ..
وهي واقفة عند الدرج تلبس عبايتها وبأعلى صوتها / رنوووووووود
انزلي .. مشينااا لا تأخرينااا
::
ريناد تناظر نفسها بالمراية وتظبط شعرها بأيدها
لابسة الفستان البينك وشكلها مررة كيوت .. وحتى مكياجها كان
ناعم مررة كحلة سودا وماسكرا برزت جمال عيونها العسلية
ورموشها الكثيفه وروج زهري لاااامع وجذاااب مرررة وبلاشر
بينك خفييف وشعرها بقصة الفروالة ورى ظهرهااا العاري
ماشاء الله طولان لثلاث ارباع ظهرهاا وغرتها على جنب مثبته
بدبوس فيها فصوص بينك ..
معطيها شكل ثاااني ومغير شكلها بالمرررة ..
تعطرت من ( استيلا ) وبسرعة لبست صندلها
وربطت خيوطه الحريرية لفوق ساقها واخذت عبايتها ونزلت ..

::::::::::::::

ريهام جالسة تحت بالصالة تنتظر ريناد وندى يمروها علشان المطار
والجو هدوووء مرررة ماتسمع الا انفاس ريهام ..
الا يدق جوالها .. والتفتت بسرعة اخذته من جنبها وناظرت
المتصل .. ( الهبـــــــلة .. تتصل ك )
ريهام قربت الجوال من اذنها / هااا ندوش انتم وين ؟ ..... اووكيه اووكيه هاللحين اطلع ... )
ماعندها وقت تلثمت بس وطلعت ..
وبالسيارة .. اول ماركبت / هاااااااااااي
ريناد وندى / هااااااااايات
ريناد انبسطت لما ناظرت عيونها / اووووه رهومااا حاطه عدسات .. ياي
جناااااااان ..
كانت ريهام حاطه عدسات لونهم زيتي على عسلي لونهم يجنن مررة
ريهام / جد حلووين ..
ندى وريناد / رووووووووعة
ريهام برجه / هيـــــــــه مو العدسات .. عيووني ..
ندى وريناد / هههههههههههههه
ندى لمحت من فتحتة العباية انها لابسة شي حلوو ولونه ملفت ( اورنج )
وباين عليه انه قصير / اوووه والخافي اعظم ..
ريهام حست بحياا يمدحونها .. وهي جالسة معهم .. حطت رجل على رجل
وعدلت عبايتها كويس .. / ايواا هذا علشان لموو ..
ريناد / افاااا يعني مو علشاني ؟
ريهام / هههههههه علشانكم كلكم لا تزعلوون ..
ندى / هههههههههههههههه وعلشان خلودي صح ؟
ريهام ناظرت ندى بحياا طلع من عيونها / هااا ؟
ريناد تضحك بصوت واطي / ههههههههه
ندى تأشر بأيدها وتضحك / لا لا ولا شي .. ههههههههه ...
ريهام / يازينك ساكته بس ...

:::::::::::::::

وبداخل المطـــــــــآر
زحمة ناس .. وازعاج ..
والعيون تراقب القادمين ..
بو هشام تقدم عند السور اكثر وهو يناظر / هااا وينهم .. ؟
راكان / ههههههه انتظر يبــه لسااا طيراتهم مابعد توصل باقي
ربع ساعة ..
ام عصام / اففف ملينا وحنا ننتظر ..
رنيم / خالتي خلينا نجلس بمكان نشرب كوفي على ماتوصل طيارتهم ..
وشوق وعصام جنب بعض .. وساكتين .. !

::
::

ريناد وندى وريهام وصلوا المطار ..
ندى متقدمتهم و تحس ان الشوق يسبقهااا علشان تتسقبل لميس بحرارة
ريناد وريهام سوااا يمشون على راحتهم ..
ريناد لمحت راكان من بعييييد .. ماحست الا بقلبها يدق بقوووة
مسكت ايد ريهام بقوووة وهي مرتبكه ..
ريهام التفتت عليها / وش فيك ؟؟
ريناد بنبرة دايخه / رهووم ناظري هذا راكان اللي لابس اورنج ..
ريهام تدور بعيونها / ويييينه .. ايييييييييه جد .. طيب وين رنيم ماهي
معه ؟
ندى التفتت عليهم / يلاااا هذا راكان رنود اسأليه وين رنيم ؟
ريناد شهقت / لاااااا ..
ريهام / هههههههههه خلاص انا راح اسأله
ريناد ناظرت ريهام / ايييش ؟ لاااا خلاص نوقف هنا وانا ادق عليها ..
ندى / والله انك بااااااااايخه .. ينقال عنك تغارين ..
ريهام / افااا تغاري مني .. ماهقيتك بصراحه
ريناد / ندووش لا تسبي شر انتي ووجهك ..
ندى وهي تضحك / هذا الصدق ههههه
ريناد بدلع تقهرها / كييييييييفي .. اغار مااغار هالشي راجع لي
ريهام بعتب / ياحظ راكان فيك .. ماشاء الله للحين ماصار شي
وتغاري عليه اجل لو ملكتي وش راح يصير .. ياخوفي تغطي عيونا
وتخلينا ابد مانناظره .. ههههههههه
ندى حبت اسلوب ريهام وكملت / لا اسمعي ريهام الظاهر مو حنا ياللي
بتغطي عيونا لا راح تغطي عيون راكان .. ههههههههههه
ريناد ماسكه ضحكتها / احللللللفوا عاد ..
::
::

راكان اخذ له كابتشينو ... وراح للطاولة اللي فيها اهله ...
ندى / مايحتاج تدقين خلاص هذا همااا .. يلا تحركوا وراكم واقفين كذا ؟؟
ريناد وريهام / هههههههههههه
ومشوا وتقدموا اكثر ..
راكان التفتت على جنب الا يلاقي 3 بنات متقدمين عندهم .. ارتبك لمن
انتبه ان ريناد معهم .. عرفها من عيونها وهيئة جسمها .. اللي يحسها
خفيفة وهي تتمايل بمشيتها ..
دنى الكرسي ووقف .. ( يااني مشتاااااااااااق اناظر عيونك .. )
ريناد منزلة عيونها وهي تمشي .. بخطوات بطيئة مررة ..
رنيم وقفت وراحت لعندهم بسرعة وجلستهم بطاولة ثانية ..
ريهام / ههههههههه وش فيه راكان للحين واقف

ريناد بسرعة التفتت عليه ..

[ندعوك للتسجيل في المنتدى أو التعريف بنفسك لمعاينة هذا الرابط]

فترة الأقامة : 1200 يوم

معدل التقييم : روايه الحب المستحيل الجزء الرابع والعشرون Reputation_pos

روايه الحب المستحيل الجزء الرابع والعشرون Reputation_highpos

إحصائية مشاركات » [ندعوك للتسجيل في المنتدى أو التعريف بنفسك لمعاينة هذا الرابط]

المواضيـع	الــــــردود
[[ندعوك للتسجيل في المنتدى أو التعريف بنفسك لمعاينة هذا الرابط]]	[[ندعوك للتسجيل في المنتدى أو التعريف بنفسك لمعاينة هذا الرابط]]

بمـــعــدل : 1.69 يوميا

طقاقات بجمس

[ندعوك للتسجيل في المنتدى أو التعريف بنفسك لمعاينة هذا الرابط]

روايه الحب المستحيل الجزء الرابع والعشرون Post_old

03-01-2008

#[ندعوك للتسجيل في المنتدى أو التعريف بنفسك لمعاينة هذا الرابط]

طقاقات بجمس
روايه الحب المستحيل الجزء الرابع والعشرون 5

[ندعوك للتسجيل في المنتدى أو التعريف بنفسك لمعاينة هذا الرابط]

روايه الحب المستحيل الجزء الرابع والعشرون User_offline

بيانات اضافيه [ [ندعوك للتسجيل في المنتدى أو التعريف بنفسك لمعاينة هذا الرابط] ]
vbmenu_register("posts4_161293", true);

الرتبة : ,, زعيــمـة الطقاقات ,,

رقم العضوية : 2036

تاريخ التسجيل : 01-03-2007

المشاركات : 2,026 [ [ندعوك للتسجيل في المنتدى أو التعريف بنفسك لمعاينة هذا الرابط] ]
vbmenu_register("posts3_161293", true);

نقاط التميز : 935

لوني المفضل : Dimgray

روايه الحب المستحيل الجزء الرابع والعشرون Icon1

رد: رواية الحب المستحيل <<< رووووووووووووووعه ورومانسيه خياليييييييييه لا تفوتكم

ريناد بسرعة التفتت عليه ..

( شربت الحب من كاسك
طعم الورد { بأنفاسك **
كنك عذب بآحساسك
وأنا مغرمه بك ولهانه
،، حبيبي كان ما تدري
ترى حبك بدى يسري !!)

ندى غمزت لريناد / الآخ يغااااازل ..
رنيم / ماعليكم منه المهم .. انا رايحة اطلب لكم كابتشينو اووكيه
ومشت ..
ريهام ضربت ريناد على كتفها بقووة / ايتها العاشقة الغيورة عطينا وجه
ريناد التفتت عليها / هههههههههههههه عاشقه وغيورة ؟
ندى / لااا رهوم ماتجي اهو عاشق هي اممم <<< تفكر وتدور لها
لقب يليق عليها / ايووة انتي المغرومة الغيورة ..
ريناد ضحكت على هبالها / ههههههه خليني على عاشقه احسن
ريهام وندى / هههههههههههه
وبالجهه الثانية ...
ام هشام .. تأشر بعيونها / ام عصام هذي ريناد اللي خطبناها لراكان
راكان حس بحيا شووي واكتفى بأبتسامه
ام هشام / ايوا ماشاء الله عليها تهبببل ..
راكان وده تحكي اكثر علشان يسمع عن ريناد اكثر ..
راكان وقف وراح لعند ابوه وبو عصام ..

:::::::::::::::::::

رنيم وهي تمشي رايحة تطلب كابتشينو .. فجآة حطت ايدها على قلبها
اللي ينبض بقووة وشهقت / و .. ولييييييييييييييييد !!! وش جابه لهنا
مانتبهت من عمرها الا وهي لاحقته وتناديه بصوت واطي / وليييد !!
وليد بأيده شنطة سبورت التفتت بسرعة من هذي هذي اللي تناديه
بهالطريقه ..

رنيم لمعت عيونها وماتدري ليه اصلا لاحقته ومنادية عليه ..

وليد وهو عاقد حواجبه / خير .. تناديني ؟؟
رنيم ( آآآآآآآآهـ ياقلبي .. ) .. / امم ايه .. اممم مو انت وليد العالي
وليد استغرب اكثر ( يعني مو غلطانه ) / ايه .. منو انتي ؟؟؟
رنيم وهي تناظره بشوق / اممم انااا .. انا رنيم ..
وليد ضحك على تصرفاتها / ههههههههه رنيم .. رنيم منو .. انتي
شلون تعرفيني مو خبري مشهور ..
رنيم ( يعني مايعرفني ولا حتى يتذكرني ابد .. ) وبيأس ردت عليه / انااا
صديقة ريناد ... الفارس ..
وليد تبدلت ملامح وجهه بان انه تذكر شي / اهااااااااااا ايوووووة ريناد
يعني انتي رفيجتها ..
رنيم / ايوووا ...
وليد / اشعندك طيب هني ؟
رنيم بأبتسامه / ابد .. اخوي وزوجته جايين من امريكا وحنا جايين
نستقبلهم .. اممم انت جاي ولا رايح ؟؟
وليد / لا اناا جاي .. عندي كم شغله .. وبروح على طول ..
رنيم مفهية / اها ..
وليد وهو يناظرها مبتسم ..
( ههههه وش فيها هالبنت .. لاحقتني علشان تقولي انا رفيجة ريناد !! )
رنيم حست بشعور ثااااااااااني لما هو يناظرهاا .. حست ان كل جسمها
يرجف .. وبطنها مغصها وبسرعة نزلت عيونها .. تخفي احساسهااا
وليد من نزلت عيونها .. ابتسم .. وهو يناظر شكلها بالعباية كيف
لافه جسمها لف ..
وليد / اممم تبين شي ثاني ؟
رنيم حست ان موقعها بالمررة غلط .. رفعت راسها بسرعة / هااا
لااا مابغا شي .. سـ .. سلامتك ..
وليد / الله يسلمج ..
ومشى من جنبهاا .. ورنيم تلاحقه بنظراتها .. ( اخيراااااااااا
حكيت معك .. وحطيت عيوني بعيونك .. ياحلاة عيونك بس .. )
الا يدق جوالها .. اللي بأيدها ..
رنيم ناظرت الشاشة .. / اوووووه نسيتهم هذولا ..
ومشت بسرعة وراحت لعندهم ..
وبحماس ونشاط .. / تآخرت عليكم ؟
ندى / وين الكابتشينو ياحلووو
رنيم حط ايدها فوق نقابها جهه فمها / اووووووووووه نسيت
سووري ..
ريناد / مع وجهك .. اجل وين كنتي ؟
ريهام / اكيد تناظر حد يعطيها وجه .. هاليومين رنوم جد صايرة
هبله وماهنا زود ..
رنيم / وجع رهووم انا هبله وماهنا زود ! عداال عليك وانتي
جلستي تحوسين وتحوسين ليمن طيحتي خالد وعذبتيه ..
ريهام عطتها نظرة حاادهـ / انقلعي عااد

وعلا صوت .. يبين ان الركاب نزلوا من الطائرة ..
ووقفوا كلهم واتجهوا للسور .. وهما يناظرون ويدورون بعيونهم
وبنظراتهم ..
اقبل هشام بالجينز الرمادي الغامق والقميص السماوي مخطط بأبيض
والجاكيت الرمادي ..
وكرافيت مخطط باللون السماوي والرمادي والآبيض .. الآخ مطقم
صاير شكله رزة كأنه رجل اعمال ..
وضام ايد لميس بقووة عارف انها راح تتهور لما تلاقي اهلها
اكيد راح تروح لهم بسرعه .. وهي ماتتحمل تركض كثير ..
لميس / هاا هشام شفتهم ؟؟ وينهم ؟..
لمحهم بسرعة انهم واقفين يحترونه ويأشرون بأيدهم ..
هشام اشر بأيده عليهم / هههه ايوه هذا هم ..
لميس تحس انفاسها سريعة .. مشتاقه لحظن امها .. وحنان ابوها
وفكاهة اخوها .. وهبال ندى .. وعربجة ريهام .. وبراءة ريناد ..
وجنون رنيم اللي سمعت فيه ..

قربوا عند السور اكثر .. واكثر
الكل مبسووط ويهيص ومتحمس الجو بينهم ملخبط
اللي يسلم واللي يأشر واللي يتكلم واللي يضحك
لميس لمت امها بذراعها من ورى السور .. / ماما وحشتيييييني
ام عصام / الحمد لله على سلامتك والله انا مشتاقه لك اكثر ..
لميس نزلت دموعها .. وهي بنفس الوضعيه
ندى قربت منها اكثر وعيونها تلمع / لموووووووووووو
ندى التفتت بسرعه وبصوت عالي / ندوووووووووووووش
لميس قرصت خدود ندى / وربي اشتقت لك موووووووووووت
ندى / اوووه والله نفسي اخطر السور بس للآسف لابسه فستان
ولا كات تهورت هههههههه
لميس دموعها على خدها من ورى النقاب / ههههههههه
التفتت على ريهام / رهوووووووووووما .. يالدبه انتي اكثر
حاجة خاطري اسولف معها
ريهام عرفت قصدها / هههههههههه متوعدتني اجل
والتفتت على ريناد / بيبي ..
ريناد رمشت ونزلت دموعها والشوق باين من عيونها / لموووووووو
وحشتيييني ..
لميس / انااا بموووت من الشوق والله ..
رنيم بعدت ريناد / مابقى لي شي .. هذا وانا بنت خالتك وعمك يعني انا قبلهم كلهم ... هههههههههههه كيفك حبيبتي ..
لميس / ههههههه وحشتيني يالمجنونه ..
رنيم بغمزة / ههههههههههه واكبر مجنونه على وجه الآرض
شوق قربت من عندهم بسرعة / لموو بعد قلبي مشتاقة لك
لميس / هلاااا بزوجة اخوي .. والله واحشتني مرررة

ارجو تعديل الموضوع
كده والله ماينفع

» روايه الحب المستحيل الجزء الرابع والعشرون الجزء الثانى
» روايه الحب المستحيل الجزء السادس والعشرون الجزء الاول تكمله
» روايه الحب المستحيل الجزء السادس والعشرون الجزء الثانى تكمله
» روايه الحب المستحيل الجزء الخامس والعشرون الجزء الثانى تكمله
» روايه الحب المستحيل الجزء السادس والعشرون الجزء الاول