روايه الحب المستحيل الجزء الثامن عشر تكمله

ريناد مو مستوعبه كل الي صااار .. وهي بالسياره منشغله بالكلينكس وتمسح دموعهااا ...
كومار / مس ريناد هزا مس ندى يبغاك زروري ..يقول كلم هوا جوال الحين
( ريناد .. ندى تبغاك ضروري كلميها جوال هاللحين )
ريناد سمعت وش قااال .. ( ندى ... آآآآآآهـ ياندى .. ياليت تقدري اللي صاار.. مو جاية لي البارح مصحيتني من نومي .. وتصارخي علي )

الا توقف السيارة .. وصلوا البيت .. فتح لها الباب ..
ريناد نزلت ببطئ .. ودخلت دااخل ..
واول مافتحت باب البيت الداخلي ..
ندى نطت من مكانها بسرعه وتوجهت للباب .. / ريناااد وينك وين رحتي ؟
ريناد وهي منزلة راسها / اللي تبغيه صاار .. دانه ماراح تقرب منك ولا من ع ـــ عماد ..
ندى وهي تناظرها شهقت ورفعت راسها بيدها بسرعه / ريناد وش فيك .. من اللي عامل فيك كذااا ..
الا تقرب ام عبدالله / ريناد وش فيك ؟؟ شالأحمر اللي بوجهك ؟؟
ريناد رفعت راسها ونزلوا دموعها بسررعه على خدودها وهي تتشاهق بالبكي / اهئ اهئ اهئ اهئ
ام عبدالله وندى خافوا عليهااا اكثر .. كل وحده منهم تفكر بشي ..
ام عبدالله قربت من ريناد ولمتها بحظنهااا بقووه / ريناد احكي من اللي عمل معك كذاا .. انتي وين رايحه ؟؟
ندى وهي حاسة بالذنب / ماما ندى رايحه بيت خالتهاا ام حسام
ام عبدالله شهقت ومسكت ريناد بزنودها / ليه رايحه ؟؟ وش تسووين ؟؟ ومن اللي سوى فيك كذاا ؟؟ هاا تكلمي ..
ندى مسكتها وسحبتها لداخل وجلستهااا
ندى تنادي / تينااا .. تينااا عطيني مويه بااارده بسرررررعه
ندى جلست جنب ريناد بالضبط / ريناد انا آسفه .. والله ماكنت اقصد اللي حكيته معك البارح ...بس والله اعصابي تلفاانه .. ومالقيت قدامي غــ
ريناد قاطعتها بصوت مبحوح ودموعها بوسط عينها / يرضيك كذااا << حطت يدها بمكان الكف / دانه ضربتني ..ياندى ... وكــ
ندى ماتحملت تشوف اختها بهالحاله لمتها بقووه وبحنان / رنوود خلااص
قلت لك آآآآآسفه ..ور.....
قاطعتها ام عبدالله اللي جلست جنبهم / وش فيكم ؟؟ وش اللي صااير ؟؟ ندى تكلمي .. لا تخليني مثل الأطرش بالزفه ...
ندى تناظر امها وهي مرتبكه / لااا ماما .. بس انــ
ريناد بعدت عن احضان ندى .. وناظرت خالتهااا / انا متمشكله مع دانه بنت خالتي .. و...
ام عبدالله / انتي مجنونه تروحي لهم لوحدك ؟؟ شوفي وش صار .. من اللي مد يده عليك ؟؟
ريناد بألم وبعيون مذبلها الحزن / دااانووه .. النذله
<<< وحطت يدها على خدهاا / يألمني مرره ..يااخالتي ..
ام عبدالله مسحت على خدها بحنان ونعومه / ياابعد قلبي
ندى ماتحملت الموقف مشت من عنهم بسرعه وبكت من قلب ..
تينا جاية ومعها المويه ..
ام عبدالله اخذت الكاس ومدته لريناد .. / اشربي بردي على قلبك .. وهذي النذله اوريك فيهااا ..
ريناد وهي تمسح دموعها بالكلينكس قربت الكاس من فمها وشربت وحست انها مهما شربت ماراح يطفي النار اللي بقلبهااا ..
حطت راسها على كتف خالتهااا وغمضت عيونها العسليه ..
ندى وهي واقفه عند المدخل .. ودموعها بخدهاا ( آآهـ كل هذااا مني يااارينااد .. كل هذا علشااني ؟؟ الله يااخذك ياادانه الفقر .. وربي راح ارد الكف ياللي عطتيه لريناد بكف بس اللي اتمناه كف من نوع ثااني )
دخلت ندى المطبخ واخذت ثلج ...
ام عبدالله لساا تستجوبها / وليه وش هالمشكله ياللي تخليها تمد يدها عليك وين خالتك عنك ؟؟
ريناد وهي بنفس الوضعيه / هي مضايقتني بمكالمتها رحت اوقفها عن حدها وهذا كل اللي صاار ..
ام عبدالله / انا اورييك فيها لأقول لأخوك عبدالله يتفاهم معهااا الحيوانه ..
ريناد شهقت / لاااا خالتي .. خلااص انا ماعاد ابغا منهم شي .. خلوهم بحالهم علشان يتركوني بلحالي بعد ..
ام عبدالله بنبرة تهديد / بس والله ياريناد من طلعتي مرة ثانية ورحتي لعندهم بدون ماتخبريني يااويلك .. شووفي وش صار منهم هذولا مايتأمن فيهم ..
ريناد / اكرههم .. مااحبهم كلهم ..
ام عبدالله ( انا مااقول هالكلام علشان اكرهك في اهلك ... بس مايهون علي اشوف البنت اللي انظلمت مني ومن ابوها تحتاج لكلمة حنية ومااعطيهااا .. تحتاج للحب وابخل عليهااا .. )
الا تدخل ندى ومعها الثلج ..
ندى قربت من ريناد وحطت كيس ثلج صغير على خدهااا ..
ريناد / آآآهـ ..
ندى بهدوء / يلاااا الثلج راح يخفف الألم والأحمرار اللي على خدك ..

::::::::::::::::::::::::::::

عماد بغرفته منسدح ومتأفف مرره من اللي صااار بينه وبين ندى ..
اخذ جواله بسرعه ودق على دانه من دون تفكير ..
دانه من صعدت فوق وهي تفكر وش تقدر ريناد تسويه ؟ ومتخوفه حسام يدري عن سواد وجهها وبلاويها الشينه ..
الا يدق جوالهااا التفتت بسرعه وناظرت الرقم ...
دانه ( هذاا عمااد !! وش يبغااا هو الثاني ؟؟ !! )
ردت عليه بصوت باين عليه الخوف / الو وو
عماد / اسمعي .. لا انتي ولا عشرة من امثالك يقدروا يفقرقوا بيني وبين ندى .. انصحك نصيحه لوجه الله انك تبعدي عنها وتتركيها لوحدهااا لا والله اجي لعندك البيت واقابل اخوك واعطيه كل اللي عندي صورك ..وارسل له كل اللي عندي بالجوال وكل شي ..
دانه وهي تسمع كل كلمه وكل حرف / يالنذل .. تبغاني اسكت وش اللي يضمن انك ماراح تفضحني ؟؟
عماد / لاااا ثقي وتأكدي .. انا ماراح اسوي هالشي دامك بعيده عني وعن ندى .. بس لما تحاولي تخربي بينااا اعرفي مصيرك ايش راح يكون ..
دانه بنبرة رجااا / جد ؟؟ ماراح تفضحني ؟؟ بليييز رد علي ..
عماد بثقه / ايه جد .. واحلف لك اذا تبين .. بس اهم شي انتي ياللي تعطين نفسك وعد انك ماتقربي من ندى .. وماتحاولي تخربي علااقتنااا
عماد سكر الجوال قبل لا يسمع منها ولا كلمه .. ولا حرف ..

::::::::::::::::::::::::::

الساعة 2 وربع الظهر

عبدالله وخلود بعد ماتغدوا جلسوا عند التلفزيون
عبدالله / ياااحلاااة خلوود اليوم مصلحه كل شي بنفسهااا
خلود بأبتسامه حلوه / أي يااحلااتني .. وياحلاتك انت بعد ..
عبدالله / اناااا ليه ؟؟
خلود بنفس الأبتسامه / ايووهـ .. لأنك سفرت العله اللي عندي ..الله يااخذها
عبدالله / ههههههههههههههههههه
خلود بجديه / والله مبسووطه حدي اليومـ ..
عبدالله يتمسخر / خلاااص اسبوع الجاي راح اجيب لك خدامه غيرها تساعدك ..
خلود شهقت / لاااااااااااااا علشان تساعدني وتلف عليك ..
عبدالله / هههههههههههههههه
خلود / أي اضحك انت وش عليك ..

:::::::::::::::::::::::::::::

( ريهام )

بغرفتها وطفشاانه مرره .. اخذت الجوال بسرعه ودقت على ريناد ..

:::::::::

ريناد جالسة بطرف السرير وندى جنبها ..
ندى / شنووو ياريناد اسامحه والله اللي سمعته كرهني فيه ..
ريناد / جد ؟؟ يعني ماراح تحكي معه ؟؟
ندى / اممم والله ماادري محتااره اسامحه ولا لاااا
ريناد بعتب / هاللحين متعبتني ورايحه لدانووه آخر شي تقولي محتارة .. بصراحة ماعندك سالفه ..
ندى / لاااا مو قصدي .. بسـ
الا يدق جوال ريناد
ريناد اخذت الجوال من جنبها وناظرته/ ههههههه رهوومااا
ريناد / هااااااااي
ريهام / هااااااااااياااااااااااات اخبااارك ؟
ريناد ( اخبااري !! زفت والله ) / كويسه .. انتي اخبارك ؟
ريهام / طفشاااانه والله ...
ريناد / ليه .. ماعاش من يطفشك وانااا موجودهـ ...
ريهام / يااقلبي والله مافي حد بالدنيا فاهمني غيرك .. ويلوموني فيك
ريناد / ههههههههههههه جد مجنونه ..
ريهام / مجنونة مجنونتين هذا الشي راجع لي .
ريناد / ههههههههههههه اووكيه ..
ريهام بجديه / رنووده العصر بروح المستشفى وش راييك امرك علشان نطلع سواا
ريناد / هااا .. لااا والله مالي خلق اطلع .. روحي وطمنيني عليك ..
ريهام / خلااص اول ماطلع من المستشفى راح اجي لعندك .. وربي مشتاقه لك ..
ريناد / اوووووووووكيه حيااك ..
ريهام / اووكيه قلبي ... باااااااي

ريناد بعد ماتركت الجوال بجنبها لقت ندى سرحاانه بعاااالم ثااني

(البارحـة جيـت أفتكـر شـي ٍ تناسيـتـه .. و أحــن
و أدري بيذبحني الحنين إن طاوع القلب و حكى
مثـل الغريـب اللـي لـيـا جــا يـذكـر ديــاره يـجـن
لـو مـا تذكّرهـا يـذوب .. و لـو تذكّـرهـا بـكـى !!)
ريناد بصوت عالي / ندوووووو
ندى ارتاااعت / وعماااااااااااا
ريناد / ههههههههه ويين رحتي ؟؟
ندى بجديه / بنتظر منه الووو .. وابشوف وش راح يحكي ..
ريناد / اهااا .. بس ندوو لا تخربي اللي بينك وبينه علشان وحده ماتستااهل ..
ندى هزت راسها بأيه ../ اووكيه ..
ندى / الااا تعااالي وانتي وش جديدك مع المسيو نااصر
ريناد / ههههههههه مالت عليك ..
ندى / لااا جد ماقال راح يجي ولا راح يطلعك اليوم ؟
ريناد / لاااا ماحكيت معه اليوم .. ومو طايقه اشووفه ..
ندى / رنوود .. حنني قلبك عليه صدقيني راح تحبيه مثل ماهو يحبك
ريناد شهقت / لاااا مستحيل .. مشاعري وقلبي مو له .. مو ملك لأي حد ..
ندى / الله يهديك بس ..
ريناد / ويهديك بعد ..
ندى وريناد / ههههههههههههه

:::::::::::::::::::::::::::

راكان بغرفته و اللاب توب .. بحظنه ..
( وينهااا وش فيها مادخلت ؟؟ هي قالت راح تخش الظهر !! يااارب حكت معه وفهمته على كل شي .. )

:::::::::::::::::

ريناد اول ماطلعت ندى اخذت جهازها وفتحته ...
الا يدق جوااالهاا ..
ريناد اخذته وناظرت المتصل ( قدري المحتوم )
ريناد ردت متأففه / الووو
بو وليد / هلاااا بهالصووت ..
ريناد بقرف / اهليين ..
بو وليد / شلونج ؟؟
ريناد / كويسه ..
بو وليد / اقوول عمري ..
ريناد / .........
بو وليد كمل حكي / خلااص زواجنا يوم 17 من الشهر الياي .. حجزت الفندق وراح نسافر بنفس الليله وكل شي اوووكيه ...
ريناد شهقت / لاااا ...
بو وليد / شنوو اللي لااا
ريناد وقلبها ينبض بقووه ومرتبكه / بو وليد افهمني ... انا مو لك .. ماابغاك .. تكفى اتركني لوحدي ... طلبتك ..
بو وليد مو مستوعب اللي سمعه منها / ايييش اتركج ؟ وليه ؟ على أي اساس ؟؟ الا اذا تبين ابوج يدخل المخفر والسجن ماعندي مانع
ريناد نزلت دمعه عى خدها بسرعه / لاااا ماابغا بابا ينسجن .. الفلوس اللي تبغاه منه اقدر اعطيك ايااهااا بس تتركني .. وتبعد عني
بو وليد بخبث / ههههههههههه ليه طايحة على كنز ؟؟ وحتى لو دبرتي فلوس .. انا مستحيل اتركج .. خلااص انتي ملكي فاهمه ولا لااا
ريناد بقهر / بس انا ماابغاااااااك ومستحيل اخليك تقرب مني ..
بو وليد بجديه / انا مقدر وضعج بس لجيتي بيتج معاي اكيد بيختلف الوضع .. راح تتعودين علي ..
ريناد بعناد / لااا ماراح تااخذني .. افهمني انا مابغاااااااااااااك .. اكرهك ..
بو وليد بعصبيه / عاااد مو بكيفج .. تبيني ولا ماتبيني ... زواجنا الشهر الياي وبتيين غصبن عليج ..
ريناد / حراااااااااااام عليك .. كيف ترضاها لنفسك تعيش مع وحده ماتبغااك ..
بو وليد ببرود / عااااااااادي يااقلبي ارضاها ليش لااا
ريناد بعصبيه / شنوو يعني غصب ..واصلا زواجنا من البدايه غلط .. ومو لازم يتم ابد ..
بو وليد / لا تحاولي بأسلوبك تنرفزيني .. ترى والله آخذج من اليوم فااهمه
ريناد / ....................
بو وليد / فكري زيين وتركي عنج هالكلام اللي مايودي ولا يييب ..
ريناد / افهمني .. انت مثل بابا .. كيف اتزوجك كيف ؟؟
بو وليد / ههههههه لااا يالدلوعه انا مو زي بابا ...الظاهر انتي معصبه اخليج اناا ..
ريناد رمت الجوال عالسرير بعصبيه / آآآآآآآآآآففففف الله يااخذك وافتك منك ..
دخلت الحمام وغسلت وجهها وجففته بالمنشفه وطلعت ..

» روايه الحب المستحيل الجزء الثامن عشر تكمله اخيره
» روايه الحب المستحيل الجزء الثامن عشر
» روايه الحب المستحيل الجزء الخامس والعشرون الجزء الثانى تكمله
» روايه الحب المستحيل الجزء السادس والعشرون الجزء الاول تكمله
» روايه الحب المستحيل الجزء السادس والعشرون الجزء الثانى تكمله